اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماقتىق پارتكوم نازاريا ۇيرەنۋ وزەكتى گرۋپپاسىنىڭ ۇيرەنۋ جيىنى اشىلدى

  ايماقتىق پارتكوم نازاريا ۇيرەنۋ وزەكتى گرۋپپاسىنىڭ ۇستەگى جىلعى 20- رەتكى ۇيرەنۋى 10- ايدىڭ 8- كۇنى وتكىزىلدى، ۇيرەنۋگە قاتىناسۋشىلار ورتالىق پەن اۆتونوميالى رايوننىڭ قاتىستى ماجىلىستەرى مەن قۇجاتتارىنىڭ رۋحىن جەتكىزىپ ۇيرەندى. ايماقتىق پارتكومنىڭ شۋجيى جاڭ يان ۇيرەنۋدى باسقاردى.

  جاڭ يان مىنانى تالاپ ەتتى: ءار دارەجەلى تاراۋلار مەن ورىندارداعى جولداستار يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىمەن ءسوزسىز بىرلىككە كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، «1+3+3+رەفورما جاساپ ەسىك اشۋداعى» ءتۇرلى قىزمەتتەردى ءسوزسىز مىزعىماي تىڭعىلىقتى ىستەپ، اۆتونوميالى رايوندىق پارتكومنىڭ شەشىم- ورنالاسترۋلارىنىڭ التايدا تامىر تارتۋىنا كەپىلدىك ەتۋلەرى كەرەك.

  جاڭ يان مىنانى باسا دارىپتەدى: شي جينپيڭنىڭ جاڭا داۋىردەگى جۇڭگوشا سوتسياليزىم زاڭ ارقىلى باسقارۋ يدەياسىن ىشكەرىلەي ۇيرەنىپ شىنايى ۇعىنىپ، مۇقيات دايەكتى تياناقتاندىرىپ، مەملەكەتتى جاپپاي زاڭ ارقىلى باسقارۋدى مىزعىماي ىلگەرىلەتىپ، 2035- جىلعا بارعاندا زاڭ ارقىلى باسقارىلاتىن مەملەكەتتى، زاڭ ارقىلى باسقارىلاتىن ۇكىمەتتى، زاڭ ارقىلى باسقارىلاتىن قوعامدى نەگىزىنەن قۇرىپ شىعۋداعى قىزمەت تالاپتارىن ءسوزسىز ويداعىداي تياناقتاندىرۋىمىز قاجەت. ءار دارەجەلى زاڭ جالپىلاستىرۋشى قىزمەتكەرلەر قىزمەتتى ءونىمدى تىندىرۋ جاعىنا كۇش شىعارىپ، وسكەلەڭ بورىشتىلىق جانە جاۋاپكەرلىك سەزىممەن نەگىزگى ساتىداعى زاڭ جالپىلاستىرۋ قىزمەتىن تىڭعىلىقتى ىستەپ، ايماعىمىزداعى ءار ۇلت بۇقاراسىنىڭ يدەيالىق جاقتا زاڭ ارقىلى باسقارۋ تانىمىن بەرىك ورناتۋىنا مۇمكىندىك جاساۋلارى كەرەك. ءار دارەجەلى باسشى كادرلار اكىمشىلىكتى زاڭ بويىنشا جۇرگىزۋدەگى سانالىلىعىن كۇشەيتۋگە كۇش سالىپ، مىندەتى مەن بورىشىن زاڭ- ءتارتىپ بويىنشا اتقارىپ، مەملەكەتتى زاڭ ارقىلى باسقارۋدىڭ امالياتتا ايگىلەۋشىسى، ۇيىمداستىرۋشىسى جانە جەبەۋشىسى بولۋعا كۇش سالۋلارى كەرەك. زاڭ اتقارۋ تاراۋلارى ءىستى زاڭ بويىنشا ءبىتىرۋدى قاتاڭداستىرۋ جاعىنا كۇش سالۋى، ءادىليا قىزمەتكەرلەرى زاڭدى ءسوزسىز ءادىل، قاتاڭ اتقارۋلارى كەرەك. باسشى كادرلار باستاماشىلىق ەتۋدەن جازباي ءار ۇلت كادر- جۇرتشىلىعىن مەملەكەتتىڭ ورتاق ءتىل- جازۋىن ۇيرەنۋگە، پايدالانۋعا كەڭ كولەمدى جۇمىلدىرىپ، كادر- جۇرتشىلىقتىڭ زاڭعا قۇرمەت ەتۋىنە، زاڭدى ۇيرەنۋىنە، زاڭعا بويسۇنۋىنا، زاڭنان پايدالانۋىنا جەتەكشىلىك ەتۋلەرى كەرەك.

  جاڭ يان مىنانى تالاپ ەتتى: ءار دارەجەلى تاراۋلار مەن ورىندارداعى جولداستار ارىز- ارمان جاعىنداعى قايشىلىقتاردى ارىلتۋدان قامال الۋ قىزمەتىن سول جەردىڭ وزىندە ىلگەرىلەتۋ جونىندەگى مەملەكەتتىك ءماجىلىستىڭ رۋحىن مۇقيات ۇيرەنىپ، دايەكتىلەندىرىپ، نازاردى قاي- قاشاندا باس نىساناعا شوعىرلاندىرىپ، ارىز- ارمان جاعىنداعى قايشىلىقتاردى ارىلتۋدان قامال الۋ قىزمەتىن تىڭعىلىقتى ورىستەتۋلەرى قاجەت. بۇقارالىق قىزمەتتىڭ ابزالدىلىعىن تولىق ساۋلەلەندىرىپ، ءار دارەجەلى كادرلاردىڭ بۇقارالىق قىزمەتتى تىڭعىلىقتى ىستەۋ قابىلەتى مەن ورەسىن ءوسىرىپ، شينجياڭ ەرەكشەلىگىندەگى «فىڭچياۋ تاجىريبەسىن» ويداعىداي دامىتىپ، كادرلاردىڭ ارىز- ارمان قىزمەتىنە بەل شەشە كىرىسۋىنە مۇمكىندىك جاساپ، قايشىلىقتار مەن داۋ- شارلاردى تۇبىرىنەن ارىلتىپ جانە ساقتانىپ، كىشى- گىرىم ىستەردى نەگىزگى ساتىدا شەشۋ، ءىرى ءىس تۋىلماۋ تالابىن ورىنداۋلارى كەرەك. اسىرەسە ارىز- ارمان جاعىنداعى جيىلىپ قالعان دەلولاردى شەشۋگە وسكەلەڭ ءمان بەرىپ، مەڭگەرمە دارەجەلى باسشى كادرلار باستاماشىلىقپەن ارىز- ارمان قابىلداپ، تومەنگە تۇسىپ جاعداي ۇعىسىپ، ارىز- ارمان جاعىنداعى قايشىلىقتاردى ارىلتۋدان قامال الۋ قىزمەتىن ىلگەرىلەتىپ، قايشىلىقتاردى تۇبەگەيلى ارىلتۋ تالابىن ورىنداۋلارى كەرەك.

  جاڭ يان مىنانى تالاپ ەتتى: ايماعىمىزداعى ءار دارەجەلى تاراۋلارداعى جولداستار يدەيالىق تانىمدى بىرلىككە كەلتىرىپ، ساياسي تۇرعىنى جوعارىلاتىپ، نازاردى باس نىساناعا ءسوزسىز شوعىرلاندىرىپ، جاڭا دامۋ ۇستانىمىن دايەكتىلەندىرىپ، شينجياڭدى ساياحات ارقىلى گۇلدەندىرۋ ستراتەگياسىن تياناقتاندىرىپ، ساياحات كاسىبىن نەگىز ەتكەن ساپالى دامۋدى زور كۇشپەن ىلگەرىلەتۋلەرى كەرەك. نازاردى باس نىساناعا قاي- قاشاندا شوعىرلاندىرىپ، ورنىقتىلىق دامۋدىڭ العى شارتى نەگىزى ەكەنىن، ورنىقتىلىق بولماسا بارلىعى نولگە تەڭ بولاتىنىن كوكەيگە تەرەڭ ۇيالاتىپ، ءتۇرلى قىزمەتتەرگە باس نىسانا بويىنشا جەتەكشىلىك ەتۋدەن جازباي، قوعامنىڭ جاراسىمدىلىعى مەن ورنىقتىلىعىنا، ەكونوميكانىڭ ساپالى دامۋىنا كەپىلدىك ەتۋلەرى كەرەك. قىسقى ساياحاتقا ويداعىداي دايىندالىپ، جولداردىڭ ىركىلىسسىز بولۋىنا، قوناق ۇيلەردى جىلۋمەن، سۋمەن ويداعىداي قامداۋعا، تۇرمىس جاعىندا ويداعىداي قامتاماسىز ەتۋگە كەپىلدىك ەتۋ قاجەت، ءتۇرلى مەرەكەلىك قيمىلداردى كۇش سالا تىڭعىلىقتى ورىستەتىپ، التايدىڭ قىسقى ساياحاتىن بارىنشا جانداندىرۋ كەرەك. ساياحات كاسىبىنىڭ ءبىرىنشى كاسىپكە جەتەكشىلىك ەتۋ، ەكىنشى كاسىپتى بيىك كوتەرۋ ونىمدىلىگىن تولىق ساۋلەلەندىرۋ اسىرەسە جوعارى قوسىمشا قۇنعا يە 2- كاسىپتى كۇش سالا دامىتىپ، قۇرامىندا دەيتەري ەلەمەنتى از سۋ، قوي مايى، شاڭعى تەبۋگە قاجەتتى جابدىق قاتارلى وزگەشە ابزال ونىمدەردى شينجياڭنىڭ ءىشى- سىرتىنا دەيىن ساتۋعا ءتيىمدى شارت- جاعداي ازىرلەۋ قاجەت. «وتباسىلارىن ارالاۋ، مەملەكەت ءتىلىن ۇيرەنۋ، جاسىلداندىرۋ، دارەتحانا سالۋ» سىندى ءتورت ءتۇرلى قىزمەتتى جالعاستى تىڭعىلىقتى ىلگەرىلەتىپ، ەگىنشىلىك رايوندارىندا مال شارۋاشىلىعىنىڭ دامىتۋىن كۇش سالا جەبەپ، ءتۇيىندى قىزمەتتەر ارقىلى جالپى جاعدايدىڭ دامۋىنا تۇرتكى بولۋ كەرەك. 100 كۇن قاۋرىت ىستەپ، تۇراقتى مۇلىككە قارجى قوسۋ ىستەرىنىڭ اياق الىسىن تەزدەتىپ، كەلەر جىلى جۇمىس باستايتىن نىسانداردى كۇن ىلگەرى جوسپارلاپ، كەلەر جىلى 4- ايدىڭ 25- كۇنىنەن بۇرىن ايماعىمىزداعى قوسىلاتىن قارجى 20 ميلليارد يۋاننان اساتىن نىسانداردىڭ شوعىرلى جۇمىس باستاۋىنا كەپىلدىك ەتۋىمىز كەرەك. دامۋدا بازارعا سۇيەنۋدەن جازباي، ءتۇرلى ابزال بايلىقتاردى جانداندىرىپ، قوعامدىق كاپيتالدىڭ التايدا تياناقتانۋىنا مۇمكىندىگىنشە كۇش سالۋىمىز كەرەك.

  جاڭ يان مىنانى تالاپ ەتتى: ءار دارەجەلى تاراۋلارداعى جولداستار جاڭا جاعدايداعى ءدىن قىزمەتىن تىڭعىلىقتى ىستەۋدىڭ ايىرىقشا ماڭىزدىلىعىنا ەرەكشە ءمان بەرىپ، پارتيانىڭ ءدىن قىزمەتىنە بولعان شوعىرلى، ءبىر تۇتاس باسشىلىعىنا قاي- قاشاندا تاباندى بولىپ، ءىسلام ءىنىن جۇڭگوشالاندىرۋ باعىتىنان قاي- قاشاندا جازباي، زاڭدىنى قورعايتىن، زاڭسىزدى شەكتەيتىن، ۇشقارىلىقتى تەجەيتىن، جالبىزبالاپ كىرۋگە قارسى تۇراتىن، قىلمىسقا سوققى بەرەتىن ءدىن قىزمەتىنىڭ نەگىزگى باعىتى مەن نەگىزگى پرينسيبىندە تاباندى بولۋلارى كەرەك. اسىرەسە بىرلىكساپ ۇلت- ءدىن ىستەرى سالاسىنداعى كادرلار باسقارۋ قىزمەتىن بار پەيىلىمەن تىڭعىلىقتى ىستەپ، شىنايى باسقارۋعا كۇش سالىپ، باسقارۋعا باتىل بولىپ، ءدىن قىزمەتىن ىستەۋ قابىلەتى مەن دەڭگەيىن كۇش سالا جوعارىلاتىپ، ايماعىمىزدا ءدىن سالاسىندا ماسەلە تۋىلماۋىنا كەپىلدىك ەتۋلەرى كەرەك.

  جاڭ يان مىنانى تالاپ ەتتى: ءار دارەجەلى تاراۋلارداعى پارتكوم مەن ۇكىمەتتىڭ نەگىزگى باسشىلارى «جەرگىلىكتى ورىنداعى پارتيا مەن ۇكىمەت سالاسىنداعى باسشى كادرلاردىڭ ءوندىرىس حاۋىپسىزدىك جاۋاپكەرلىگى ءتۇزىمى بەلگىلەمەسىن» قاتاڭ تياناقتاندىرىپ، «سالانى، كاسىپتى، ءوندىرىس تيجاراتتى باسقارۋشى ءسوزسىز حاۋىپسىزدىكتى باسقارۋ» جانە «كىم باسقارسا سول جاۋاپتى بولۋ، كىم بەكىتسە سول جاۋاپتى بولۋ» پرينسيبى بويىنشا، باسشى كادرلاردىڭ ءوندىرىس حاۋىپسىزدىك جاۋاپكەرلىگى ءتۇزىمىن قاتاڭ تياناقتاندىرۋى كەرەك. وي- سانانى قاشاندا سەرگەك ۇستاپ، ساقتىق دابىلىن توقتاۋسىز قاعىپ، قاشاندا قىراعى بولىپ، ءوندىرىس حاۋىپسىزدىگىمەن قاتىسسىز ورىن، قاتىسسىز ادام جوق دەگەن ۇستانىمدى كوكەيگە تەرەڭ ۇيالاتىپ، كومەسكى قاتەردى الاستاۋ قىزمەتىن قاي- قاشاندا تىڭعىلىقتى ىستەۋدەن جازباي «ءىرى ءىس تۋىلماۋىنا، ورتاشا ءىس تۋىلماۋىنا، كىشى- گىرىم ىستە تۋىلماۋىنا» كەپىلدىك ەتۋ كەرەك.

  قادەن كابەن ۇلى، امان كودەباي ۇلى، زىڭ شۋلا، لي بيڭ، گۇلنۇر نۇرعالي قىزى، جۋ شين، ياڭ ۋىنگۋاڭ، اقجول انەس ۇلى، ۋاڭ جۇن- ءان قاتارلى ايماقتىڭ ءتورت باسشىلىق القاسىنداعى باسشىلار مەن تاراۋلار مەن ورىنداردىڭ جاۋاپتىلارى ۇيرەنۋگە قاتىناستى.

جاۋاپتى رەداكتور: ءاننا اكىمقان قىزى
  • مەملەكەت مەرەكەسى مەزگىلىندە رايونىمىز قابىلداعان ساياحاتشىلار سانى ءبىر ميلليون 329 مىڭ 700 ادام- رەتكە جەتتى
  • قابا اۋدانى ەرتىس وزەنى الابىنىڭ كۇزگى كورىنىسى
  • الداعى ءۇش كۇندىك اۋارايىنان الدىن-الا مالىمەت
  • اقجار قىستاعى ايەلدەر قاۋمىنىڭ تۇڭعىش كەزەكتى قولونەر بۇيىمدارى كورگىزبە جارسىن وتكىزدى