اعاجاي-التاي تورابى   ›   مادەنيەت ارناسى   ›   بىلگەنگە مارجان

بەت تەرىسىنە ارنالعان كۇزگى كۇتىم ەرەجەلەرى

  كۇزگى سالقىندىق، وزگەرمەلى اۋا رايى جانە تەمپەراتۋرانىڭ بىردەن ءتۇسۋى تەرى جاعدايىنا كەرى اسەر بەرەدى. ىستىق جازدان سوڭ كۇزدە تەرىڭىزدە بورتپە نەمەسە بەزەۋ، قابىرشاقتانۋ نەمەسە مايلى جىلتىردى بايقاعان بولارسىز.ەندەشە تومەندە كۇزدە بەت تەرىسىنە قالاي كۇتىم جاساۋ كەرەكتىگىن ۇسىنامىز.

  تاماقتانۋ ۇلەسىڭىزدى دارۋمەندەرمەن تولىقتىرىڭىز. كۇزدە تەرى ماسەلەسى كوپشىلىكتە بايقالادى. ول ادەتتە، دارۋمەندەر مەن ميكروەلەمەنتتەرگە باي تاعامداردى جەۋدى توقتاتقاندىقتان بولادى. تاماقتانۋ ۇلەسىڭىزدى باقىلاپ، مايلى جانە تۇزدى تاماقتى ازايتىڭىز.

   تەرىگە جۇمساق تازارتۋدى قولدانىڭىز. كۇزدە جەڭىل جانە نازىك تازارتۋدى قولدانۋ كەرەك. اگرەسسيالىق گەلدەردى جۇمساق ءارى كرەمدى تازارتۋشى قۇرالدارعا اۋىستىرىڭىز. تەرىڭىز قۇرعاق بولسا، مايلى نەگىزدە جاسالعان قۇرالداردى پايدالانىڭىز.

   جەڭىل كرەمدەردى قورەكتەندىرگىش كرەمدەرگە اۋىستىرىڭىز. كۇزدە تەرىنى تەمپەراتۋرا وزگەرىسىنەن جانە جەلدەن قورعاۋ ءۇشىن ماماندار ارنايى قورەكتەندىرگىش جانە ىلعالداندىرعىش كرەمدەر قولدانۋدى ۇسىنادى.

   بەت تەرىسى ءتۇسى مەن جاعدايىن قورەكتەندىرگىش ماسكالاردىڭ كومەگىمەن جاقسارتىڭىز. كۇزدە تەمپەراتۋرا وزگەرىسىنىڭ سەبەبىنەن بەت تەرىسى سۋسىزدانادى جانە سەزىمتال بولا تۇسەدى. سوندىقتان اپتاسىنا ءبىر-ەكى رەت بەتكە ماسكا جاساعان ءجون.

جاۋاپتى رەداكتور: ءاننا اكىمقان قىزى
  • قابا اۋدانى ەرتىس وزەنى الابىنىڭ كۇزگى كورىنىسى
  • الداعى ءۇش كۇندىك اۋارايىنان الدىن-الا مالىمەت
  • اقجار قىستاعى ايەلدەر قاۋمىنىڭ تۇڭعىش كەزەكتى قولونەر بۇيىمدارى كورگىزبە جارسىن وتكىزدى
  • يدەيانى ازات ەتىپ، قايراتتانا ۇمتىلىپ، رەفورمانى تەرەڭدەتىپ، قايشىلىقتاردى شەشىپ، جاڭا بەينەمەن، جاڭا جاۋاپكەرلىكپەن، جاڭا ىسكەرلىكپەن شىعىس سولتۇستىكتى گۇلدەندىرە ءتۇسۋدى باسا دارىپتەدى