اعاجاي-التاي تورابى   ›   اقپارات ايدىنى   ›   شينجياڭ حابارلارى

وزىنە قاتاڭ بولىپ، حالىققا «كەڭشىلىك» ىستەدى

شىن ياپيڭ

     اقپارات قۇرالدارىنىڭ حابارىنا قاراعاندا، جۋىقتا ءۇرىمجى قالالىق قالا، اۋىلدى جوبالاۋ - باسقارۋ مەكەمەسى «تولىق بولماسا دا تەكسەرىپ بەكىتۋدى» جولعا قويىپ، بەلگىلەمەگە ۇيلەسەتىن تەكسەرۋدەن وتكەن ءتۇيىندى قۇرىلىس نىساندارىنىڭ ماڭىزدى ماتەريالدارى تولىق، تەك ءبىر ءبولىم قوسىمشا ماتەريالدارى عانا كەم بولعان جاعدايدا، ءوتىنىش ەتۋشى قاتىستى ۋادە بەرگەننەن كەيىن، ماتەريالدارى تولىق بولماسا دا قابىلداپ، جۇمىس بىتىرە كەلگەن كاسىپورىنداردىڭ، بۇقارانىڭ «ارلى - بەرلى شاپقىلاۋىنان» ساقتاندى.
     ماتەريال تولىق بولماۋ − «ءبىر رەتتە ءبىتىرۋ» سىندى اكىمشىلىك تەكسەرىپ بەكىتۋ ءتۇزىمى رەفورماسىنىڭ ءىس جۇزىندىك اينالىمى بارىسىندا ءدوپ كەلەتىن نەگىزگى كەدەرگى. «تولىق بولماسا دا تەكسەرىپ بەكىتۋدىڭ» ءبىر جاڭالىق اشۋ ارەكەتى ەكەندىگىندە داۋ جوق، ول بۇرىنعى «ماتەريال تولىق بولماسا، جۇمىس بىتىرۋگە بولمايتىن» تەكسەرىپ بەكىتۋ قيىنشىلىعىن شەشىپ، «ءبىر رەتتە ءبىتىرۋ رەفورماسىنا» كۇش ۇستەپ، حالىقتى وزەك ەتۋ، قىزمەت وتەۋگە قۇلىقتى ۇكىمەت قۇرۋ تانىمىن ايگىلەدى.
     الايدا، «تولىق بولماسا دا تەكسەرىپ بەكىتۋدە» «ۋاقىتشا تولىق بولماۋعا» كەڭشىلىك ەتىلگەن، ءبىراق «شىنىمەن تولىق بولماۋعا» جول قويىلماعان. بۇل ۇكىمەت تاراۋلارىنىڭ قىزمەت وتەۋدى كەمەلدەندىرۋىنە اناعۇرلىم جوعارى تالاپ قويدى. «تولىق بولماسا دا تەكسەرىپ بەكىتۋدىڭ» العى شارتى − ۇكىمەت تاراۋلارى قاتىستى قىزمەتتەردى ءتىپتى دە قاتاڭ، ءتىپتى دە مۇقيات، ءتىپتى دە شىنايى ورىستەتۋ. مىسالى، ءىس الدىندا ۇقتىرۋ قىزمەتىن كۇشەيتىپ، ءىس بىتىرەتىن ورىندار مەن بۇقارانىڭ امالدىڭ بارىنشا ماتەريالدارىن ءبىر جولدا تولىق دايىنداۋىنا مۇمكىندىك جاساۋ كەرەك؛ ىستەن كەيىنگى باقىلاۋ، باسقارۋ قىزمەتىن كۇشەيتىپ، ماتەريالدارىن ۋاقىتىندا تولىقتاماعانداردى دەر كەزىندە ەسكەرتىپ جانە قۋزاۋ سالىپ، سول ارقىلى حالىققا قولايلى، حالىققا ءتيىمدى «تولىق بولماسا دا تەكسەرىپ بەكىتۋدى» جۇزەگە اسىرۋ ءارى زاڭ - ەرەجەگە ساي «قاتاڭ تەكسەرىپ بەكىتۋ» جۇرگىزۋ كەرەك.
    حان يۇي «يۋانحۇي» دەگەن كىتابىندا: «بايىرعى زامانداعى ازاماتتار وزىنە قاتاڭ تالاپ قويادى، باسقالارعا كەڭشىلىك ىستەيدى» دەگەن بولاتىن. وزىنە قاتاڭ دا جان - جاقتى تالاپ قويىپ، باسقالارعا كەڭ پەيىل دە قاراپايىمدىلىقپەن قاراۋ دەگەن وسى ءبىر اۋىز ءسوزدى اكىمشىلىك قىزمەت وتەۋدە پايدالانسا، ۇكىمەتتىڭ تاماشا وبرازى مەن جاقسى اتى بۇقارانىڭ كوڭىلىندە ورنايدى.

جاۋاپتى رەداكتور: ايدوس بازارحان ۇلى
  • شينجياڭداعى تۇڭعىش الەمدىك گەولوگيالىق باقشاسى رەسمي اشىلدى
  • كەشكى شاپاق
  • كوكتوعايدىڭ كوركەم كۇزگى كورىنىسى
  • جەمەنەي اۋدانىءسۇت ونىمدەرى باسەكە قيمىلىن وتكىزدى