اعاجاي-التاي تورابى   ›   حابارلاندىرۋ

2019 – جىلعى مەملەكەتتىك ۇكىمەت قىزمەتكەرلىگىنە قابىلداۋ ەمتيحانى ارقىلى 14 مىڭ 500 قىزمەتكەر قابىلدانادى

  ءتىلشىنىڭ مەملەكەتتىك ۇكىمەت قىزمەتكەرى مەكەمەسىنەن ۇعىسۋىنشا، ورتالىقتاعى ورگاندار مەن ولارعا توتە قاراستى قۇرىلىمدارعا 2019 – جىلعى ەمتيحان ارقىلى ۇكىمەت قىزمەتكەرىن قابىلداۋ قىزمەتى باستالدى. 12 – قازاننان كەيىن، ەمتيحانعا تىزىمدەلەتىندەر مەملەكەتتىك ۇكىمەت قىزمەتكەرى مەكەمەسىنىڭ پورتالى (http://www.scs.gov.cn) جانە ورتالىقتاعى ورگاندار مەن ولارعا توتە قاراستى قۇرىلىمدارعا 2019 – جىلعى ەمتيحان ارقىلى ۇكىمەت قىزمەتكەرىن قابىلداۋ ارناۋلى پاراقشاسىنا (http://bm.scs.gov.cn/kl2019) شىعىپ، قاتىستى ينفورماتسيالاردى ۇعىسا الادى.

  ۇعسۋعا قاراعاندا، وسى رەت ەمتيحان ارقىلى قابىلداۋعا ورتالىقتاعى ورگانداردان 75 مەكەمە مەن توتە قاراستى 20 قۇرىلىم قاتىناسىپ، 14 مىڭ 500 قىزمەتكەر قابىلداۋدى جوسپارلاپ وتىر. ەمتيحانعا تىزىمدەلۋ ۋاقىتى 22 – قازاننان 31 – قازانعا دەيىن. جالپىلىق پاننەن جازباشا ەمتيحان 2 – جەلتوقسان كۇنى الىنادى.
 ۇعىسۋعا قاراعاندا، 2019 – جىلعى مەملەكەتتىك ۇكىمەت قىزمەتكەرىن قابىلداۋ ەمتيحانى بارىسىندا كادر سارالاۋدا نەگىزگى ساتىعا ءمان بەرۋ باعدارىنا ۇزدىكسىز تاباندى بولىپ، ساياسي ولشەم كورنەكتىلەندىرىلەدى. جاقسى كادر ولشەمىنە تاباندى بولۋ نەگىزىندە، ساياسي ولشەمدى ءبىرىنشى ورىنعا قويىپ، مۇنى قىزمەت ورنىنا قابىلداناتىندارعا شارت قويۋ، تولىمدىلىعىن تەكسەرۋ، ەمتيحان الۋ، بايقاپ كورۋ سىندى تۇيىندەرمەن بايلانىستىرىپ، «ءتورت تانىمدى» شىنايى تۇردە بەرىك ورناتقان، «ءتورت سەنىمدىلىكتى» باتىل جالعاستىراتىن، ادال دا پاك ءارى مىندەتتى ارقالاي الاتىن، ارمانى مەن مۇراتى زور جانە وتباسى مەن مەملەكەتكە دەگەن ماحابباتى تەرەڭ ۇزدىك دارىندىلاردى سارالاپ شىعۋ تالاپ ەتىلەدى.

جاۋاپتى رەداكتور: ءاننا اكىمقان قىزى
  • تاڭعى مۇنار استىنداعى شۇڭقىردىڭ كورىنىسى
  • وسپىرىمدەردىڭ بەينەلەۋىندەگى «جاسىل ءتۇستى ارمان»
  • قومداعى العاشقى قار
  • قاناس كورىنىس ساياحات رايونىنداعى قاسقىرلار