اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ۋاڭ حۇڭشيڭ جونىندەگى حابار ورتالىق تەلەۆيزياسىندا تاراتىلدى

  شىڭگىل اۋداندىق پارتكومنىڭ بۇرىنعى ورىنباسار شۋجيى، ساياسي- زاڭ كوميتەتىنىڭ شۋجيى ۋاڭ حۇڭشيڭ ءومىرىنىڭ ەڭ سوڭعى ساتتەرىن وتانىمىزدىڭ شەكارا جەلىسىندە وتكىزىپ، ءوز ءومىرى ارقىلى كوممۋنيستەردىڭ وتانعا دەگەن ادالدىعىن جالپى جۇرتقا ۇعىندىرىپ، قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋ جونىندەگى سەرتىن امالياتتا ايگىلەدى. ەندى ورتالىق تەلەۆيزياسىنىڭ «مەملەكەتتىك حالىقارالىق حابارلارىندا» بەرىلگەن ۋاڭ حۇڭشيڭ جونىندەگى حابارعا نازار سالىڭىزدار.

  شينجياڭنىڭ التاي ايماعىنداعى شىڭگىل اۋدانىنىڭ جۇڭگو- موڭعۇليا شەكاراسىنداعى تاۋ جولى ەرەكشە كۇدىر كەلەدى. بيىل 8- ايدىڭ 6- كۇنى ۋاڭ حۇڭشيڭ قىزمەتتەستەرىن باستاپ تەڭىز دەڭگەيىنەن بيىكتىگى 3000 مەترگە تايايتىن تاۋ جولىندا قىس تۇسۋدەن بۇرىنعى شارلاپ تەكسەرۋ قىزمەتىن ورىستەتەدى. شىڭگىل اۋدانىنا قاراستى وڭىردەگى جۇڭگو- موڭعۇليا شەكاراسىنداعى شەكارا جەلىسى ۇزىن، جەر بەدەرى كۇردەلى، شەكارا ءوڭىردى شارلاپ تەكسەرۋ ايىرىقشا جاپالى.

  ۋاڭ حۇڭشيڭمەن بىرگە شارلاۋعا شىققان قىزمەتتەستەرىنىڭ ايتۋىنشا ۋاڭ حۇڭشيڭ وسى جەردەگى ءار ءبىر شەكارا بەلگىسىنە، ءار ءبىر ساي اۋزى مەن شەكاراداعى مىندەت اتقارۋ تۇيىندەرىنىڭ ورنىنا بەس ساۋساسىنداي قانىق ەكەن.

  مىنا سۋرەت ۋاڭ حۇڭشيڭنىڭ شەكارانى شارلاۋ بارىسىندا تۇسكەن ەڭ سوڭعى سۋرەتى. 8- ايدىڭ 9- كۇنى تەكسەرۋ پۋنكىتىندە شارلاپ-تەكسەرۋ قىزمەتىن ورىستەتىپ جۇرگەن ۋاڭ حۇڭشيڭنىڭ جۇرەك اۋرۋى اياق- استىنان قوزعالىپ 50 جاسىندا قىزمەت ۇستىندە قۇربان بولادى.

  قىزمەتتەستەرى ۋاڭ حۇڭشيڭنىڭ جانقالتاسىنان كوپتەگەن قاعاز قيمىلدارىن بايقايدى، وسى قاعازدارعا شەشۋگە ءتيىستى ءتۇيىندى ماسەلەلەر مەن اتاپ وتۋگە ءتيىستى ماڭىزدى ىستەر جازىلىپتى.

  شەكاراداعى تەكسەرۋ پۋنكىتى تاۋدىڭ ۇستىندە جول الىس بولعاندىقتان اۋىز سۋ ماسەلەسى قيىن ماسەلەگە اينالعان ەدى. شەكارا قورعاۋشىلارىنىڭ تازا اۋىز سۋ تۇتىنۋىنا كەپىلدىك ەتۋ ءۇشىن ۋاڭ حۇڭشيڭ ءتۇرلى امال قاراستىرىپ قارجى توپتاپ، تەحنيكالىق جاقتاعى قينشىلىقتاردى شەشىپ، شەكاراداعى تەكسەرۋ پۋنكىتىنە 460 مەتر تەرەڭدىكتەگى قۇدىق قازدىرىپ بەرەدى.

  شەكارا وڭىردە قىزمەت ىستەگەن 31 جىلدان بەرى ول مەيلى قاي ورىندا قىزمەت ىستەسەدە جۇرەكتىلىكپەن جۇك ارقالاپ، ەرشىمدى ەڭبەك ەتىپ، ءار ۇلت بۇقاراسىمەن توننىڭ ىشكى باۋىنداي ەتەنە ءوتتى.

  ۋاڭ حۇڭشيىڭ جاناشىر- جاقىندارىمەن سوڭعى رەت جۇزدەسۋگە دە ۇلگىرمەي، شەكارا وڭىردەگى قىزمەت ورنىندا ماڭگىلىك ساپارعا اتتاندى، ونىڭ ەرشىمدى ەڭبەگى مەن ىزگى ىستەرى ۇرپاقتارعا ۇلگى بولارى داۋسىز.

جاۋاپتى رەداكتور: ءاننا اكىمقان قىزى
  • شينجياڭداعى تۇڭعىش الەمدىك گەولوگيالىق باقشاسى رەسمي اشىلدى
  • كەشكى شاپاق
  • كوكتوعايدىڭ كوركەم كۇزگى كورىنىسى
  • جەمەنەي اۋدانىءسۇت ونىمدەرى باسەكە قيمىلىن وتكىزدى