اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

كومەككە كەلگەن كادرلار وتانشىلىق تاربيە قيمىلىن ورىستەتتى

مەملەكەت مەرەكەسى كەزىندە ياعىني 10- ايدىڭ 4- كۇنى حيلۇڭجياڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق ورنىنداعى كادرلار مەن كوكتوعايداعى بولىمشە قولباسشىلىق ورنىنداعى كادرلار بىرلەسىپ، وتانشىلدىق مازمۇنىنداعى ۇيرەنۋ-تاربيە قيمىلىن ورىستەتتى.

حيلۇڭجياڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق ورنىنىڭ ورىنباسار باس قولباسشىسى، اكىمشىلىك مەكەمەسىنىڭ ورىنباسار ءۋاليى گۋان ۋەي شينجياڭعا كومەككە كەلگەن كادرلاردى باستاپ، كوكتوعاي قالاشىعىنداعى توڭكەرىستىك تاربيە بازاسىنا بارىپ، ىلگەرىندى-كەيىندى كوكتوعاي دۇنيە جۇزىلىك گەولوگيا باقشاسىنىڭ كورمە سارايىن، 3-ءنومىرلى كەن جۇلگەسىن جانە اياكوز كەن قۇدىعىن ەكسكۋرسيالادى. شينجياڭعا كومەككە كەلگەن كادرلار ەكسكۋرسيالاپ ۇيرەنۋ بارىسىندا كوكتوعايلىقتاردىڭ تالاي جىلدىق كۇرەس بارىسىندا جەتىلدىرگەن

«مەملەكەتتىڭ قيىنشىلىعىن ءبولىسۋ، ۇلەس قوسۋعا پەيىل بولۋ، جاپاعا شىداپ كۇرەس جۇرگىزۋ، قۇربان بەرۋدەن قورىقپاۋ، ءبىر نيەتپەن ىنتىماقتاسۋ، تىزە قوسا قۇلشىنۋ، اتاق- داڭقپەن ساناسپاۋ، شەكارانى گۇلدەندىرۋ» سىندى اسقاق رۋحىن شىنايى تۇسىندى. توڭكەرىستىك مادەنيەتتى سەزىنۋ بارىسىندا كادرلاردىڭ وتانعا دەگەن سۇيىسپەنشىلىگى اناعۇرلىم تەرەڭدەپ، شينجياڭعا باعىتتامالى كومەكتەسۋ قىزمەتىن تىڭعىلىقتى ىستەۋ سەنىمى نىعايا ءتۇستى.

وسىدان كەيىن وتكىزىلگەن دوستىق قيمىلدا، ايماققا توتە قاراستى ورىندار مەن كوكتوعاي اۋدانىنداعى شينجياڭعا كومەككە كەلگەن 80 كادر- دارىندى «وتاندى جىرلايمىز» ءانىن بىرگە اسقاقتاتا شىرقاپ، ۇلى وتانىمىزدىڭ گۇلدەنىپ كوركەيە بەرۋىنە دەگەن ىزگى تىلەگىن ءبىلدىردى.

جاۋاپتى رەداكتور: ءاننا اكىمقان قىزى
  • مەملەكەت مەرەكەسى مەزگىلىندە رايونىمىز قابىلداعان ساياحاتشىلار سانى ءبىر ميلليون 329 مىڭ 700 ادام- رەتكە جەتتى
  • قابا اۋدانى ەرتىس وزەنى الابىنىڭ كۇزگى كورىنىسى
  • الداعى ءۇش كۇندىك اۋارايىنان الدىن-الا مالىمەت
  • اقجار قىستاعى ايەلدەر قاۋمىنىڭ تۇڭعىش كەزەكتى قولونەر بۇيىمدارى كورگىزبە جارسىن وتكىزدى