اعاجاي-التاي تورابى   ›   اقپارات ايدىنى   ›   شينجياڭ حابارلارى

شوكىرات زاكىر شيحۋدا تەكسەرۋ - زەرتتەۋ جۇرگىزگەندە مىنانى باسا دارىپتەدى

نازاردى شينجياڭ قىزمەتىنىڭ باس نىساناسىنا شوعىرلاندىرىپ، ەكونوميكانىڭ جوعارى ساپالى دامۋىن ىلگەرىلەتەيىك

      جاۋ جىيۇن 10 - ايدىڭ 11 - كۇنى شيحۋدان حابارلايدى. 10 - ايدىڭ 11 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر شيحۋ ونەركاسىپ باقشاسى كايساي (شيحۋ) بيولوگيالىق ماتەريالدار شەكتى سەرىكتەستىگىنە بارىپ تەكسەرۋ - زەرتتەۋ جۇرگىزىپ، جۇمىستى ۇستىندە ءبىتىرۋ تاسىلىمەن كاسىپورىن ءدوپ كەلگەن قيىنشىلىقتار مەن ماسەلەلەردى تاباندا اقىلداسىپ، ءبىر جايلى ەتتى. شوكىرات زاكىر مىنانى باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا دامۋ ۇستانىمىن دايەكتىلەندىرۋ، جوعارى ساپالى دامۋدى ىلگەرىلەتۋ جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ تالابى بويىنشا، شينجياڭ قىزمەتىنىڭ باس نىساناسىن مىقتاپ ارقاۋ ەتە وتىرىپ ەكونوميكانىڭ جوعارى ساپالى دامۋىن ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ ءۇشىن بەرىك نەگىز قالاۋ كەرەك.
      تەكسەرۋ - زەرتتەۋ بارىسىندا شوكىرات زاكىر كاسىپورىننىڭ شيكىزاتپەن قامداۋ، ءوندىرىس تەحنيكاسى، ونىمدەرىنىڭ قولدانىلاتىن ورنى، بازار بولاشاعى، قابىلداۋ، كاسىپتەندىرۋ سياقتى جاعدايلارىن ەگجەي - تەگجەيلى ۇعىسىپ، كاسىپورىننىڭ زەرتتەۋگە، اشۋعا قىرۋار قارجى جۇمساعاندىعىن، قازىر تەحنيكا جاعىندا دۇنيە ءجۇزى بويىنشا ماڭداي الدى ورىندا تۇراتىندىعىن، ونىمدەرىنىڭ بازارداعى سۇرانىسىنىڭ توتەنشە زور بولعاندىعىن، كەڭ دامۋ بولاشاعى بار ەكەندىگىن بىلگەننەن كەيىن، ول كاسىپورىننىڭ دامۋدا قول جەتكىزگەن جەتىستىكتەرىن تۇراقتاندىردى ءارى كاسىپورىندى «ءبىر بەلدەۋ، ءبىر جول» قۇرىلىسى ورايىن قولدان جىبەرمەي، ورنىقتىلىقتىڭ يگىلىگىنەن، رەفورمانىڭ يگىلىگىنەن جانە ساياساتتىڭ يگىلىگىنەن تولىق پايدالانىپ، كاسىپورىندى باسقارۋدى كۇشەيتىپ، تەحنيكادا جاڭالىق اشۋدى ىلگەرىلەتىپ، ونىمدەردىڭ قۇنىن ارتتىرىپ، كاسىپ تىزبەگىن ۇزارتىپ، باسەكەدەگى باسىمدىعىن ساقتاپ، دۇنيە جۇزىلىك بازاردى اشىپ، بولاشاق دامۋعا جەتەكشىلىك ەتىپ، جاڭا دامۋ ۇستانىمىن دايەكتىلەندىرۋدىڭ، تياناقتاندىرۋدىڭ جەتەكشىسى بولۋعا قۇلشىنىپ، شينجياڭنىڭ وسىزاماندانعان كاسىپ جۇيەسىن قۇرۋىنا، جوعارى ساپالى دامۋدى جۇزەگە اسىرۋىنا جاڭا دا اناعۇرلىم زور ۇلەس قوسۋعا شابىتتاندىردى.
       شوكىرات زاكىر تەكسەرۋ - زەرتتەۋگە قاتىناسقان اۆتونوميالى رايوننىڭ قاتىستى تاراۋلارىنىڭ جانە تارباعاتاي ايماعىنىڭ، شيحۋ قالاسىنىڭ قاتىستى جاۋاپتى جولداستارىنا مىنالاردى تاپسىردى: پارتيا ورتالىق كوميتەتىنىڭ جاڭا دامۋ ۇستانىمىن دايەكتىلەندىرۋ، جوعارى ساپالى دامۋدى ىلگەرىلەتۋ جونىندەگى جەلىلەس ماڭىزدى ماجىلىستەرى مەن ماڭىزدى حۇجاتتارىنىڭ رۋحىن مۇقيات ۇيرەنىپ، ءتۇسىنىپ، ءوز جەرىنىڭ ءىس جۇزىندىك جاعدايىمەن ۇشتاستىرىپ، شينجياڭ قىزمەتى باس نىساناسىنىڭ ءبىر تۇتاس باسشىلىعىندا ەكونوميكانىڭ جوعارى ساپالى دامۋىن ىلگەرىلەتۋدىڭ ناقتى شارالارىن مۇقيات زەرتتەپ، تياناقتاندىرۋدى شەگە قاعۋ رۋحىمەن مىقتاپ يگەرۋ كەرەك. «ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ» رەفورماسىن ۇزدىكسىز تەرەڭدەتىپ، شارۋاشىلىق ورتاسىن اناعۇرلىم ساپالىلاندىرىپ، بازاردىڭ ومىرشەڭدىك كۇشىن تاسقىنداتۋ كەرەك. ىشكەرىلەي ارالاپ، كاسىپورىننىڭ دامۋدا ءدوپ كەلگەن كورنەكتى قيىنشىلىقتار مەن ماسەلەلەرگە كوز جەتكىزىپ، جۇمىستى ۇستىندە ءبىتىرۋ سياقتى تاسىلدەرمەن كاسىپورىننىڭ قيىن ماسەلەلەردى شەشۋىنە كومەكتەسىپ، نىسانداردى ءبىر - بىردەن قاداعالاپ، كاسىپورىنداردى ءبىر - بىردەن ارالاپ، جۇمىستاردى ءبىر - بىردەن تىندىرىپ، ماسەلەلەردى ءبىر - بىردەن شەشىپ، جىنتىكتەي، ناقتاپ يگەرىپ، ناقتى ونىمدىلىككە قول جەتكىزۋگە كەپىلدىك ەتۋ كەرەك.

جاۋاپتى رەداكتور: ايدوس بازارحان ۇلى
  • شينجياڭداعى تۇڭعىش الەمدىك گەولوگيالىق باقشاسى رەسمي اشىلدى
  • كەشكى شاپاق
  • كوكتوعايدىڭ كوركەم كۇزگى كورىنىسى
  • جەمەنەي اۋدانىءسۇت ونىمدەرى باسەكە قيمىلىن وتكىزدى