اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماقتىڭ نەگىزگى ساتى ۇيىمدىق قۇرىلىسى تاقىرىپتىق تاربيە كۋرسى التاي قالاسىندا ساباق باستادى

  التاي گازەتىنىڭ ٴتىلشىسى مەرەي مەن ەرىكتى ٴتىلشى لي شوۋدۇڭ حابارلايدى. 10 ـ ايدىڭ 9 ـ كۇنى 3 كۇنگە جالعاساتىن التاي ايماعىنىڭ نەگىزگى ساتى ۇيىمدىق قۇرىلىسى تاقىرىپتىق تاربيە كۋرسى (التاي قالاسىنداعى تاربيە ٴتۇيىنى) التاي قالالىق پارتكوم پارتيا مەكتەبىندە ساباق باستادى. التاي قالاسىنىڭ، بۋرىلتوعاي اۋدانىنىڭ قىستاقتارىنىڭ (الەۋمەتتىك اۋماق، بولىمشە فەرما ـ الاڭدارىنىڭ) پارتيا ياچەيكاسىنىڭ ۇيىمداستىرۋ جورالارى، قىستاق ىستەرىن باقىلاۋ كوميتەتىنىڭ مەڭگەرۋشىلەرى قاتارلىلاردان 140 نەشە ادام تاربيە كۋرسىنە قاتىناستى.

  تانىستىرۋعا قاراعاندا، وسى رەتكى كۋرسىنىڭ ماقساتى شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن، پارتيا 19 ـ قۇرىلتايىنىڭ رۋحىن جانە پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، ۇيىمداستىرۋ قىزمەتىنىڭ مەملەكەتتىك، اۆتونوميالى رايوندىق جانە ايماقتىق ماجىلىستەرىنىڭ رۋحىن دايەكتىلەندىرىپ، تياناقتاندىرىپ، نەگىزگى ساتى كادرلارىنا ورتالىق كوميتەتتىڭ نەگىزگى ساتى ۇيىمدىق قۇرىلىسى جونىندەگى جاڭا مىندەت، تىڭ تالاپتارى مەن اۆتونوميالى رايوندىق پارتكومنىڭ نەگىزگى ساتىنى يگەرىپ، نەگىزدى بەكەمدەۋ جاعىنداعى جەلىلەس شەشىم ـ ورنالاستىرۋلارىن جۇيەلى ۇيرەتىپ، ىنتىماعى جاراسقان، گۇلدەنىپ ـ كوركەيگەن، باي ـ باقىتتى، وركەنيەتتى، العا باسقان، الاڭسىز قونىستانىپ كاسىپتەنگەن سوتسياليستىك شينجياڭ قۇرۋدى پارمەندى ۇيىمدىق كەپىل جانە ساياسي كەپىلمەن قامداۋ ەكەن.

  بۇل رەتكى تاربيە كۋرسىندە ايماق، قالانىڭ اعا لەكتورلارى مەن پارتيا قۇرىلىسى تىرەكتىلەرى «جاڭا داۋىردەگى پارتيا قۇرىلىسى جونىندەگى تاقىرىپتىق پىسىقتاۋ»، «اۆتونوميالى رايوندىق پارتكومنىڭ نەگىزدى كۇشەيتۋ، نەگىزدى بەكەمدەۋگە قاتىستى جەلىلەس شەشىمى مەن ورنالاستىرۋلارى جونىندەگى تاقىرىپتىق پىسىقتاۋ»، «اۋىل ـ قىستاق نەگىزگى ساتى پارتيا قۇرىلىسى جونىندەگى تاقىرىپتىق پىسىقتاۋ» قاتارلى 10 نەشە تاقىرىپتا ساباق ٴوتتى. بۇدان تىس، تاربيە كۋرسى كەزىندە تاعى گرۋپپالارعا ٴبولىنىپ تالقى ورىستەتىپ، پىكىر الماستىرىپ، التاي پارتيا قۇرىلىسى كىتاپحاناسى قاتارلى ورىنداردى كوزدەن كەشىردى.

  ۇعىسۋعا قاراعاندا، وسى رەت ايماعىمىز پارتيانىڭ ۇيىمدىق قۇرىلىسى تاقىرىپتىق تاربيە كۋرسىن 3 وڭىرگە ٴبولىپ ورىستەتىپ، قىستاق پارتيا ياچەيكاسىنىڭ شۋجيى، قىستاق (الەۋمەتتىك اۋماق) پارتيا ياچەيكاسىنىڭ ۇيىمداستىرۋ جورالارى جانە قىستاق ىستەرىن باقىلاۋ كوميتەتىنىڭ مەڭگەرۋشىلەرى قاتارلىلاردان 1600 نەشە ادامدى شوعىرلى تۇردە كەزەكپەن تاربيەلەيدى ەكەن.

جاۋاپتى رەداكتور: ءاننا اكىمقان قىزى
  • مەملەكەت مەرەكەسى مەزگىلىندە رايونىمىز قابىلداعان ساياحاتشىلار سانى ءبىر ميلليون 329 مىڭ 700 ادام- رەتكە جەتتى
  • قابا اۋدانى ەرتىس وزەنى الابىنىڭ كۇزگى كورىنىسى
  • الداعى ءۇش كۇندىك اۋارايىنان الدىن-الا مالىمەت
  • اقجار قىستاعى ايەلدەر قاۋمىنىڭ تۇڭعىش كەزەكتى قولونەر بۇيىمدارى كورگىزبە جارسىن وتكىزدى