اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

مادەنيەتتى ساياحاتتاۋدى ۇگىتتەۋ قيمىلىن ورىستەتتى

  التاي گازەتىنىڭ ۇسىنىس ەتىلگەن ءتىلشىسى ساتەش ايتىكەن قىزى حابارلايدى. ءار ۇلت كادىر ـ بۇقاراسىنىڭ مادەنيەتتى ساياحاتتاۋ تانىمىن اناعۇرلىم جوعارىلاتۋ ءۇشىن، جاقىندا، جەمەنەي اۋداندىق وركەنيەت كەڭسەسى، اۋداندىق ساياحات مەكەمەسى قويتاس ساياحات رايونى مەن جەمەنەي شەكارا وتكەلى قاتارلى ساياحات كورىنىس رايوندارىندا مادەنيەتتى ساياحاتتاۋدى ۇگىتتەۋ بىرلەسپە قيمىلىن ورىستەتتى.

  قيمىلدا جەمەنەي اۋداندىق وركەنيەت كەڭسەسىنىڭ جاۋاپتىلارى ساياحاتشىلارعا «مادەنيەتتى ساياحاتتاۋدىڭ» ماقساتىن، ءمانىن جانە تالابىن ۇعىندىرۋمەن بىرگە، ولارعا زاڭ ـ ەرەجەگە بويسۇنۋ، ساياحات ورىندارىندا تارتىپكە بويسۇنۋى، تازالىقتى دارىپتەۋدى، قورشاعان ورتانى قورعاۋ قاتارلى مادەنيەت تانىمىن ۇگىتتەدى ٴارى «مادەنيەتتى ساياحاتتاۋ دارىپتەمە حاتىنىڭ» مازمۇنىن جەتكىزۋ ارقىلى قالىڭ ساياحاتشىلارعا سانالى تۇردە وزدەرىنىڭ ءسوز ـ ارەكەتىنە كوڭىل ءبولىپ، مادەنيەتتى ساياحاتشى بولىپ، مادەنيەتتى ساياحاتتايتىن ساياحاتشى بولۋعا ۇندەدى.

  قيمىلدا ەرىكتىلەر مەن ساياحاتشىلار ۋاكىلى مادەنيەتتى ساياحات ۋادەناماسىن وقىپ وزدەرىنەن باستاپ، كىشكەنە ىستەردەن باستاپ ۇلگى بولىپ وركەنيەتتى، جاراسىمدى، مادەنيەتتى ساياحات ورتاسىن جاراتۋ جانە قوعامنىڭ مادەنيەت دەڭگەيىن جوعارىلاتۋ ءۇشىن ءبىر كىسىلىك ۇلەسىن قوساتىندىعىن ءبىلدىرىستى.

  ۇعىسۋعا قاراعاندا، بۇل رەتكى قيمىلدا قىزمەتكەرلەر سيلىقتى سۇراق ـ جاۋاپ فورماسى ارقىلى ساياحاتشىلاردىڭ مادەنيەتتى ساياحاتتاۋ تانىمىن اناعۇرلىم تەرەڭدەتۋمەن بىرگە، ەرىكتىلەر اۋدانداعى قوناقجايلارعا مادەنيەتتى ساياحاتتاۋدىڭ ۇگىت سۋرەتىن ءىلىپ ساياحاتشىلارعا جەمەنەي اۋدانىنداعى ءارقايسى كورىنىس رايوندارىنىڭ نەگىزگى احۋالى مەن سالت ـ ساناسىن تانىستىردى.

  بۇل رەت قىزمەتكەرلەر مادەنيەتتى قىزمەت وتەۋ ءتاسىلى ارقىلى ءاربىر ساياحاتشىعا ناقتىلى قىزمەت وتەپ، كوپشىلىكتى كورىنىس رايونىن قىزۋ ءسۇيىپ، ورتانى قورعاۋ تانىمىن اناعۇرلىم جوعارىلاتىپ، «مادەنيەتتى دارىپتەپ، سالتتى ارداقتايتىن، قوناعۋار بولىپ، مادەنيەتتى ءجۇرىپ ـ تۇراتىن» تاماشا وبراز ورناتۋعا ۇندەدى.

جاۋاپتى رەداكتور: ءاننا اكىمقان قىزى
  • شينجياڭداعى تۇڭعىش الەمدىك گەولوگيالىق باقشاسى رەسمي اشىلدى
  • كەشكى شاپاق
  • كوكتوعايدىڭ كوركەم كۇزگى كورىنىسى
  • جەمەنەي اۋدانىءسۇت ونىمدەرى باسەكە قيمىلىن وتكىزدى