اعاجاي-التاي تورابى   ›   اقپارات ايدىنى   ›   سۋرەتتى حابارلار

جەمەنەي اۋدانىءسۇت ونىمدەرى باسەكە قيمىلىن وتكىزدى

    ءوز ءتىلشىمىز جۋءدان-ءدان حابارلايدى. 10-ايدىڭ9-كۇنى، جەمەنەي اۋدانى ءسۇت ونىمدەرى باسەكە قيمىلىن وزدىردى. قيمىلعا قاتىناسۋشىلار ءار تۇرلى ءدامدى ءسۇت ونىمدەرىن جارىسقا سالدى. جارىس ايران، سارماي، ىرىمشىك، قۇرت قاتارلى ءتورت تۇرگە ءبولىنىپ باعالاندى.

       باعالاۋشىلار تاعامداردىڭ ءدامى، ءتۇسى، وزگەشەلىگى، ازىقتىق قۋاتى، تازالىعى سىندى ءار جاقتاعى ەرەكشەلىگىنە قاراي، جالپىلىق باعالاۋ جۇرگىزدى ءارى ناق مايداندا  باعا بەردى. بۇل رەتكى قيمىلعا جالپى 47 ادام قاتىناسىپ، ءنومىر قويىپ باعالاۋ ارقىلى 4 ادام ءبىرىنشى دارەجەلى بولىپ، 3000 يۋان سيلانسا، ەكىنشى دارەجەلى 8 ادام  2000 يۋانمەن، ءۇشىنشى دارەجەلى 8 ادام 1000 يۋانمەن سيلاندى، بۇدان تىس 27 قاتىناسۋشىعا شابىتتاندىرۋ  سيلىعىن ۇسىندى.

      جارىسقا قاتىناسۋشى ليۋ يۇڭشين بىلاي دەدى: «مەن بۇگىن جارىسقا ايران ونىمدەرىنەن  ايران سالاتى، تابيعي  ۇيتىلعان  ايران، سۇزبە  قاتارلى تاعامداردى الا كەلدىم. ايراننىڭ قانداعى مايى قۇرامى مەن قان قىسىمدى ءتۇسىرۋ ەرەكشەلىگى بار ءارى قۇرامىنداعى ءسۇت قىشقىلى باكتەرياسى اس قورىتۋدى جەبەۋ رولىن اتقارادى، تاڭەرتەڭگى استا ايران ىشەر بولساڭىز ازىقتىق قۇرامى توتەنشە جوعارى بولادى. بۇل رەتكى قيمىل ارقىلى ءبىز ءتىپتى دە كوپ ادامداردىڭ ءسۇت ونىمدەرىمىزدەن حاباردار بولۋىن ءۇمىت ەتەمىن»،- دەدى.

       ۇعىسۋىمىزشا، بيىل جەمەنەي اۋدانىنىڭ كەدەيلىكتەن قۇتىلدىرۋدان قامال الۋدىڭ ونىمدىلىگىن بەكەمدەۋدەگى شەشۋشى جىلى بولعاندىقتان، جەمەنەي اۋداندىق پارتكوم مەن ۇكىمەت ماڭىزدى جاۋاپكەرشىلىكپەن بورىشتى ەستە بەرىك ساقتاپ، ءار ۇلت كادر جۇرتشىلىعىمەن تىعىز ىنتىماقتاسىپ، بىرلىكتە قاجىرلىقپەن ناقتى ءىس ىستەۋگە تاباندى بولدى. بۇل رەتكى جارىس جەمەنەي اۋدانىنداعى از ۇلتتاردىڭ تاڭداۋلى ءداستۇرلى مادەنيەتىن ءتىپتى دە ويداعىداي  ساۋلەلەندىرۋدى ماقسات ەتە وتىرىپ، ءسۇت ونىمدەرىن مانەرلەۋ جارىسىن دانەكەر ەتۋ ارقىلى، اۋداننىڭ ءسۇت ونىمدەرى تانىمدىلىعىن ونان ارى جوعارىلاتۋ بولىپ تابىلادى.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى
  • جەمەنەي اۋدانىءسۇت ونىمدەرى باسەكە قيمىلىن وتكىزدى
  • قاناس كورىنىس رايونىنان جابايى بۇعى بايقالدى
  • مەملەكەت مەرەكەسى مەزگىلىندە رايونىمىز قابىلداعان ساياحاتشىلار سانى ءبىر ميلليون 329 مىڭ 700 ادام- رەتكە جەتتى
  • قابا اۋدانى ەرتىس وزەنى الابىنىڭ كۇزگى كورىنىسى