اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

كوكتوعاي دۇنيە جۇزىلىك گەولوگيالىق باقشاسى رەسىمي اشىلدى

  جۇڭگوداعى 35-، شينجياڭداعى تۇڭعىش دۇنيە جۇزىلىك گەولوگيا باقشاسى بولعان كوكتوعاي دۇنيە جۇزىلىك گەولوگيا باقشاسىنىڭ اشىلۋ سالتى 10- ايدىڭ 10- كۇنى وتكىزىلدى.

  ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ءۋاليى لان شىڭشين جانە قاتىستى باسشىلار باقشانىڭ اشىلۋ سالتىنا قاتىناستى.

  كوكتوعاي دۇنيە جۇزىلىك گەولوگيالىق باقشاسىنىڭ جالپى اۋماعى 2337.90 شارشى كيلومەتر كەلەدى، ەرتىس ۇلكەن اڭعارى كورىنىس رايونى، كوكسۋ كورىنىس رايونى، قارا زەڭگىر كورىنىس رايونى، 3- ءنومىرلى كەن جۇلگەسى كورىنىس رايونى، سايقىنبۇلاق كورىنىس رايون سەكىلدى بەس بولەكتەن قۇرالادى. باقشادا وزگەشە التاي تاۋى ناقىشتى جارتاس سۋرەتتەرى جەر بەدەرىندىك كورىنىس، دۇنيە جۇزىندە سيرەك كەزدەسەتىن ەرەكشە ۇلكەن سيرەك كەزدەسەتىن مەتال كەن ورنى جانە كەن قازىلعان ءوڭىر، جۇرت جۇرەگىن تۇرشىكتىرەتىن كوكتوعاي 8 بال جەر سىلكىنىسى جانە جەر سىلكىنىسى وپىرىلمالى بەلدەۋىنىڭ جۇرتى سەكىلدى ءۇش ءىرى تۇلعالىق ءوڭىرى بار بولۋدان سىرت سىڭسىعان ورمان كەڭ بايتاق جايىلىم اسقار تاۋلى كورىنىس ءوڭىرى مەن قازاقتىڭ مادەنيەت تاريحى بار بولىپ عىلىمي زەرتتەۋ، عىلىم جالپىلاستىرۋ، جاعىراپيا عىلىمي جونىندە پراكتيكا جاساۋ، سەيىل سەرۋەن قۇرىپ ساياحاتتاۋ دەمالۋ ءبىر تۇلعالانعان، عىلىم- تەحنيكالىق مازمۇنى بول، ەرەكشەلىگى كورنەكتى، مادەني تىنىسقا باي، تاماشالاۋ قۇنىنا يە جالپىلىق جاراتىلىستىق باقشا ەسەپتەلەدى.

  سىچۋان ولكەلىك گەولوگيالىق كەن ونىمدەرىن بارلاپ اشۋ مەكەمەسىنىڭ گەولوگيا مامانى جاڭ چىڭگۇڭ: دۇنيە جۇزىلىك گەولوگيا باقشاسىن قۇرۋ ارقىلى كوكتوعاي قالاشىعى مەن كوكتوعاي اۋدانىن دۇنيە جۇزىنە تانىستىرىپ، دەڭگەيىن بىرتىندەپ جوعارىلاتۋعا بولادى، گەولوگيا جۇرتىن ويداعىداي قورعاۋ ارقىلى جەرگىلىكتى ورىننىڭ ەكونوميكاسىن دامىتىپ حالىقتىڭ عىلىم- تەحنيكا ساپاسىن جوعارىلاتۋعا بولادى. وسى گەولوگيا باقشاسىنىڭ قۇرىلۋى ساياحات كاسىبىنىڭ دامۋىن جەبەيدى.

  كوكتوعاي دۇنيە جۇزىلىك گەولوگيا باقشاسىنىڭ اشىلۋى كوكتوعاي اۋدانىنداعىلاردىڭ ايماقتىق پارتكومنىڭ «ساياحات كاسىبىن نەگىز ەتۋ، ءبىرىنشى كاسىپكە جەتەكشىلىك ەتۋ، ەكىنشى كاسىپتى بيىك كوتەرۋ» سىندى دامۋ وي جەلىسىن دايەكتىلەندىرۋىنىڭ ناقتى بەينەسى ەسەپتەلەدى، سونىمەن قاتار كوكتوعاي گەولوگيا جۇرتىن ويداعىداي قورعاپ، كوكتوعايدىڭ ساياحات بايلىعىن ۇيلەسىمدى كادەگە جاراتۋدا ايىرىقشا تاريحي ءمان الادى. قازىرگە دەيىن كوكتوعاي اۋدانىندا قابىلدانعان جالپى ساياحاتشى سانى 3 ميلليون 609 مىڭ 900 ادام- رەتكە جەتىپ، ۇقساس مەزگىلدەگىدەن ٪23.74 ارتقان، ساياحات جاعىنداعى جالپى تۇتىنۋ سوماسى 3 ميلليارد 825 ميلليون يۋانعا جەتىپ ۇقساس مەزگىلدەگىدەن ٪26.59 ارتقان.

  بيىل 1- ايدان 10- ايدىڭ 10- كۇنىنە دەيىن كوكتوعاي كورىنىس رايونىندا قابىلدانعان ساياحاتشى سانى 616 مىڭ 500 ادام- رەتكە، ساياحات كىرىسى 752 ميلليون يۋانعا جەتكەن.

  كوكتوعاي دۇنيە جۇزىلىك گەولوگيا باقشاسىن باسقارۋ كوميتەتى پارتيا قىزمەت كوميتەتىنىڭ شۋجيى جوۋ جۇڭفىڭ: بۇدان كەيىن كوكتوعاي دۇنيە جۇزىلىك گەولوگيا باقشاسىن اشۋدى وراي ەتىپ، عىلىمي اشۋ، جاراسىمدى دامىتۋ ۇستانىمى بويىنشا تانىمالدىق ستراتەگياسىن دەن قويا ۇيىمداستىرىپ، كوكتوعاي دۇنيە جۇزىلىك گەولوگيا باقشاسىنىڭ تانىمالدىعى مەن دەڭگەيىن جانە يقۋاتىن جالعاستى جوعارىلاتىپ، وسى باقشانى ەكولوگيا، گەولوگيا، عىلىم جالپىلاستىرۋ يقۋاتى ءبىر تۇلعالانعان باقشاعا، دۇنيە جۇزىندەگى ساياحاتتاعى قاسيەتتى جەرگە اينالدىرىپ، اناعۇرلىم كوپ ساياحاتشىنى باۋرايمىز.

  ۇعىسۋىمىزشا، 2005- جىلى كوكتوعاي گەولوگيا باقشاسى مەملەكەتتىڭ گەولوگيا باقشاسى بولىپ بەكىتىلگەن، 2012- جىلى مەملەكەتتىك بەس A دارەجەلى كورىنىس رايونى بولعان، 2017- جىلى بىرلەسكەن مەملەكەتتەر ۇيىمىنىڭ وقۋ- اعارتۋ، عىلىم مادەنيەت ۇيىمىنىڭ بەكىتۋىمەن دۇنيە جۇزىلىك گەولوگيا باقشالاردىڭ توراپتاعى تىزىمىنە ەنگىزىلىپ جۇڭگوداعى 35-، شينجياڭداعى تۇڭعىش دۇنيە جۇزىلىك گەولوگيا باقشاسىنا اينالعان.

جاۋاپتى رەداكتور: ءاننا اكىمقان قىزى
  • شينجياڭداعى تۇڭعىش الەمدىك گەولوگيالىق باقشاسى رەسمي اشىلدى
  • كەشكى شاپاق
  • كوكتوعايدىڭ كوركەم كۇزگى كورىنىسى
  • جەمەنەي اۋدانىءسۇت ونىمدەرى باسەكە قيمىلىن وتكىزدى