اعاجاي-التاي تورابى   ›   مادەنيەت ارناسى   ›   بىلگەنگە مارجان

سۋ شاشپەن ۇيىقتاۋعا بولا ما؟

  اجەڭىز نەمەسە اناڭىز شاشىڭىزدى كەپتىرمەي ۇيىقتاۋعا بولمايتىندىعىن ايتقان بولار. الايدا، نە ءۇشىن بولمايدى؟ نەمىس اۋىز ادەبيەتىندە "سۋ شاشپەن ۇيىقتاپ قالعان قىزدىڭ تۇسىنە جىن كىرىپ، قۇلاعىنا كۇنالى ويلار سىبىرلاپ كەتەدى" دەگەن سەنىم بار ەكەن. شاش جۋىپ بولعان سوڭ بىردەن ۇيىقتاۋدىڭ دەنساۋلىققا زيانى بار.

  شاش سىنادى

  ىلعال شاش سىنعىش بولىپ كەلەدى. سەبەبى جۋىپ بولعان بويدا ول قورعانسىز قالادى. شاش جۋ كەزىندە وعان قاتتىلىق پەن يىلگىشتىك بەرىپ تۇرعان مايلى قابىقشا شايىلىپ كەتەدى. ىلعال سىنعىش شاشتار ءسىز ۇيىقتاپ جاتىرىپ، قوزعالعان سايىن زاقىمدالادى. ەگەر ساپالى سۋسابىن مەن ۋاقىتىلى بالزام، كونديتسيونەر قولدانساڭىز، بۇل ماسەلە ورىن الماۋى مۇمكىن.

  باس توڭادى

  ءتىپتى، ىستىق كۇنى سۋدان شىققاندا، جاعىمدى سالقىندىق سەزىنەسىز. تەرى ىلعال بولعان كەزدە ول سالقىندايدى. باسىڭىزدى جۋىپ، ىلعال شاشپەن جاتۋ كەزىندە ءدال وسىنداي جاعداي ورىن الادى. ەگەر تۇندە ءۇي جىلى بولسا، ەشتەڭە ەتپەيدى. بىراق ءسال سالقىندىق بولسا، شاش تۇيىندەرى توڭىپ، شاش السىرەيدى. وعان قوسا، بولمەگە جەل ءوتىپ تۇرسا، تۇماۋلاتۋىڭىز دا ابدەن مۇمكىن.

  قاۋىپ توندىرەدى

  بۇل ادەمى اتتىڭ استىندا قايىزعاق تۋدىراتىن ساڭىراۋقۇلاق جاتىر. ول ىلعال ورتادا داميدى. سۋ شاشپەن ۇيىقتاۋ ونىڭ كوبەيۋىنە ىقپال ەتەدى. سوندىقتان شاشتى قايىزعاققا قارسى سۋسابىنمەن جۋىپ، بىراق سۋ شاشپەن ۇيىقتاۋ ەش ناتيجە بەرمەيدى.

  باكتەريالار وسەدى

جاستىق، اسىرەسە قۇسجاستىق قاۋىپ كوزى بولۋى مۇمكىن. سۋ شاشپەن ۇيىقتاۋعا جاتقاندا جاستىق تا ىلعال بولادى. ال ول باكتەريالاردىڭ، ساڭىراۋقۇلاقتاردىڭ جانە كەنەلەردىڭ دامۋىنا ارنالعان قولايلى ورتا. اللەرگەندەردىڭ كوبەيۋىنە ءوزىڭىز ىقپال ەتەسىز. سوندىقتان، تاڭەرتەڭ ورىن الاتىن جوتەل نەمەسە كوزدىڭ قىشۋى سەكىلدى جاعىمسىز بەلگىلەر سۋ شاشپەن ۇيىقتاعاننىڭ سالدارى بولۋى مۇمكىن.

جاۋاپتى رەداكتور: ءاننا اكىمقان قىزى
  • التاي ايماعىندا قالىڭ قار جاۋدى
  • شينجياڭ مارالباسى: قالا ماڭىندا سەرۋەندەۋ اۋىل-قىستاق گۇلدەندىرۋدى دەمەدى
  • جولدارعا مۇز قاتقاندىعى جونىندەگى سارى ٴتۇستى ساقتىق سيگنال
  • حانزۋ ۇلىن ساعىنىپ جول قاراعان اجە