اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

جوساتى قىستاعىنداعى تىڭ وزگەرىس

  التاي گازەتىنىڭ ٴتىلشىسى دۋ پىڭفەي حابارلايدى. ايماقتىق ساپانى تەحنيكالىق جاقتان باقىلاۋ مەكەمەسىنىڭ التاي قالاسى قاندىعاتى موڭعۇل ۇلتتىق اۋىلىنىڭ جوساتى قىستاعىندا تۇراتىن قىزمەت اترەتى جونىندە ٴسوز بولعاندا، جەرگىلىكتى ورىنداعى بۇقارا ولاردى جاپپاي القايدى. قىزمەت اترەتىنىڭ جەتەكشىلىگىندە بۇگىنگى تاڭدا جوساتى قىستاعىنىڭ پارتيا ياچەيكاسى كۇش ۇستىنە كۇش قوسىپ، نەگىزدىك قۇرىلعىلاردى بىرتىندەپ كەمەلدەندىرىپ، قىستاقتىڭ بەت ـ بەينەسىندە تىڭ وزگەرىستەر تۋىلىپ، اۋىل شارۋاشىلىعى كاسىبى بىرتىندەپ جۇيەلەنىپ، كەدەيلىكتەن قۇتىلدىرۋدان قامال الۋ تابىسى كورنەكتىلەنىپ، قىستاق تۇرعىندارىنىڭ تۇرمىسى كۇن سايىن جاقساردى.

  بۇكىل ىنتا ـ پەيىلىمەن حالىق ٴۇشىن ناقتى ىستەر ىستەدى

  جوساتى قىستاعىنىڭ ٴبىرىنشى شۋجيى، قىزمەت اترەتىنىڭ باستعى ۋاڭ شياۋجين بىلاي دەدى: «وتكەندە جوساتى قىستاعى پارتيا ياچەيكاسى ٴالسىز بولاتىن. باسقا جەرگە كوشىرىپ قونىستاندىرعان قىستاق بولعاندىقتان، باسىم كوپ ساندى قىستاق تۇرعىندارىنىڭ جاڭا قونىستانۋ تۇيىنىندە ٴۇيى بار بولسادا كوشىپ كەلمەي، ٴداستۇرلى مال باعىمشىلىعىمەن تۇرمىسى كەشىردى».

  2017 ـ جىلدىڭ باسىندا، ايماقتىق ساپانى تەحنيكالىق جاقتان باقىلاۋ مەكەمەسىنىڭ قىزمەت اترەتى جوساتى قىستاعىندا تۇرعاننان باستاپ جوعارىداعى ماسەلەلەر جونىندە وتباسىلارىن ارالاپ جاعداي ۇعىسىپ، قىستاق «ەكى كوميتەتى» القاسىنداعىلارمەن، ٴتورت قارت پەن باعىمشىلىق، ەگىمشىلىك وتباسىلارىمەن، كەدەي وتباسىلارىمەن ىشكەرىلەي اڭگىمەلەسىپ، ولاردىڭ پىكىرىن تىڭدادى.

  سونىمەن بىرگە، قىزمەت اترەتى قىستاق تۇرعىندارىنىڭ تىلەگىن نەگىز ەتۋ، قىستاق تۇرعىندارىنىڭ قيىن ماسەلەلەرىن شەشۋدى پرينسيپ ەتىپ، قىستاقتىڭ بەت ـ بەينەسىن كۇش سالا جاقسارتىپ، تاس جول، سۋ يگىلىگى، حابارلاسۋ قاتارلى حالىققا تيىمدىلىك جاساۋ ينجەنەرياسىن كۇش سالا ىلگەرىلەتىپ، قىستاق تۇرعىندارىنىڭ اۋىز سۋى، ەلەكتر جەتكىزۋ، نەگىزدىك قۇرىلعى قۇرىلىسى قاتارلىلاردى ورىنداپ، قىستاق ورتاسى كورنەكتى جاقساردى.

  مالشىلار جاڭا تۇراقتارىنا ىركەس ـ تىركەس كوشىپ كىرىپ، جاڭا تۇرمىسىن باستادى. الايدا، كۇلزيعا راقىمەت قىزىنىڭ وتباسىنداعىلار جاڭا تۇراققا كوشىپ كىرۋگە رازى بولمادى. سونىمەن قىزمەت اترەتىندەگىلەر ونىڭ وتباسىنا كوپ رەت بارىپ يدەيالىق قىزمەت ىستەپ، وعان حالىققا تيمىدىلىك جاساۋ ساياساتىن قايتا ـ قايتا ۇگىتتەپ، ولاردى باستاپ جاڭادان سالىنعان بەيقۇت ۇيلەردى كوزدەن كەشىرتىپ، قىستاقتىڭ دامۋ جاعدايىن ٴبىر ـ بىرلەپ تانىستىردى. قىزمەت اترەتىنىڭ بۇل ىسىنەن كەيىن كۇلزيعا قىستاق تۇرعىندارىمەن بىرگە جاڭا قونىسقا كوشىپ كىرۋگە قوسىلدى.

  «وتكەندە جاڭا ورىنعا ۇيلەسە المايمىن با دەپ بۇرىنعى قونىسىمنان كوشكىم كەلمەگەن ەدى. كورشىلەرىمنىڭ ٴبارى جاڭا قونىس قولايلى ەكەن دەپ ۇگىتتەگەن سوڭ مەن دە كوشكىم كەلمەگەن ەدى، قازىرگى تۇرمىسىم وتكەندەگىدەن كوپ جاقسارىپ كەتتى»، ـ دەدى كۇلزيعا.

  حالىقتىڭ ۇنىنە قۇلاق استى

  «وسى ەكى جىلدا قىزمەت اترەتى قىستاقتىڭ نەگىزگى قۇرىلعى قۇرىلىسى جاعىنا كوپ كۇش شىعاردى، توعان قازىپ، كوشە شىراعىن ورناتىپ، اعاش ەگىپ، يان ـ ان توڭكەرىستىك تاربيە بازاسىن قۇردى ت ب. كوپشىلىكتىڭ اۋقاتتانۋعا دەگەن سەنىمى دە ارتا ٴتۇستى» ـ دەدى جوساتى قىستاعىنىڭ قارت پارتيا مۇشەسى توقان قىدىرباي ۇلى.

  ٴتىلشى جوساتى قىستاعى قىستاق كوميتەتىندەگى 2000 شارشى مەتر اۋلانىڭ جاسىلدانعانىن، پارتيا 19 ـ قۇرىلتايى ۇگىت تاقتاسىنىڭ ورناتىلىپ، ۇلتتار ىنتىماعى قاتارلى مازمۇنداردىڭ تام قابىرعالارىنا ايشىقتى سىزىلعانىن كوردى. ۇعىسۋىمىزشا، جاڭادان سالىنعان 22 مەترلىك مادەنيەت ۇگىت كاريدورى، 150 شارشى مەترلىك بۇقارالىق ساحىنا، 275 شارشى مەترلىك مادەنيەت تامى جانە قىستاق LED ەكرانى قاتارلىلار تولىق پايدالانۋعا بەرىلگەن.

  قىزمەت اترەتى قىستاقتا تۇرعاننان بەرى، ٴبىر ميلليون 200 مىڭ يۋان قارجى توپتاپ، مۇنى بەيقۇت ٴۇيدىڭ قۇرىلعىلارىن تولىقتاۋ، اۋلا شارۋاشىلىعى، جاسىلداندىرۋ قاتارلى 27 كاسىپكە پايدالانعان، ٴارى 2.4 كيلومەتر جەردى جاسىلداندىرىپ، 150 شارشى مەترلىك الەۋمەتتىك دارەتحانا مەن مونشاحانا قۇرىلىسىن باستاپ، 23 جول شىراعىن ورناتتى؛ 300 مىڭ يۋان قارجى قوسىپ كومەي سالىپ، وزەن جاعاسىنداعى1.1 كيلومەتر جەردى تاسقىننان ساقتاناتىن ەتىپ سالدى؛ 17 كيلومەتر ارىقتى ارشىپ تازالادى؛ 800 شارشى مەترلىك قىستاق دارەجەلى ولشەمدەنگەن مادەنيەت شەبى مەن ٴبىر قسىتاق دارەجەلى ۇيىمدىق قيمىل ورنىن سالدى ت. ب قىزمەت اترەتىندەگىلەر، مىنە، وسىنداي يگى ىستەرى ارقىلى بۇقارانىڭ القاۋىنا بولەندى.

  ۋاڭ شياۋجين بىلاي دەدى: «جۇرت جۇرەگىن ۇيىستىرىپ قالماستان، قىستاق تۇرعىندارىن يدەيالىق جاقتان بايىتۋ ٴۇشىن، قىستاقتا يان ـ ان رۋحىنا مۇراگەرلىك ەتۋ تاربيە بازاسىن قۇردىق. تاربيە بازاسىندا قىستاق تۇرعىندارىنا پارتيا ساباعىن، پارتيا تاريحىن سويلەپ، يان ـ ان رۋحىن كۇندەلىكتى تۇرمىسقا ٴسىڭىرىپ، قىستاق تۇرعىندارىن بۇگىنگى باي ـ باقىتتى تۇرمىستى قاستەرلەۋگە جەتەلەدىك».

  «پارتيا مۇشەسى سالاۋاتىممەن پارتيانىڭ تاپىسىرىعىن ەستە بەرىك ساقتاپ، پارتيانىڭ ورنالاستىرۋىنا بويسۇنىپ، قىستاق تۇرعىندارىن قايسارلىقپەن كۇرەس جاسايتىن، قيىنشىلىقتان قورىقپايتىن، قالتقىسىز ۇلەس قوساتىن يان ـ ان رۋحىنا مۇراگەرلىك ەتۋگە باستايمىن» ـ دەدى 44 جىلدىق پارتيا ىشتاجى بار توقان قارت.

  قىستاق تۇرعىندارىنىڭ اۋقاتتانۋىنا جول اشتى

  2018 ـ جىلى قىزمەت اترەتى كاسىپتى دامىتۋدى اۋىل ـ قىستاقتاردى گۇلدەندىرۋدىڭ ماڭىزدى مىندەتى ەتىپ، جاعراپيالىق ورىن ابزالدىلىعىنان پايدالانىپ، جەرگىلىكتى جاعدايعا قاراي ٴىس ىستەپ، اۋلا ەكونوميكاسىن كۇش سالا دامىتتى.

  قىزمەت اترەتى ۇلگىلىك باستاماشىلدىق رولدى تولىق ساۋلەلەندىرۋ ٴۇشىن قولىنا كۇرەك الىپ، قىزمەت اترەتى تۇراتىن اۋلاداعى تاس ـ شاعىلداردى تاسىپ شىعارىپ، قۇنارلى توپراق تاسىپ اكەلىپ توگىپ، 1.2 مۋ جەردى اۋلا شارۋاشىلىعىنان ۇلگى كورسەتۋ تۇيىنىنە اينالدىرىپ، قىستاق تۇرعىندارىنا قاجىرلىلىقپەن جۇمىس ىستەگەندە عانا بارلىعىن جۇزەگە اسىرۋعا بولاتىندىعىن ۇعىندىردى.

  قىستاق تۇرعىندارىنىڭ اۋلا شارۋاشىلىعىن دامىتۋ بەلسەندىلىگىن قوزعاۋ ٴۇشىن، قىزمەت اترەتى قىستاقتاعى 26 بۇقارانى كوكتوعاي اۋدانىنىڭ دۇرە قالاشىعىنا ەكسكۋرتسيالاۋعا ۇيىمداستىرىپ، ولاردىڭ جاسىل ەكولوگيالى اۋلا قۇرۋ سەنىمىن بەكەمدەدى. سونىمەن بىرگە، قىزمەت اترەتى 12 مىڭ ٴتۇپ جەمىس اعاشى، 1300 تاۋىق شوجەسىن ساتىپ الىپ قىستاقتاعى باعىمشىلىق، ەگىمشىلىك تەحنيكاسى بار بۇقاراعا اقىسىز تاراتىپ بەردى.

  بۇدان تىس، قىزمەت اترەتى پارتيا ياچەيكاسىنىڭ باستاماشىلدىق رولىن بەلسەنە ساۋلەلەندىرىپ، 8 ساۋدا ٴۇيىن سالىپ مايعا بەرىپ، كەستەشىلىك قوعامىن قۇرىپ، قىستاق تۇرعىندارىن شارۋالار ساياجايى قاتارلى ەرەكشە كاسىپتەردى دامىتۋعا شابىتتاندىردى. قازىرگە دەيىن جوساتى قىستاعىنىڭ كوللەكتيۆ ەكونوميكاسى 100 نەشە مىڭ يۋانعا جەتتى.

  «بۇقارانى كوكەيىڭدە ساقتايدى ەكەنسىڭ، بۇقارا سەنى جاناشىر جاقىنىنداي كورەدى. جوساتى قىستاعىنىڭ جاعىراپيالىق ورىن ابزالدىلىعىنا سۇيەنىپ، كوزدەن كەشىرۋ تۇرىندەگى اتىز ـ ارىق جەمىس باقشاسىن، سۋلى جەر باقشاسىن قۇرىپ، قىستاق تۇرعىندارىن ەرەكشە باعىمشىلىق، ەگىمشىلىك كاسىبىنە سۇيەنىپ اۋقاتتانۋعا باستايمىز» ـ دەدى ۋاڭ شياۋجين.

جاۋاپتى رەداكتور: ءاننا اكىمقان قىزى
  • مەملەكەت مەرەكەسى مەزگىلىندە رايونىمىز قابىلداعان ساياحاتشىلار سانى ءبىر ميلليون 329 مىڭ 700 ادام- رەتكە جەتتى
  • قابا اۋدانى ەرتىس وزەنى الابىنىڭ كۇزگى كورىنىسى
  • الداعى ءۇش كۇندىك اۋارايىنان الدىن-الا مالىمەت
  • اقجار قىستاعى ايەلدەر قاۋمىنىڭ تۇڭعىش كەزەكتى قولونەر بۇيىمدارى كورگىزبە جارسىن وتكىزدى