اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

جيلين اۋىل شارۋاشىلىعى داشۋەسى ايماعىمىزدىڭ دامۋىنا كومەكتەسپەك

  التاي «بايجيۇنيۋان» ازىقتىق ساڭىراۋ قۇلاق سەرىكتەستىگى مەن جيلين اۋىل شارۋاشىلىعى داشۋەسى اكادەميكتەر ۇيىمىنىڭ تەحنيكا اشۋ توقتامىنا قول قويۋ سالتى 10- ايدىڭ 9- كۇنى التايدا وتكىزىلدى.

  ايماقتىق پارتكومنىڭ ورىنباسار شۋجيى، جيلين ولكەسىنىڭ شينجياڭعا باعىتتامالى كومەكتەسۋدەگى الدىڭعى شەپ قولباسشىلىق ورنىنىڭ باس قولباسشىسى سۇن ليجۇن، جيلين ولكەلىك اۋىل شارۋاشىلىعى داشۋەسى اكادەميكتەر ۇيىمىنداعى لي شياۋ پروفەسسور توقتامعا قول قويىسۋ سالتىنا قاتىناستى.

  سۇن ليجۇن مىنانى اتاپ كورسەتتى: جۋىرداعى جىلداردان بەرى جيلين اۋىل شارۋاشىلىعى داشۋەسىنىڭ اكادەميكتەر ۇيىمى ىلگەرىندى- كەيىندى بىرنەشە رەت التايعا كەلىپ مەكتەپ پەن كاسپورىننىڭ ستراتەگيالىق سەلبەستىگىن ىلگەرىلەتۋ قىزمەتىن ناقتى ۇلاستىرىپ، سىندارلى ۇسىنىس بەرىپ، مەكتەپ پەن كاسپورىننىڭ ستراتەگيالىق سەلبەستىگىنە نەگىز قالادى. تاراپتاردىڭ وسى رەتكى تەحنيكالىق جاقتاعى سەلبەستىك ارقىلى مەكتەپ پەن كاسپورىننىڭ سەلبەستىگىن نىعايتىپ، كاسىپتەردىڭ دامۋىن جەبەپ، ازىقتىق ساڭىراۋ قۇلاقتى كاسىپ سالالاندىرۋ نىسانىندا شىنايى ونىمدىلىككە قول جەتكىزۋىن ءۇمىت ەتەمىن.

  لي شياۋ مىنانى ءبىلدىردى: جيلين اۋىل شارۋاشىلىعى داشۋەسى اكادەميكتەر ۇيىمى وقۋ- اعارتۋ مينيسترلىگى بەكىتكەن ازىقتىق جانە دارى- دارمەككە پايدالاناتىن ساڭىراۋ قۇلاق زەرتتەۋدەگى وقۋ- اعارتۋ مينيسترلىگىنىڭ ينجەنەريا زەرتتەۋ ورتالىعى، حالىقارالىق بىرلەسكەن تاجىريبەحانا ەسەپتەلەدى، كەزىندە «چاڭجياڭ وقىمىستىلارى مەن جاڭالىق اشۋ ۇيىمىن دامىتۋ جوباسى» بويىنشا جاڭالىق اشۋ ۇيىمى دەگەن اتقا يە بولعان. وسى ۇيىم التاي ايماعىنىڭ ىسجۇزىندىك سۇرانىسى بويىنشا ازىقتىق ساڭىراۋ قۇلاق تەحنيكاسى جاعىنداعى ابزالدىلىقتى التاي ايماعىنىڭ بايلىق ابزالدىلىعى مەن ورگانيكالى ۇشتاستىرىپ، كاسىپتەردىڭ دامۋىن جەبەپ، جيلين ولكەسىنىڭ شينجياڭعا باعىتتامالى كومەكتەسۋ قىزمەتىنە ۇلەس قوسىپ، التاي ايماعىنداعى كاسىپتەردىڭ ءتۇرىن جاڭالاپ دەڭگەيىن ءوسىرۋ ءىسىن جەبەيدى.

  ماجىلىستە التاي «بايجۇنيۋان» ازىقتىق ساڭىراۋ قۇلاق سەرىكتەستىگى مەن جيلين اۋىل شارۋاشىلىعى داشۋەسى اكادەميكتەر ۇيىمى تەحنيكا اشۋ سەلبەستىك كەلىسىمنە قول قويىسىپ، عىلىم- تەحنيكا جاعىندا سەلبەسۋ قاتىناسىن ورناتتى. تاراپتار ازىقتىق ساڭىراۋ قۇلاق كاسىبىنەن ۇلگى كورسەتۋ بازاسىن قۇرۋ، ازىقتىق ساڭىراۋ قۇلاقتىڭ ءتۇرىن جەتىلدىرۋ، ەگۋ ءتاسىلى، تەحنيكتەردى تاربيەلەۋ، عىلىم- تەحنيكا جەتىستىگىن كادەگە جاراتۋ قاتارلى جاقتاردا تىعىز سەلبەستىك جاسايدى.

جاۋاپتى رەداكتور: ءاننا اكىمقان قىزى
  • مەملەكەت مەرەكەسى مەزگىلىندە رايونىمىز قابىلداعان ساياحاتشىلار سانى ءبىر ميلليون 329 مىڭ 700 ادام- رەتكە جەتتى
  • قابا اۋدانى ەرتىس وزەنى الابىنىڭ كۇزگى كورىنىسى
  • الداعى ءۇش كۇندىك اۋارايىنان الدىن-الا مالىمەت
  • اقجار قىستاعى ايەلدەر قاۋمىنىڭ تۇڭعىش كەزەكتى قولونەر بۇيىمدارى كورگىزبە جارسىن وتكىزدى