اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ۋاڭ حۇڭشيڭنىڭ ىزگى ىستەرى بۇقارا اراسىندا كۇشتى اڭىس قوزعادى

  كەشە كەشتە ورتالىق تەلەۆيزياسىنىڭ «مەملەكەتتىك حالىقارالىق حابارلارىندا» نەگىزگى ساتىداعى ەڭ سۇيىكتى كادر ۋاڭ حۇڭشيڭنىڭ ىزگى ىستەرى تانىستىرىلعان حابار بەرىلگەننەن كەيىن قوعامدا كۇشتى اڭىس قوزعادى، پارتيالى كادرلار ۋاڭ حۇڭشيڭ جولداستى ۇلگى ەتىپ، قىزمەت ورنىمىزدى تياناق ەتىپ، نازاردى باس نىساناعا شوعىرلاندىرىپ، قوعام ورنىقتىلىعى مەن باياندى تىنىشتىقتى جۇزەگە اسىرۋعا ۇلەس قوسامىز دەستى.

  10- ايدىڭ 10- كۇنى كەشتە ايماقتىق ساياسي- زاڭ كوميتەتىندەگى بارلىق پارتيالى كادرلار ورتالىق تەلەۆيزياسىنىڭ «مەملەكەتتىك حالىقارالىق حابارلارىندا» بەرىلگەن ۋاڭ حۇڭشيڭنىڭ ىزگى ىستەرى تانىستىرىلعان حاباردى ۋاعىندا كوردى. شىڭگىل اۋداندىق پارتكومنىڭ بۇرىنعى ورىنباسار شۋجيى، ساياسي- زاڭ كوميتەتىنىڭ شۋجيى ۋاڭ حۇڭشيڭ بيىل 8- ايدىڭ 9- كۇنى تەكسەرۋ پۋنكىتىندە شارلاپ تەكسەرۋ قىزمەتىن ورىستەتىپ جۇرگەندە اياق- استىنان جۇرەك اۋرۋى قوزعالىپ قىزمەت ۇستىندە قازا بولادى، بيىل نە ءبارى 50 جاستاعى ول ءومىرىنىڭ ەڭ سوڭعى ساتىن وتانىمىزدىڭ شەكارا جەلىسىندە وتكىزىپ، ءوز ءومىرى ارقىلى ءبىر كوممۋنيستىڭ وتانعا دەگەن ادالدىعىن ۇعىندىرىپ، قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋ سەرتىن امالياتتا ايگىلەيدى.

  ايماقتىق پارتكوم ساياسي- زاڭ كوميتەتىنىڭ ورىنباسار شۋجيى قايرات: ۋاڭ حۇڭشيڭ جولداس باس نىسانانى قاي- قاشاندا ەسىنەن شىعارماي، قىزمەتكە بار پەيىلىمەن كىرىسىپ، ءوز قىزمەتىن تىڭعىلىقتى ورىستەتتى، قايتپاس قايسارلىق، بەرىك جىگەر، تاماشا ستيلمەن ءار ۇلت حالقىنىڭ تىنىشتىعى ءۇشىن تابان ەت ماڭداي تەرىن سارقا جۇمسادى، جۇرەكتىلىكپەن جۇك ارقالاپ، شەكارا وڭىردىڭ تىنىشتىعى مەن ورنىقتىلىعى ءۇشىن ەسەلى ۇلەس قوسىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ەسەلى ۇلەس قوستى، ونىڭ جان تەبىرەنتتىك ىزگى ىستەرىنەن ۇيرەنەمىز.

  ايماقتىق پارتكوم پارتكوم ساياسي- زاڭ كوميتەتى ۇگىت تەكسەرۋ- زەرتتەۋ كەڭسەسىنىڭ مەڭگەرۋشىسى گاۋ يۇيحۇي: ۋاڭ حۇڭشيڭ جولداس التايدان شىققان قاھارمان، ساياسي- زاڭ سالاسىنان شىققان تاڭداۋلى كوممۋنيست، ول شىنايى ءىس ارەكەتى ارقىلى اۋەلگى ماقساتى مەن بورىشىن، كوممۋنيستەردىڭ اسىل قاسيەتىن امالياتتا ايگىلەدى، ول جۇرەگىمىزدە ماڭگى ساقتالادى، ودان ماڭگى ۇيرەنۋىمىز كەرەك.

  ايماقتىق پارتكوم ساياسي- زاڭ كوميتەتى ورنىقتىلىقتى قورعاۋ ينفورماتسيا تەكسەرۋ كەڭسەسىنىڭ مەڭگەرۋشىسى ياۋ چى: ۋاڭ حۇڭشيڭ ءبىزدىڭ جۇرەگىمىزدەگى قىزىل جۇلدىز، ونىڭ ىزگى ىستەرىن، وسكەلەڭ رۋحىن جالعاستىرىپ، قىزمەتىمىزدى تىڭعىلىقتى ىستەپ، جاڭا داۋىردەگى پارتيالى كادرلاردىڭ مىندەتى مەن بورىشىن ويداعىداي اتقارامىز.

  ايماقتىق شەكارا قورعانىسىنا جانە قامتاماسىزداندىرۋعا قىزمەت وتەۋ ىستەرىن باسقارۋ ورتالىعىنىڭ مەڭگەرۋشىسى ۋاڭ فەي: بۇدان كەيىنگى قىزمەت بارىسىندا ۋاڭ حۇڭشيڭ جولداستى ۇلگى ەتىپ، ونىڭ نازاردى باس نىساناعا شوعىرلاندىرىپ، ادال بولىپ، وتان ءۇشىن قۇربان بەرۋدەن قورىقپايتىن رۋحىنان، قىزمەتتى بەرىلە ىستەيتىن وسكەلەڭ قاسيەتىنەن ۇيرەنىپ قىزمەتىمىزدى تىڭعىلىقتى ىستەپ، ارىنداپ العا باسىپ قوعام ورنىقتىلىعى مەن باياندى تىنىشتىقتى جۇزەگە اسىرۋعا ءتيىستى ۇلەس قوسامىز.

  بۋىرشىن اۋدانىندا، 200 دەن استام ورگان كادرى ۋاڭ حۇڭشيڭ جولداستىڭ ىزگى ىستەرى تانىستىرىلعان حاباردى دەن قويا كوردى، كوپشىلىك ۋاڭ حۇڭشيڭ جولداستى ۇلگى ەتىپ، ونىڭ اسىل قاسيەتىنەن ۇيرەنىپ، جاڭا داۋىردەگى الىمدى كادر بولۋعا، تاڭداۋلى كوممۋنيست بولۋعا كۇش سالامىز دەستى.

  بۋىرشىن اۋداندىق دامۋ- رەفورما كوميتەتىنىڭ كادرى جاڭ ۋىنجيە: ۋاڭ حۇڭشيڭنىڭ ىزگى ىستەرى تانىستىرىلعان حاباردى كورىپ ايىرىقشا تەبىرەندىم، بۇدان كەيىنگى قىزمەت بارىسىندا ودان ۇيرەنىپ، رياسىز ۇلەس قوسىپ، بۇقارا ءۇشىن شىنايى ءىس تىندىرامىن.

  بۋىرشىن اۋداندىق ۇگىت ءبولىمىنىڭ كادرى ۋاڭ شۋە: ۋاڭ حۇڭشيڭنىڭ ىزگى ىستەرى تانىستىرىلعان حاباردى كورىپ ايىرىقشا تەبىرەندىم، جاڭا داۋىردەگى جاس كادر بولعان مەن ۋاڭ حۇڭشيڭ جولداستى ۇلگى ەتىپ، قۇلشىنا قىزمەت ىستەپ، كاسىبىمدى دامىتۋعا ءتيىستى ۇلەس قوسامىن.

  ۋاڭ حۇڭشيڭ جولداس كوزى تىرىسىندە قىزمەت ىستەگەن شىڭگىل اۋدانىندا، ءار ۇلت كادر- قىزمەتكەرلەرى ۋاڭ حۇڭشيڭ جولداستىڭ ىزگى ىستەرى تانىستىرىلعان حاباردى بىرگە كوردى، كوپشىلىك ۋاڭ حۇڭشيڭ جولداستىڭ بۇقارا مەن ەتەنە بولعان، قىزمەتتى بەرىلە ىستەيتىن اسىل قاسيەتىنەن ۇيرەنىپ ءوز قىزمەتىمىزدى تىڭعىلىقتى ىستەيمىز دەستى.

  شىڭگىل اۋداندىق قوعام حاۋىپسىزدىگى مەكەمەسى شەكارادان كىرىپ- شىعۋشىلاردى باسقارۋ ۇلكەن اترەتىنىڭ باستىعى نۇريلا: ۋاڭ حۇڭشيڭ جولداس شىڭگىل اۋدانىنىڭ دامۋى ءۇشىن بار پەيلىمەن قىزمەت ىستەدى، ونىڭ بويىنان كوممۋنيستەردىڭ رياسىز ۇلەس قوساتىن اسقاق رۋحىن كورۋگە بولادى، حالىق ساقشىسى بولعان ءبىز بۇدان كەيىن ۋاڭ حۇڭشيڭ جولداستان ۇيرەنىپ شىڭگىل اۋدانى قوعامىنىڭ جاراسىمدىلىعى مەن دامۋىنا ۇلەس قوسامىز.

  ۋاڭ حۇڭشيڭ جولداس كوزى تىرىسىندە شىڭگىل قالاشىعى دۇرگىن قىستاعىنىڭ تۇرعىنى ناۋىرزبەكپەن سەرىكتەسىپ تۋىس بولىپ، ونىڭ اۋلاسىنا كوكونىس، جەمىس اعاشىن ەگىپ بەرگەن ەدى، قازىر وسى كوكونىستەردى جينايتىن مەزگىل بولدى. ناۋرىزبەك تۋىسىنىڭ ىزگى ىستەرى تانىستىرىلعان حاباردى كورگەننەن كەيىن ۋاڭ حۇڭشيڭمەن بىرگە بولعان كەزدەرىن ەسىنە الدى.

  ارال قالاشىعى دۇرگىن قسىتاعىنىڭ تۇرعىنى ناۋرىزبەك:

  ۋاڭ حۇڭشيڭ مىندەت اتقارعان مەزگىلدە پارتياعا ادال بولىپ، حالىق ءۇشىن بار ىنتا- پەيىلىمەن قىزمەت ىستەپ، جۇرەكتىلىكپەن جۇك ارقالاپ رياسىز ۇلەس قوستى، ول ءوزىنىڭ شىنايى ءسوز- ارەكەتى ارقىلى كوممۋنيستەردىڭ ساياسي قاسيەتىن جالپى جۇرتقا ۇعىندىرىپ، قاراپايىم قىزمەت ورنىندا وشپەس ءىز قالدىردى.

جاۋاپتى رەداكتور: ءاننا اكىمقان قىزى
  • شينجياڭداعى تۇڭعىش الەمدىك گەولوگيالىق باقشاسى رەسمي اشىلدى
  • كەشكى شاپاق
  • كوكتوعايدىڭ كوركەم كۇزگى كورىنىسى
  • جەمەنەي اۋدانىءسۇت ونىمدەرى باسەكە قيمىلىن وتكىزدى