اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

مەملەكەت مەرەكەسى كەزىندە ايماعىمىز ءبىر ميلليون 330 مىڭ ادام (رەت) ساياحاتشى قابىلدادى

10 ـ ايدىڭ 3 ـ كۇنى قاناس كورىنىس رايونىنىڭ قابىلداعان ساياحاتشى سانى 100 مىڭ ادامعا (رەتكە) جەتىپ، ساياحاتشى سانى مەرەكە كەزىندەگى ەڭ جوعارى شەككە جەتتى

  التاي گازەتىنىڭ ءتىلشىسى حۋ جۇنشيۋ حابارلايدى. مەملەكەت مەرەكەسى كەزىندە ايماقتىڭ ساياحات بازارى بارىنشا جانداندى. 10 ـ ايدىڭ 1 ـ كۇنىنەن 7 ـ كۇنىنە دەيىن تۇتاس ايماق بويىنشا ءبىر ميلليون 329 مىڭ 700 ادام (رەت) ساياحاتشى قابىلدانىپ، ۇقساس مەزگىلدەگىدەن %47.16 ارتقان. ساياحات جالپى تۇتىنىمى ءبىر ميلليارد 415 ميلليون 874 مىڭ 200 يۋانعا جەتىپ، ۇقساس مەزگىلدەگىدەن %61.1 ارتقان. مۇنىڭ ىشىندە، قاناس كورىنىس رايونى 7 كۇندە جيىنى 472 مىڭ 563 ادام (رەت) ساياحاتشى قابىلداپ، ۇقساس مەزگىلدەگىدەن %83.98 ارتىپ، ساياحات جالپى تۇتىنىمى 543 ميلليون 447 مىڭ 100 يۋانعا جەتكەن؛ كوكتوعاي كورىنىس رايونى جيىنى 36 مىڭ 754 ادام (رەت) ساياحاتشى قابىلداپ، ۇقساس مەزگىلدەگىدەن %22.85 ارتىپ، ساياحات جالپى تۇتىنىمى 42 ميلليون 267 مىڭ 300 يۋانعا جەتكەن.

  كۇزگى قاناستىڭ اسەم كورىنىسى ادامداردى وزىنە ءتانتى ەتتى. 10 ـ ايدىڭ 7 ـ كۇنى سىچۋاننان كەلگەن ساياحاتشى جاڭ جيە ناروركەشتە تۇرىپ اسەم كورىنىستى تاماشىلاپ، ۇيالى تەلەفونىمەن سۋرەتكە الدى. جاڭ جيە بىلاي دەدى: «مەن التايدى جاقسى كورەمىن، ۇيتكەنى بۇل جەردىڭ اسەم كورىنىسى قايتالانبايدى، مۇندا كورىكتى قاناس كولى، كوز جەتكىسىز كەڭ ساحارا، ءتىلسىم كوكتوعاي شاتقالى بار، جازدا ۇلڭگر كولىنە بارىپ سۋعا مالتاپ سالقىنداۋعا بولادى، ايتسا ـ ايتقانداي مىڭ شاقىرىمدىق ساياحات كاريدورى».

  جىل باسىنان بەرى، ايماق ساياحات ارقىلى التايدى گۇلدەندىرۋ ستراتەگياسىن ۇزىكسىز اتقارىپ، «ساياحات كاسىبىن نەگىزگى تۇلعا ەتىپ، 1 ـ كاسىپتى جەتەلەۋ، 2 ـ كاسىپتى سۇيەمەلدەۋ» دامۋ جۇلگەسىن كۇش سالا قۇرىپ، قوعام ورنىقتىلىعى ورايىن مىقتى يگەرگەندىكتەن، ساياحات كاسىبى قارىشتاپ دامىدى. قاناس پەن كوكتوعاي ساياحاتشىلاردىڭ التايعا كەلۋدەگى كوزدەۋلى جەرىنە اينالدى. ءتىلشىنىڭ ۇعىسۋىنشا، 10 ـ ايدىڭ 3 ـ كۇنى قاناس كورىنىس رايونى 100 مىڭ ادام (رەت) ساياحاتشى قابىلداپ، ساياحاتشى مولشەرى مەرەكە كەزىندەگى ەڭ جوعارى شەككە جەتكەن.

  شينجياڭنىڭ سىرتىنان كەلگەن ساياحاتشىلار ساياحاتشى سانىنىڭ %70 ىن ۇستاپ، مەملەكەت مەرەكەسى كەزىندەگى ساياحاتتىڭ تاعى ءبىر كورنەكتى ەرەكشەلىگىنە اينالدى. مۇنىڭ ىشىندە، وتباسىنداعىلار ءوز كولىگىمەن ساياحاتتاعاندار جانە جەكەلەي ساياحاتتاعاندار باسىم كوپ ساندىسىن يەلەدى. ساياحاتشىلاردىڭ كوبى جياڭسۋ، سىچۋان، جىجياڭ، گۋاڭدۇڭ، بەيجيڭ، شاڭحاي قاتارلى جەردەن كەلگەن.

  ايماقتىق ساياحات مەكەمەسى پارتگرۋپپاسىنىڭ شۋجيى گو ۋىنحۇي تىلشىگە بىلاي دەدى: «جاقىنعى جىلداردان بەرى، شينجياڭنىڭ سىرتىنان كەلگەن ساياحاتشىلار سانى كۇرت جوعارلاۋدا، مۇنىڭ بارلىعىن ايماعىمىزدىڭ كۇننەن ـ كۇنگە كەمەلدەنىپ دامىعان قاتىناس جۇيەسىنەن بولە قاراۋعا بولمايدى».

  ءوز كولىگىمەن ساياحاتتاۋ بارعان سايىن كوپ ادامنىڭ تالعامىنا اينالدى. بۇل جاعدايعا قاراتا ايماق G216 نىڭ بەيتۇننان كوكتوعايعا دەيىنگى، S18 نىڭ التايدان بۋىرشىنعا دەيىنگى، S18 نىڭ بۋىرشىننان جەمەنەيگە دەيىنگى، G331 نىڭ بۋىرشىننان قاباعا دەيىنگى جانە S232 نىڭ بۋىرشىننان قاناس اۋەجايىنا دەيىنگى 5 جوعارى قارقىندى تاس جٶل نىسانى قۇرىلىسىن جەدەلدەتىپ، كورىنىس رايونىن، كورىنىس ءتۇيىنىن كەسىپ وتەتىن تاس جول قاتىناس تورىن بىرتىندەپ قۇرىپ، ءوز كولىگىمەن ساياحاتتاۋ، جاياۋ ساياحاتتاۋ قاتارلى ساياحات تۇرلەرىن كەڭەيتىپ، تاماشا جول ارناسىن جاراتادى.

  ساياحات تارتىبىنە كەپىلدىك ەتۋ ءۇشىن، ايماقتاعى قاتىستى تاراۋلاردىڭ قىزمەتكەرلەرى مەرەكە كەزىندە تۇگەلدەي قىزمەت ورنىندا بولدى. قاتىناس ـ تاسىمال، حاۋىپسىزدىككە كەپىلدىك ەتۋ، ساپانى باقىلاپ ـ باسقارۋ، تۇتىنۋعا جەتەكشىلىك ەتۋ قاتارلى ءتۇرلى قىزمەتتەردى بار كۇشپەن ويداعىدي جۇرگىزدى.

جاۋاپتى رەداكتور: ءاننا اكىمقان قىزى
  • شينجياڭداعى تۇڭعىش الەمدىك گەولوگيالىق باقشاسى رەسمي اشىلدى
  • كەشكى شاپاق
  • كوكتوعايدىڭ كوركەم كۇزگى كورىنىسى
  • جەمەنەي اۋدانىءسۇت ونىمدەرى باسەكە قيمىلىن وتكىزدى