اعاجاي-التاي تورابى   ›   زاڭ-تارازى   ›   عىلىمي ماقالالار

وزىڭە سۇيەن، تياناعىڭ بەرىك بولادى!

شينحۋا اگەنتتىگىنىڭ ءتىلشىسى لي ليجيڭ

     جۇڭگو دامۋ ءۇشىن، تۇبىندە، وزىنە سۇيەنۋى كەرەك. باس شۋجي شي جينپيڭ تاياۋدا جۇڭگو 1 - اۋىر تۇرپاتتى ماشينا توبى شەكتى سەرىكتەستىگىندە قىزمەت تەكسەرگەندە وسىلاي دەپ نىق تالاپ قويدى. 
  وزىڭە سۇيەنۋ − قازىرگى حالىقارالىق باسەكە جاعدايىنا توتەپ بەرۋدىڭ وبيەكتيۆ تالابى. دۇنيە ءجۇزىنىڭ ەكونوميكالىق دامۋى كۇن سايىن جاڭارىپ، عىلىم - تەحنيكا جاسامپازدىعىنىڭ اينالىمى بارىنشا قىسقاردى، باسقالار ءوزىنىڭ وركەنيەت جەتىستىكتەرىن قوس قولداپ ۇسىنىپ بەرمەيدى، تەك ءوز كۇشىمىزگە سۇيەنىپ وزەكتى تەحنيكانى، وزەكتى قابىلەتتى قولىمىزدا مىقتاپ يگەرگەندە عانا، دۇنيە جۇزىندەگى ۇلتتاردىڭ قاتارىندا قاسقايىپ بوي كوتەرىپ تۇرا الامىز. قازىر حالىقارادا سىڭار جاقتىلىق، ساۋدا قورعامپازدىعى كۇشەيدى، شەتەلدەرگە اۋىر دارەجەدە يەك سۇيەپ قالساق، دامۋدىڭ نەگىزىنەن ايىرىلىپ قالۋدان سىرت، مەملەكەتتىڭ حاۋىپسىزدىگىنە دە قاتەر تونەدى. وزىمىزگە سۇيەنۋ − تاريحتىڭ ەسكەرتۋى، اسىرەسە، ەلىمىزدىڭ ەڭسە كوتەرۋدەن، بايۋدان قۇدىرەتتەنۋگە قاراي بەت الۋداعى تابيعي تالعامى. 
  تياناقتىڭ بەرىكتىگى جۇڭحۋا ۇلتىنىڭ ءوز كۇشىنە سۇيەنىپ ءومىر ءسۇرۋىنىڭ رۋحاني گەنىنەن كەلگەن. قيىنشىلىقتاردان تايسالماي دامۋ، مۇشكىل جاعدايدا تىرشىلىككە ۇمتىلۋ − جۇڭحۋا ۇلتىنىڭ تابيعي تالانتى. تاياۋ زاماننان بەرى، ءبىر مەزەت مەشەۋ قالىپ، قورلىق كورۋدەي مۇشكىل جاعدايدا قالعاندا دا، «جۇڭگونىكىن نەگىز ەتۋ، باتىستىكىن قولدانۋ»، ءوز قابىلەتىن جەتىلدىرۋگە قارمانۋداي ويانۋ مەن ىزدەنىستەن تالمادى. جاڭا جۇڭگو قۇرىلعاننان بەرى، جۇڭگو كوممۋنيستىك پارتياسى بۇكىل حالىقتى باستاپ قاجىرلىلىقپەن كۇرەس جۇرگىزىپ، «ەكى بومبى، ءبىر سەرىكتى» جاساۋدان جياۋلۇڭنىڭ تەڭىزگە سۇڭگۋىنە، چاڭىنىڭ ايدى بارلاۋىنا دەيىن... تالاي - تالاي مۇعجيزالاردى جاراتتى. بۇگىنگى تاڭدا جۇڭگونىڭ «وزىڭە سۇيەن، تياناعىڭ بەرىك بولادى» دەگەنى لەپىرمە ءسوز ەمەس، قايتا ونداعان جىلدار بويى تالاپقا قامشى باسۋ، تىنباي تالپىنۋ نەگىزىندەگى جالىقپاس ىزدەنىسى، سان ۇرپاق ادامنىڭ قۇمنان مۇنارا تۇرعىزۋداي قۇلشىنىسىنىڭ قوردالانعان نەگىزى. 
  وزىڭە سۇيەنۋ ءۇشىن، شەشۋشى سالالاردان، شەشۋشى تەحنيكالاردان قامال الۋ ءتۇزىلىسىن قالىپتاستىرىپ، ەلىمىزدىڭ سوتسياليستىك ءتۇزىمىنىڭ ابزالدىلىعىن تولىق ساۋلەلەندىرۋ كەرەك. جوقشىلىقتان جانە دارمەنسىزدىكتەن دۇنيە جۇزىندەگى 2 - ۇلكەن ەكونوميكالىق تۇلعاعا اينالۋعا دەيىن، كۇش - قۋاتتى شوعىرلاندىرىپ ءىرى ءىس تىندىرۋداي تۇزىمدىك ورنالاستىرۋ بولعاندىعى ءۇشىن دە، «كوپ جۇمىلسا الىنباس قامال بولماق ەمەستىڭ» وبيەكتيۆ ونىمدىلىگىنە قول جەتكىزدىك، حالىق شارۋاشىلىعى مەن حالىق تۇرمىسىنا ساياتىن قىرۋار ءىرى ىستەردى تىندىردىق. سوندىقتان كەلەسى قادامداعى دامۋ جولىندا ساياسات، قارجى، دارىندى، ءوندىرىس ماتەريالدارى سياقتىلاردىڭ بارلىعىندا وزەكتى سالالارعا، وزەكتى تەحنيكالارعا، ءتۇيىندى نىساندارعا قاراي بەيىمدەلىپ، ءىرى ءىس تىندىرۋ، جاقسى ءىس تىندىرۋ نىساناسىن جۇزەگە اسىرۋ كەرەك. 
  وزىڭە سۇيەنۋ ءۇشىن، وزەكتى تەحنيكادا دەربەس جاڭالىق اشۋ سىندى تۇتقانى مىقتاپ يگەرىپ، جاڭالىق اشۋعا تۇساۋ بولاتىن تۇزىلىستىك - مەحانيزمدىك كەدەرگىلەردى قۇلشىنا الاستاپ، كاسىپورىنداردىڭ جاڭالىق اشۋ قابىلەتىن جان - جاقتى تاسقىنداتۋ كەرەك ءارى كەلەلىلەرىن يگەرۋ، وزىقتارىن يگەرۋ، نەگىزدى يگەرۋ، ءارى ءتول جاسامپازدىق رۋحىنا قۇرمەت ەتىپ، حالىق اراسىنداعى ومىرشەڭدىك كۇشتى قاۋلاتىپ، جاڭالىق اشۋعا، شارۋاشىلىق قۇرۋعا شەبەر ۇلكەن ميدى ازات ەتۋ كەرەك. وزەكتى، ءتۇيىندى تەحنيكادا قامال الۋ جولىندا عالىمداردىڭ «ءسوزىنىڭ ەسەپ بولۋىنا»، عىلىم - تەحنيكا جەتىستىكتەرىنىڭ ۇزدىكسىز جارىققا شىعۋىنا مۇمكىندىك جاساۋ كەرەك. 
  «بوس ءسوز ەل ىسىنە نۇقسان جەتكىزەدى، ناقتى ءىس ەلدى كوركەيتەدى»، تياناقتىڭ بەرىكتىگى ەڭ سوڭىندا قابىلەتتىلىككە، ءىس تىندىرا الۋعا تياناقتانۋى كەرەك. ۋاقىت كۇتىپ تۇرمايدى دەگەن كوكەي تەستىلىك سەزىممەن، مەملەكەتتىڭ گۇلدەنۋى مەن قۇرۋىندا بارشا جۇرتتىڭ جاۋاپكەرشىلىگى بار دەيتىن جاۋاپكەرشىلىكپەن ۇزدىكسىز جاڭالىق اشىپ، ۇزدىكسىز كۇرەس جۇرگىزگەندە عانا، مەملەكەتتى ءتىپتى دە كوركەم ەتىپ قۇرىپ شىعىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا دەم بەرۋگە بولادى. 
  (شينحۋا اگەنتتىگىنىڭ 10 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور: ءاننا اكىمقان قىزى
  • يدەيانى ازات ەتىپ، قايراتتانا ۇمتىلىپ، رەفورمانى تەرەڭدەتىپ، قايشىلىقتاردى شەشىپ، جاڭا بەينەمەن، جاڭا جاۋاپكەرلىكپەن، جاڭا ىسكەرلىكپەن شىعىس سولتۇستىكتى گۇلدەندىرە ءتۇسۋدى باسا دارىپتەدى
  • شي جينپيڭ حەيلۇڭجياڭدا قىزمەت جاعدايىن تەكسەردى
  • قوڭىر كۇز دە كەلىپتى-اۋ...
  • ۇلىڭگىر كولى مەملەكەتتىك سازدى جەر باقشاسى