اعاجاي-التاي تورابى   ›   اقپارات ايدىنى   ›   احپارات اعىمى

جاڭا ازيا - ەۆروپا ۇلى قۇرلىق كوپىرىندەگى اۋىل شارۋاشىلىق ونىمدەرى بايلىعىن كادەگە جاراتاتىن ۇلكەن تۇعىر

− الاتاۋ ساعاسى امبەباپ قورعامالى باجى رايونىنان كورگەن - بىلگەندەرىمىز
شينجياڭ گازەتىنىڭ تىلشىلەرى ليۋ دۇڭلاي، ليۋ جيڭ

      9 - ايدىڭ 30 - كۇنى ءتىلشى الاتاۋ ساعاسى امبەباپ قورعامالى باجى رايونىنا باردى. ايجۇي چينجياڭ ازىق - تۇلىك شەكتى جاۋاپكەرشىلىك سەرىكتەستىگىنىڭ زاۆود ۇيلەرىندە جويقىن داۋىس ءبىر ءسات تە تولاستاماي، داعار - داعار ساپالى ۇن ۇلاسپالى جەلى ارقىلى تولاسسىز كەلىپ جاتتى. «ءبىزدىڭ جيناۋ - جونەلتۋ ورنىمىز شي - اندا، بۇگىنگى كۇنى الاتاۋ ساعاسى ءبىزدىڭ اۋىل شارۋاشىلىق ونىمدەرىن ىشكەرىلەي وڭدەيىن ماڭىزدى بازامىزعا اينالدى»، - دەدى سەرىكتەستىكتىڭ باس ديرەكتورى حۋ شۇيميڭ تىلشىگە.
  2014 - جىلى الاتاۋ ساعاسى امبەباپ قورعامالى باجى رايونى جابىق كەدەن جاعدايىندا جۇمىس جۇرگىزدى. قىسقا عانا 4 جىلدا 465 كاسىپورىن ىرگە تەۋىپ، قازاقستاندا جانە جۇڭگودا ءوڭىر اتتاعان قامداۋ - ساتۋ كاسىپ تىزبەگىن ورىنداعان ايجۇي چينجياڭ ازىق - تۇلىك شەكتى جاۋاپكەرشىلىك سەرىكتەستىگى وسىلاردىڭ ىشىندەگى ۋاكىلى. 
  «2016 - جىلى سەرىكتەستىگىمىز تۇڭعىش رەت مەملەكەت قاقپاسىنان شىعىپ، قازاقستاندا استىق جيناۋ - ساقتاۋ بازاسىن قۇرىپ، 50 مىڭ توننا استىق جيناپ، ساقتادى، قازاقستاندا 5000 ەگىنشىمەن تاپسىرىسقا قول قويىستى. سونىمەن قاتار، بىزدە تەمىر جول ارناۋلى لەنيامىز، بولەك - سالاق استىقتى پويەزگە تيەۋ - تاسۋ يقۋاتىمىز بار، قامداۋ جاعىنىڭ تۇقىم سۇرىپتاۋ، تۇقىم جەتىلدىرۋ، ەگۋ، سۋارۋ، اتىزدا تەحنيكالىق جاقتان باپتاۋ، جيناۋ، ساتىپ الۋ، كەپتىرۋ، ساقتاۋ - تاسۋ قاتارلىلار بويىنشا ءبىر تۇلعالانۋىنا مۇمكىندىك جاسادىق»، - دەدى حۋ شۇيميڭ تانىستىرا. 
  وسى زامانعى ءىرى استىق - ماي كاسىپورنىنىڭ كوزدەگەنى قازاقستاننىڭ ساپالى ءبيداي قاينارى. «ءبىز بازانىڭ وڭدەلمەگەن استىعىن ەلىمىزگە تاسىپ، شيكىزاتتان باستاپ ورگانيكالىق ءونىمنىڭ كاسىپ تىزبەگىن قۇرامىز». زاۆود ۇيلەرىندە ماشينالاردىڭ داۋىسى قۇلاق تۇندىرادى، حۋ شۇيميڭنىڭ داۋىسىن كوتەرە سويلەمەسىنە بولمادى. ونىڭ تۋ سىرتىندا تيەۋ - ءتۇسىرۋشى زەردەلى قۇلتەمىر وندىرىلگەن ۇندى توقتاۋسىز رەتتى جيناۋدا، قوراپتاۋشى قۇلتەمىر نەشە ون قالتا ۇندى توپتاپ بايلاۋدا. «ورتا ازيانىڭ اۋىل شارۋاشىلىق ونىمدەرى شيكىزاتىن سول جەردە جىنتىكتەي وڭدەۋدە الاتاۋ ساعاسى امبەباپ قورعامالى باجى رايونىنان ۇيلەسىمدى جەر جوق»، - دەدى حۋ شۇيميڭ. 
  راسىندا، اتلانت مۇحيتتىڭ شىعىسىنان باستاپ، ۇزىننان - ۇزاق تەمىر جولدار سوزىلىپ، ەڭ قىسقا ارالىقپەن الاتاۋ ساعاسىنان جۇڭگوعا كىرەدى، تاعى دا ەڭ قىسقا ارالىقپەن شي - ان، جىڭجوۋ سياقتى ماڭىزدى قاتىناس تورابىنا جەتەدى. ازيا - ەۆروپا قۇرلىعىن ەندەي ءوتىپ جاتقان وسى تەمىر جول كۇرە تامىرى، نەگىزىنەن، تىكە لەنيا، ال ونىڭ جەكە - جەكە وڭتۇستىك، سولتۇستىك باعىتقا قاراي سوزىلعان سانسىز تارماقتارى تاۋاردى ازيا - ەۆروپا قۇرلىعىنداعى بارلىق ماڭىزدى ەكونوميكالىق رايوندارعا جەتكىزەدى. تاۋار جۇڭگونىڭ تاسۋ ارالىعى ەڭ قىسقا تۇيىندەرىنەن كىرىپ شىعادى، الاتاۋ قالاسىنىڭ، الاتاۋ امبەباپ قورعامالى باجى رايونىنىڭ قۇنى وسىدان - اق ايگىلەنگەن.
  «ورتا ازيا، ءىس جۇزىندە، جۇڭگونىڭ استىق كاسىپورىندارىن قارسى الادى، ويتكەنى ولاردىڭ جان سانى از، ەل ىشىندەگى قامداۋ مولشەرى تۇتىنۋ مولشەرىنەن الدە قايدا جوعارى. ال وسى مەملەكەتتەردە اۋىل شارۋاشىلىق ونىمدەرىنە حيميالىق تىڭايتقىش تىم از ىستەتىلەدى، ازىق - تۇلىك حاۋىپسىزدىگىنە كۇن سايىن ءمان بەرىلگەن قازىرگى جاعدايدا، بۇل وراسان زور ساۋدا ورايى سانالماق»، - دەدى حۋ شۇيميڭ، - «تەك قازاقستاننىڭ ءار جىلعى استىعى مەن بۇرشاق تەكتەس داقىلدارى ءونىمىنىڭ ءوزى 18 ميلليون 700 مىڭ تونناعا جەتەدى، بۇل وراسان مول بايلىق قامباسى»، - دەدى ول.
  الاتاۋ قالالىق پارتكوم ورايدى سەزگىرلىكپەن بايقاي الدى، اۋىل شارۋاشىلىق قوسىمشا ونىمدەرىن وڭدەۋ قورعامالى باجى رايونىنىڭ ءتۇيىندى قولدايتىن كاسىپ سالاسىنىڭ ءبىرى. 4 جىلدان بەرى، قورعامالى باجى رايونى استىق داقىلدارىن اۋىستىرىپ تيەۋدىڭ ازياداعى ەڭ ۇلكەن جابىق قويماسىن سالدى، تاعى قاپسىز تيەلەتىن استىقتىڭ 2 كەڭ رەليستى، ءبىر ولشەمدى رەليستى ارناۋلى لەنياسىن، سونداي - اق سايكەستى قۇرىلىستان 300 مىڭ توننالىق استىق مورجا قامباسىن، 8900 شارشى مەترلىك توڭازىتقىش قويما سالماقشى. امبەباپ قورعامالى باجى رايونىنىڭ باجىنى كەشىرىم ەتۋ، باجى قايتارۋ سياقتى جەلىلەس ەرەكشە ساياساتتارىنا سۇيەنىپ، ايجۇي چينجياڭ ازىق - تۇلىق شەكتى جاۋاپكەرشىلىك سەرىكتەستىگى سياقتى كاسىپورىندار اۋىل شارۋاشىلىق قوسىمشا ونىمدەرى بايلىعىن سول جەردە تابىستى وڭدەۋدە. 
  ايجۇي چينجياڭ ازىق - تۇلىق شەكتى جاۋاپكەرشىلىك سەرىكتەستىگىنە تاياۋ جەردەگى الاتاۋ جينسى ماي شەكتى سەرىكتەستىگى دە قاربالاستىققا تۇسۋدە. ورىنباسار باس ديرەكتور كى ميڭ 26 جاستا عانا، بىردە حانزۋ تىلىندە، بىردە ورىس تىلىندە سويلەپ، مۇرنىنا سۋ جەتپەي ءجۇر. الاتاۋ ساعاسى امبەباپ قورعامالى باجى رايونىنا تۇڭعىش رەت ىرگە تەپكەن شەتەل قارجىلاندىرعان كاسىپورىن رەتىندە جينسى ماي سەرىكتەستىگى 2016 - جىلى 7 - ايدا وندىرىسكە قوسىلعاننان كەيىن، وزىق اسپاپتارعا، تەحنولوگياعا جانە ءوندىرىس جەلىسىنە سۇيەنىپ، كۇنىنە 100 توننا ازىقتىق ماي وڭدەپ، جىلدىق ءونىم قۇنىن 200 ميلليون يۋانعا جەتكىزدى. 
  «وسى جەردەن زاۆود قۇرۋدى تاڭداۋداعى سەبەبىمىز، بۇل جەر قازاقستانعا جاقىن ورنالاسقان، ونىڭ ۇستىنە جۇڭگو - ەۆروپا كەزەكشى پويەزىمەن تاسىمالداۋداعى وزىندىك قۇن تومەن، جەر جانە باجى جيناۋ جاعىنداعى ءتيىمدى ساياساتتار ءبىزدى ەرەكشە باۋرادى. ءبىزدىڭ نىسانامىز ءتىپتى دە كوپ جۇڭگو تۇتىنۋشىلارىنا قازاقستاننىڭ ساپالى اۋىل شارۋاشىلىق ونىمدەرىن تۇتىندىرۋ»، - دەدى كى ميڭ تىلشىگە.
  اۆتوكولىكتەر توقتاۋسىز جۇيتكىپ، گۋدوك ءۇنى تولاستامادى. 5 جىلدان بەرى، جۇڭگو - ەۆروپا كەزەكشى پويەزدەرى ارقىلى ەكسپورت ەتىلگەن استىق جانە تارتىلاتىن ماي شەكارادان وتكەننەن كەيىن الاتاۋ ساعاسى امبەباپ قورعامالى باجى رايونىندا ۇنعا، ازىقتىق مايعا جانە ءتۇرلى ازىق - تۇلىككە وڭدەلىپ، ەلىمىزدىڭ ءىشى - سىرتىنداعى بازارلارعا ساتىلدى. امبەباپ قورعامالى باجى رايونى ارقىلى استىقتى ءوز ىشىنە قامتىعان كوپ ءتۇرلى ونىمدەر جىنتىكتەي وڭدەلدى، الاتاۋ ساعاسى جالاڭ ەكونوميكالىق وتكەل ۇلگىسىنەن كوپ نەگىزدى شەكارا وتكەلىندىك ەكونوميكالىق ۇلگىگە اينالۋدا.

جاۋاپتى رەداكتور: ءاننا اكىمقان قىزى
  • يدەيانى ازات ەتىپ، قايراتتانا ۇمتىلىپ، رەفورمانى تەرەڭدەتىپ، قايشىلىقتاردى شەشىپ، جاڭا بەينەمەن، جاڭا جاۋاپكەرلىكپەن، جاڭا ىسكەرلىكپەن شىعىس سولتۇستىكتى گۇلدەندىرە ءتۇسۋدى باسا دارىپتەدى
  • شي جينپيڭ حەيلۇڭجياڭدا قىزمەت جاعدايىن تەكسەردى
  • قوڭىر كۇز دە كەلىپتى-اۋ...
  • ۇلىڭگىر كولى مەملەكەتتىك سازدى جەر باقشاسى