اعاجاي-التاي تورابى   ›   مادەنيەت ارناسى   ›   بىلگەنگە مارجان

باقىتتى بولۋدىڭ 7 ءادىسى

  اركىمنىڭ ومىرىندە ءبىر رەت نەمەسە ءتىپتى، بىرنەشە رەت بىردەڭەنى وزگەرتۋ كەرەكتىگىن تۇسىنەتىن ساتتەر بولادى. الايدا، وزگەرىستەردەن سوڭ ودان دا جامان بولۋى مۇمكىن ەكەندىگىن ويلاپ، قورقامىز.

  ومىرىڭىزدە بىردەڭە دۇرىس ەمەستىگىن جەتىك ءتۇسىنۋ ــ جاعدايدى وزگەرتۋگە ارنالعان ەڭ جاقسى ۋاجدەمە. ءساتتى ءارى باقىتتى بولۋعا كەدەرگى كەلتىرەتىن ەكى سەبەپكە اسىعىستىق پەن ءوزىڭىزدىڭ شىنايى تابيعاتىڭىزدى بىلمەۋ جاتادى. ۇنەمى ءبىر جەرگە اسىعىپ جۇرۋدەن جانە كۇندەلىكتى قاربالىستان «باقىتتى بولۋ» تۋرالى ۇمىتساڭىز، تومەنگە كوز جۇگىرتىڭىز.

   كوڭىلدى ىستەردى ويلاڭىز. اسىعىستىق ءبىزدىڭ باسىمىزدا باستالادى. وي، ءسوز جانە ارەكەت بىرگە قوسىلعاندا، قانداي دا ءبىر سالدارعا اكەلەدى. ول تىنىشتىق، جۇمساقتىق، سابىرلىق، باقىت بولۋى نەمەسە تولىقتاي قاراما-قايشىلىق بولۋى مۇمكىن. سوندىقتان جاقسى ويلاردى ويلاپ ۇيرەنىڭىز. باقىتقا ارنالعان جول جوق. باقىتتىڭ ءوزى – سول جول. كەيدە ول وتە قيىن، ءبىراق قىزىقتى جول بولۋى مۇمكىن.

   جاقسىلىق جاساۋدان قورىقپاڭىز. «نە ەكسەڭ، سونى وراسىڭ» ەرەجەسى مۇلتىكسىز ورىندالاتىندىعىن بايقاعان بولارسىز. قانداي دا ءبىر جاقسىلىقتى ويلاپ، جاساساڭىز، ورنىنا جاقسى بىردەڭە الاسىز. ادام ىشكى دۇنيەسىنىڭ پايداسىنا بىردەڭە جاساسا، كەنەتتەن پايدالى كىتاپتار مەن قىزىقتى ادامدار جولىعادى، بۇكىل الەم سىزگە كومەكتەسىپ جاتىرعانداي كورىنەدى.

  بۇگىنگىمەن ءومىر ءسۇرىڭىز. قازىرگى ساتكە قۋانىپ ۇيرەنىڭىز. تەك بولاشاقتى ويلاۋمەن بولماڭىز: «مەن انا بولعاندا باقىتتى بولامىن»، «ارىقتاسام، باقىتتى بولامىن»، «كوپ اقشام بولعاندا باقىتتى بولامىن». باقىت – ناتيجە ەمەس، پروتسەسس ەكەنىن ۇمىتپاڭىز. كۇندەلىكتى ومىرىڭىزدەگى ۇساق-تۇيەك بولسا دا، جاعىمدى نارسەلەرگە قۋانا ءبىلىڭىز.

   قوقىستان ارىلىڭىز. كەلگەن اقپاراتتى «سۇزگىدەن» وتكىزىڭىز، بارلىعىن وزىڭىزگە ءسىڭىرىپ الاتىن سورعىش بولۋدى قويىڭىز. ومىرىڭىزدەگى نەگاتيۆ اكەلەتىن ادامدارمەن ارالاسۋدى دوعارىڭىز. ونىڭ ورنىنا ەنەرگيا بەرەتىن ادامدارمەن كوبىرەك ارالاسىڭىز جانە شىنىمەن دە ۇنايتىن نارسەمەن اينالىسۋعا تىرىسىڭىز. ارماندارىڭىزدى ەرتەڭگە قالدىرماڭىز. سىزگە قۋانىش سىيلايتىن، بىراق اقشا اكەلمەيتىن ىستەن باس تارتاسىز. بارلىق ادامعا قۋانىش ۇلەسى كەرەك، ال ماتەريالدىق زاتتار ارقاشان قۋانىش بەرە بەرمەيدى. سوندىقتان ارمانداۋدان قورىقپاي، وعان اپارار ىسپەن اينالىسۋعا ۋاقىت تابىڭىز.

    تالىمگەر تابىڭىز. تالىمگەر ــ ءسىزدى جىگەرلەندىرەتىن ادام. ول پسيحولوگ، جاتتىقتىرۋشى نەمەسە قۇربىڭىز بولۋى مۇمكىن. ول ارقاشان كومەكتەسۋگە جانە كەڭەس بەرۋگە دايىن بولۋ كەرەك.

  يوگا نەمەسە مەديتاتسيامەن اينالىسىڭىز. شىعىس تاجىريبەسى ءوزىڭىزدى تىڭداۋعا كومەكتەسەدى. ونىڭ كومەگىمەن ىشكى تەپە-تەڭدىكتى تاۋىپ، ءوزىڭىز ءۇشىن باقىتتىڭ نە ەكەندىگىن تۇسىنۋگە بولادى.

جاۋاپتى رەداكتور: ءاننا اكىمقان قىزى
  • قابا اۋدانى ەرتىس وزەنى الابىنىڭ كۇزگى كورىنىسى
  • الداعى ءۇش كۇندىك اۋارايىنان الدىن-الا مالىمەت
  • اقجار قىستاعى ايەلدەر قاۋمىنىڭ تۇڭعىش كەزەكتى قولونەر بۇيىمدارى كورگىزبە جارسىن وتكىزدى
  • يدەيانى ازات ەتىپ، قايراتتانا ۇمتىلىپ، رەفورمانى تەرەڭدەتىپ، قايشىلىقتاردى شەشىپ، جاڭا بەينەمەن، جاڭا جاۋاپكەرلىكپەن، جاڭا ىسكەرلىكپەن شىعىس سولتۇستىكتى گۇلدەندىرە ءتۇسۋدى باسا دارىپتەدى