اعاجاي-التاي تورابى   ›   مادەنيەت ارناسى   ›   دەنساۋلىق

باۋىر جۇمىسى كوڭىل كۇيگە قالاي اسەر بەرەدى؟

  فرانسۋزدار باۋىردى «كوڭىل كۇي بەزى» دەپ بەكەر ايتپايدى. ەدينبۋرگ ۋنيۆەرسيتەتىنىڭ عالىمدارى 165 مىڭ ەرىكتىلەردىڭ وسى اعزاسىن 10 جىل بويى زەرتتەگەن.

  ناتيجەسىندە، دەپرەسسيادا نەمەسە سوزىلمالى كۇيزەلىستە بولعان ادامدار ءجيى باۋىر اۋرۋلارىمەن قينالعان. باۋىر - ادام اعزاسىنداعى باستى جۇيەنىڭ ءبىرى. ەگەر ول ساۋ بولماسا، جاڭىلۋ بۇكىل اعزا بويىنشا بولادى. سونىڭ ىشىندە، باس ميى دا وزگەرىسكە ۇشىرايدى: باۋىر قاندى قاجەتتى تۇردە سۇزگىلەۋدى توقتاتا باستاعاندا، ءزار ونى ۋلاي باستايدى. سول ءۇشىن باس اۋرۋى، ۇيقىسىزدىق، سوزىلمالى شارشاعاندىق، دەپرەسسيا پايدا بولادى. امەريكالىق عالىمداردىڭ زەرتتەۋى بويىنشا، بۇل بەلگىلەردى ادامدار ادەتتە باۋىرمەن بايلانىستىرمايدى. باۋىرىنىڭ ساۋ ەمەستىگىن ءبىلىپ تۇرسا دا، ايتىلعان بەلگىلەردى ونىڭ سالدارى بولۋى مۇمكىن ەكەندىگىن ويلامايدى.

  باۋىردا جۇيكە جالعاۋلارى بولماعاندىقتان، ول ءوزىنىڭ «پروبلەماسىن» حابارلاي المايدى. شارشاعاندىق جانە دەپرەسسيا سەكىلدى بەلگىلەردى ادامدار جۇمىستاعى نەمەسە جەكە ومىردەگى ماسەلەلەرمەن بايلانىستىرادى. سونىمەن قاتار، ۇيقىسىزدىق جانە كوڭىل كۇي اۋىسۋى كەزىندە باۋىردى تەكسەرتۋ ەشكىمنىڭ ويىنا كەلمەيدى. كوڭىل كۇي وزگەرىسىنەن باسقا باۋىر پروبلەماسىنىڭ بار ەكەندىگىن مىنا بەلگىلەر كورسەتەدى:

  السىزدىك، وڭ جاق قابىرعا استىنان اۋىرلىق پەن ىڭعايسىزدىق سەزىنۋ، تابەتتىڭ ءتۇسىپ كەتۋى، جۇرەك اينۋ، قۇسۋ، گاز ءتۇزىلۋىنىڭ جوعارىلاپ كەتۋى، ءىش ءوتۋ، اۋىزعا جاعىمسىز ءدام كەلۋ، ىسىك، دەنە تەمپەراتۋراسىنىڭ جوعارىلانۋى. ەگەر وسى ايتىلعانداردىڭ ءبىرى مازالاسا، دارىگەرگە كورىنىڭىز.

  باۋىر اۋرۋىنىڭ قالاي الدىن الۋ كەرەك؟

  باۋىر ءتۇرلى سەبەپتەن اۋىرىپ قالۋى مۇمكىن: الكوگول جانە ءدارىنى كوپ ءىشۋ، ۆيرۋس پەن باكتەريا، سەمىزدىك پەن دۇرىس ەمەس تاماقتانۋ. سوندىقتان ەڭ جاقسى الدىن الۋعا - سالاۋاتتى ءومىر ءسۇرۋ سالتى جاتادى:

  - الكوگول ءىشۋدى ازايتۋ (نەمەسە تولىقتاي باس تارتقان ءجون) ؛

  - تەمەكىدەن باس تارتۋ؛

  - بەلسەندى ءومىر سالتى؛

  - گيگيەنا ەرەجەلەرىن ساقتاۋ؛ - دۇرىس تاماقتانۋ؛

  - كۇيزەلىستىڭ بولماۋى. الايدا بۇل شارالار ساۋ باۋىردىڭ بولۋىنا كەپىل بەرمەيدى. سەبەبى سىرتقى ومىردە كوپتەگەن نەگاتيۆتى فاكتورلار بار. سونىمەن قاتار، كەي باۋىر اۋرۋلارى بەلگىسىز تۇردە كەلەدى. سوندىقتان، جىلىنا ءبىر رەت تەكسەرىستەن وتكەن ءجون.

جاۋاپتى رەداكتور: ءاننا اكىمقان قىزى
  • حانزۋ ۇلىن ساعىنىپ جول قاراعان اجە
  • قارتىن قادىرلەگەن— شي جينپيڭ
  • تاڭعى مۇنار استىنداعى شۇڭقىردىڭ كورىنىسى
  • وسپىرىمدەردىڭ بەينەلەۋىندەگى «جاسىل ءتۇستى ارمان»