اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

حيلۇڭجياڭ ولكەلىك باس جۇمىسشى ۇيىمىنىڭ تەكسەرۋ گرۋپپاسى التايعا كەلىپ تەكسەرۋ جۇرگىزىپ باعىتتامالى كومەكتەسۋ قىزمەتىن ۇشتاستىردى

  التاي گازەتىنىڭ پراكتيكانت ءتىلشىسى مەرەي كارىباي قىزى حابارلايدى. 10 ـ ايدىڭ 9 ـ كۇنى حيلۇڭجياڭ ولكەلىك باس جۇمىسشى ۇيىمى پارتگرۋپپاسىنىڭ شۋجيى، ۇنەمىلىك ىستەرگە جاۋاپتى ورىنباسار ءتوراعاسى گو چاڭ ـ ي باستاعان تەكسەرۋ گرۋپپاسى ايماعىمىزعا كەلىپ تەكسەرۋ جۇرگىزىپ، جۇمىسشى ۇيىمىنىڭ شينجياڭعا باعىتتامالى كومەكتەسۋ قىزمەتىن ۇشتاستىردى ءارى شينجياڭعا باعىتتامالى كومەكتەسۋ قارجىسىن اتاۋ سالتىن وتكىزدى. ايماقتىق پارتكومنىڭ ورىنباسار شۋجيى، حيلۇڭجياڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنىڭ باس قولباسشىسى لي بيڭ، ايماقتىق پارتكومنىڭ مۇشەسى گۇلنۇر نۇرعالي قىزى قيمىلعا قاتىناستى.

  تەكسەرۋ گرۋپپاسىنداعىلار ەڭ الدىمەن حيلۇڭجياڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنا بارىپ، باعىتتامالى كومەكتەسۋگە كەلگەن كادرلاردىڭ تۇرمىس، جاتار ورنىن كوزدەن كەشىردى ءارى ايماقتىڭ باعىتتامالى كومەكتەسۋگە كەلگەن كادرلارعا ازىرلەپ بەرگەن تۇرمىستىق تۇلعالىق قۇرىلعىلارى مەن قىزمەت وتەۋىن تولىق تۇراقتاندىردى. سوڭىندا التاي قالاسىنىڭ ۇلتتىق سالت ـ سانا مادەنيەت سارايىن ەكسكورتسيالادى.

  تەكسەرۋ گرۋپپاسىنداعىلار التاي قالاسىندا مەملەكەتتىك «1 ـ ماي» ەڭبەك وردەنىنىڭ يەگەرى لي تيانشۇن، اۆتونوميالى رايوندىق ەڭبەك وزاتى ءسابيت كىسىلىك ۇلىنىڭ وتباسىنا امانداسا بارىپ، شىنايى حال سۇراپ، حال سۇراۋ قاراجاتىن بەرىپ، ولاردىڭ قوعام ءۇشىن قوسقان ۇلەسىنە شىنايى العىس ايتتى. سوڭىندا التاي ايماعىنىڭ ونەركاسىپكە ىستەتىلەتىن شۇعا شەكتى سەرىكتەستىگىنە بارىپ، قىزمەت سەحىن ەكسكورتسيالاپ، جۇمىسشى ـ قىزمەتكەرلەر مەن كادرلاردان حال سۇرادى.

  سول كۇنى تۇستەن كەيىن، ايماقتىق ساياحات قوناقجايىندا حەيلۇڭجياڭ ولكەلىك باس جۇمىسشى ۇيىمى ايماقتىق جۇمىسشى ۇيىمىنا باعىتتامالى كومەكتەسۋ قاراجاتىن اتاۋ سالتىن وتكىزدى. ۇعىسۋعا قاراعاندا، بۇل جولى، حەيلۇڭجياڭ ولكەلىك باس جۇمىسشى ۇيىمى ايماقتىق جۇمىسشى ۇيىمىنا 2 ميلليون يۋان باعىتتامالى كومەكتەسۋ قاراجاتىن اتاعان، بۇل قاراجاتتار جۇمىسشى ۇيىمىنىڭ مادەنيەت ارقىلى شينجياڭعا باعىتتامالى كومەكتەسۋ نىسان قۇرىلىسىنا پايدالانىلادى ەكەن. گو چاڭي بىلاي دەدى: «شينجياڭعا باعىتتامالى كومەكتەسۋ قىزمەتى ساياسي مىندەت، حەيلۇڭجياڭ ولكەلىك باس جۇمىسشى ۇيىمى بۇل قىزمەتتى بار كۇشپەن تاپتەشتەي، ويداعىدي ىستەيدى. وسى جولعى التاي ايماعىنا كەلىپ اۋىس – كۇيىس جاساۋ قىزمەتى ءبىر رەتكى تاماشا وراي، ءبىز باعىتتامالى كومەكتەسۋ قىزمەتىن بار كۇشپەن قولداپ، دارىندىلار ارقىلى، مادەنيەت ارقىلى باعىتتامالى كومەكتەسۋ قاتارلى جاعىندا كومەكتەسۋ قىزمەتىن تەرەڭدەي ورىستەتىپ، التاي ايماعىنىڭ دارىندىلاردى تاربيلەۋىنە اناعۇرلىم جاقسى شارت – جاعداي جاراتىپ، ەكى جەردىڭ ەڭبەك وزاتى مەن ەڭبەك شەبەرلەرىنىڭ اۋىس – كۇيىسىن جەبەپ، التايدىڭ ساياحات كاسىبىنىڭ دامۋىن قولدايمىز».

  قارجى اتاۋ سالتىندا، لي بيڭ التاي ايماقتىق پارتكوم، اكىمشىلىك مەكەمەسى، حەيلۇڭجياڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شىتابى اتىنان حەيلۇڭجياڭ ولكەلىك باس جۇمىسشى ۇيىمىنىڭ شىنايى قامقورلىعى مەن حال سۇراۋىنا العىس ءبىلدىردى ءارى بىلاي دەدى:« ايماقتىق جۇمىسشى ۇيىمى وسى ىستەن شابىت الىپ، ءتۇرلى قىزمەتتەردى ويداعىداي ىستەپ، ءتىپتى دە تاماشا قىزمەت ناتيجەسىمەن حەيلۇڭجياڭ ولكەلىك باس جۇمىسشى ۇيمىنىڭ ءۇمىتىن اقتايدى، ايماقتىق جۇمىسشى ۇيىمى باعىتتامالى كومەكتەسەتىن ولكەلىك باس جۇمىسشى ۇيىمىمەن بەلسەنە، ىرىقتى تۇردە سايكەسىپ، ولاردىڭ دارىندىلار ابزالدىلىعىن ارقاۋ ەتىپ، دارىندىلار اۋىس – كۇيىسى مەن تاربيەسىن ىلگەرىلەتىپ، ساياحات جاعىندا دامىتۋعا بولاتىن اۋىس – كۇيىس سەلبەستىكتى بەلسەنە كۇشەيتەدى».

  ۇعىسۋعا قاراعاندا، 10 – ايدىڭ 10 - كۇنىنەن 12 – كۇنىنەن دەيىن، تەكسەرۋ گرۋپپاسىنداعىلار بۋرىلتوعاي اۋدانىندا باعىتتامالى كومەكتەسۋ نىسان قۇرىلىستارى، شينجياڭ ۋاڭيۋان تۇيە سۇتى شارۋاشىلىعى شەكتى سەرىكتەستىگى، جەتارال قالاشىعى قاراتەرسكەن قىستاعىنىڭ كەستەشىلىك بازا قۇرىلىسى احۋالى قاتارلىلاردى ناق مايداندا كوزدەن كەشىرەدى.

جاۋاپتى رەداكتور: ءاننا اكىمقان قىزى
  • مەملەكەت مەرەكەسى مەزگىلىندە رايونىمىز قابىلداعان ساياحاتشىلار سانى ءبىر ميلليون 329 مىڭ 700 ادام- رەتكە جەتتى
  • قابا اۋدانى ەرتىس وزەنى الابىنىڭ كۇزگى كورىنىسى
  • الداعى ءۇش كۇندىك اۋارايىنان الدىن-الا مالىمەت
  • اقجار قىستاعى ايەلدەر قاۋمىنىڭ تۇڭعىش كەزەكتى قولونەر بۇيىمدارى كورگىزبە جارسىن وتكىزدى