اعاجاي-التاي تورابى   ›   مادەنيەت ارناسى   ›   بىلگەنگە مارجان

عالىمدار كىتاپ وقۋ ءومىردى ۇزارتاتىنىن دالەلدەدى

  ا ق ش عالىمدارى كۇيزەلىستەن ارىلىپ، ءومىردى ۇزارتۋعا كىتاپ وقۋ كومەكتەسەتىنىن دالەلدەدى.

  زەرتتەۋ ناتيجەسىندە عالىمدار كۇنىنە 30 مينۋت كىتاپ وقيتىن ادامداردىڭ ۇزاق ءومىر سۇرەتىنىن انىقتاعان. الايدا ودان دا جاقسى ناتيجەگە قول جەتكىزۋ ءۇشىن كۇنىنە كەمىندە 200 مينۋت كىتاپ وقۋ كەرەك ەكەن.

  زەرتتەۋ 12 جىلعا سوزىلعان. وسى ۋاقىت ارالىعىندا، وكىنىشكە قاراي كىتاپ وقيتىن ادامداردىڭ سانى ءبىرشاما ازايعانى انىقتالعان.

  كىتاپ وقيتىن ادامداردىڭ ەستە ساقتاۋ قابىلەتتەرى كۇشتى جانە جاسىنا قاراماستان اقىل-ويلارى ۇشقىر بولادى ەكەن.

  سونىمەن قاتار، جاتار الدىندا كىتاپ وقۋ ادامنىڭ حال-جاعدايىن جاقسارتىپ، اعزانى اۋرۋلاردان قورعاۋعا كومەكتەسەدى.

  ۇيقىسىزدىقپەن كۇرەسۋدە دە وقۋدىڭ كومەگى زور. كىتاپ وقۋ كەزىندە سانا مەن مي ۇيقىعا دايىندالادى.

  6 مينۋت كىتاپ وقۋ كۇيزەلىس دەڭگەيىن 68 پايىزعا تومەندەتەدى.

  سونداي-اق عالىمدار ينفارك پەن ينسۋلتتىڭ الدىن الۋعا دا وقۋدىڭ تيگىزەر كومەگى مول ەكەنىن انىقتاعان. كىتاپ وقۋ اسىرەسە ەگدە ادامدارعا پايدالى ەكەن. ميدى جاتتىقتىرىپ، الجۋدىڭ الدىن الۋعا كومەكتەسەدى.

جاۋاپتى رەداكتور: ءاننا اكىمقان قىزى
  • التاي ايماعىندا قالىڭ قار جاۋدى
  • شينجياڭ مارالباسى: قالا ماڭىندا سەرۋەندەۋ اۋىل-قىستاق گۇلدەندىرۋدى دەمەدى
  • جولدارعا مۇز قاتقاندىعى جونىندەگى سارى ٴتۇستى ساقتىق سيگنال
  • حانزۋ ۇلىن ساعىنىپ جول قاراعان اجە