اعاجاي-التاي تورابى   ›   اقپارات ايدىنى   ›   احپارات اعىمى

قورعاس تاس جول شەكارا وتكەلىنىڭ جاڭا وتكەلەگى ىسكە قوسىلدى

جىلىنا 3 ميلليون توننا جۇك تاسىمالداۋ، 5 ميلليون ادام - رەت شەكارادان كىرۋ - شىعۋ قاجەتىن قاناعاتتاندىرا الادى

     شينجياڭ گازەتىنىڭ تىلشىلەرى جاۋ جىيۇن، چىن چياڭۋي 9 - ايدىڭ 27 - كۇنى قورعاستان حابارلايدى. 9 - ايدىڭ 27 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر مەن قازاقستان الماتى وبلىسىنىڭ باستىعى اماندىق باتالوۆتىڭ اۆتوكولىك قاتىناتۋ كنوپكاسىن بىرگە باسۋىمەن جۇڭگو مەن قازاقستانعا جەكە - جەكە تاۋەلدى 6 جۇك اۆتوكولىگى ءبىر - ءبىرىنىڭ مەملەكەت قاقپاسىنا قاراي باياۋ جىلجىدى، بۇل قورعاس تاس جول شەكارا وتكەلى جاڭا وتكەلەگىنىڭ رەسمي ىسكە قوسىلعاندىعىن كورسەتەدى. 
  شوكىرات زاكىر اۆتونوميالى رايوندىق پارتكوم مەن ۇكىمەت اتىنان قورعاس تاس جول شەكارا وتكەلى جاڭا وتكەلەگىنىڭ ىسكە قوسىلعاندىعىن قۇتتىقتادى. ول بىلاي دەدى: جاقىنعى جىلداردان بەرى، جۇڭگو - قازاقستان ەلدەرىنىڭ مەملەكەت باسشىلارى تالاي رەت كەڭەس وتكىزىپ، ەكى جاقتى سەلبەستىكتى تەرەڭدەتۋ، اسىرەسە، «ءبىر بەلدەۋ، ءبىر جولدى» بىرگە قۇرۋ جونىندە كەڭ كولەمدى ورتاق تانىمعا كەلدى. جۇڭگونىڭ شينجياڭى جىبەك جولى ەكونوميكالىق بەلدەۋىندەگى وزەكتى رايون رەتىندە، ەكى ەل باسشىلارىنىڭ ورتاق تانىمدارىن ويداعىداي تياناقتاندىرۋعا كۇش سالىپ، قازاقستان جاقپەن بىرگە، قورعاس تاس جول شەكارا وتكەلى جاڭا وتكەلەگىنىڭ ىسكە قوسىلعاندىعىن وراي ەتىپ، ءتۇرلى سالاداعى سەلبەستىكتى بەلسەنە ىلگەرىلەتىپ، ساۋداعا قارجى قوسۋدى جانە ادامداردىڭ بارىس - كەلىسىن جەبەپ، ءوزارا تيىمدىلىك جاساپ، بىرگە يگىلىكتەنۋدى ىلگەرىلەتىپ، ەكى ەل حالقىنا يگىلىك اكەلەدى.
  شوكىرات زاكىر مىنانى باسا دارىپتەدى: 2013 - جىلى، ءتوراعا شي جينپيڭ «ءبىر بەلدەۋ، ءبىر جولدى» بىرگە قۇرۋ باستاماسىن العا قويىپ، دۇنيە ءجۇزىنىڭ بەيبىتشىلىگى مەن دامۋ اۋقىمىنا سايكەسىپ، ءار ەلدىڭ دامۋدى جەدەلدەتۋدەي ورتاق ارمانىن بەينەلەدى، بۇل جەلى بويىنداعى ەلدەردىڭ دامۋىنىڭ، سەلبەستىگىنىڭ رەال سۇرانىسىنا ۇيلەسىپ، حالىقارالىق قوعامنىڭ بەلسەندى قولداۋىنا يە بولدى. بيىل «ءبىر بەلدەۋ، ءبىر جول» باستاماسىنىڭ العا قويىلعاندىعىنىڭ 5 جىلدىعى، 5 جىلدان بەرى، جۇڭگو - قازاقستان ەكى ەل «ءبىر بەلدەۋ، ءبىر جولدى» بىرگە قۇرۋدى ارقاۋ ەتە وتىرىپ، كوپ ساتىلى، جان - جاقتى سەلبەستىك جاساسىپ، سۇبەلى تابىستارعا قول جەتكىزدى. جۇڭگونىڭ شينجياڭى جۇڭگوداعى بىردەن - ءبىر قازاقستانمەن شەكارالاسىپ جاتقان ولكە - رايون رەتىندە، بەلسەندى قۇلشىنىستار جاسادى. بيىل 1 - ايدان 6 - ايعا دەيىن، جۇڭگونىڭ شينجياڭىنىڭ قازاقستانمەن ساۋدا سوماسى 3 ميلليارد 806 ميلليون دوللارعا جەتتى، مۇندا شينجياڭنىڭ يمپورت سوماسى 734 ميلليون دوللار بولىپ، سايكەس مەزگىلدەگىدەن %82.2 ارتىپ، جۇڭگو - قازاقستان ساۋداسىنىڭ دامۋىنا ماڭىزدى ۇلەس قوستى.
  شوكىرات زاكىر مىنانى اتاپ كورسەتتى: قورعاس تاس جول شەكارا وتكەلى جاڭا وتكەلەگىنىڭ رەسمي ىسكە قوسىلۋى جۇڭگو مەن قازاقستاننىڭ ءوزارا بايلانىس جاساۋ، ءوزارا توعىسۋ ورەسىن ونان ارى كوتەرۋ، ەكونوميكا - ساۋدا سەلبەستىگىن تەرەڭدەتۋ، ءوزارا تيىمدىلىك جاساپ، بىرگە يگىلىكتەنۋدى ىسكە اسىرۋ جونىنەن كەلەلى ماڭىزعا يە. جۇڭگونىڭ شينجياڭى شەكارا وتكەلى وڭىرلىك ەكونوميكاسى مەن ءىرى وتكەل قۇرىلىسىن نەگىزگى تاقىرىپ، شەكارا وتكەلىنەن ءوتۋدى اناعۇرلىم قولايلىلاستىرۋدى تۇتقا ەتىپ، ءبىر رەت تەكسەرۋ، ءبىر رەت مالىمدەۋ، ءبىر رەت وتكىزۋدىڭ «ءبىر پۋنكتتىك» بىرلەسىپ جۇمىس ءبىتىرۋ مەحانيزمىن بەلسەنە ىلگەرىلەتىپ، سەلبەستىك جاساسۋ ورتالىعىندا كۋالىكتى ءوزى ءبىتىرۋ قىزمەتىن بەلسەنە ىلگەرىلەتىپ، باقىلاۋ - باسقارۋدى ءوزارا مويىندايتىن، زاڭ اتقارۋدا ءوزارا كومەكتەسەتىن، ينفورماتسيانى ءوزارا اۋىستىراتىن «ءۇش ءوزارا» ءىرى وتكەل قۇرىلىسىن بەلسەنە ىلگەرىلەتىپ، شەكارا وتكەلدىڭ فۋنكتسياسىن ۇزدىكسىز كەمەلدەندىرىپ، «جوعارى ءونىمدى، وركەنيەتتى، جاراسىمدى» شەكارا وتكەلىن قۇرۋعا قۇلشىنىپ، جۇڭگو مەن قازاقستاننىڭ «ءبىر بەلدەۋ، ءبىر جولدى» بىرگە قۇرۋىنىڭ ۇزدىكسىز تەرەڭدەۋىن، ناقتىلانۋىن ىلگەرىلەتۋگە تىڭ ۇلەس قوسادى.
  مەملەكەتتىك كەڭەستىڭ بەكىتۋىمەن، جۇڭگو - قازاقستان قورعاس تاس جول شەكارا وتكەلى 1983 - جىلى 11 - ايدىڭ 16 - كۇنى سىرتقا اشىلعان، 1992 - جىلى 8 - ايدىڭ 10 - كۇنىنەن باستاپ، ءۇشىنشى ەلگە اشىلعان. شەكارا وتكەلىنىڭ بىرلەسىپ تەكسەرۋ رايونىنىڭ اۋماعى شاعىن بولىپ، جولاۋشىلار مەن جۇكتەردىڭ شەكارادان كىرۋىن، شەكارادان شىعۋىن تەكسەرۋ قاجەتىن قاناعاتتاندىرا الماعاندىقتان، جۇڭگو - قازاقستان ەكى جاق شەكارا وتكەلىنىڭ بىرلەسىپ تەكسەرۋ رايونىن، ياعني قورعاس تاس جول شەكارا وتكەلىنىڭ جاڭا وتكەلەگىن جاڭادان قۇرۋدى اقىلداسىپ بەلگىلەدى. جۇڭگو جاقتىڭ قورعاس شەكارا وتكەلى نىسانى 588 مىڭ شارشى مەتر جەردى يەلەگەن، جىلىنا 3 ميلليون توننا جۇكتى تاسىمالداۋ، 5 ميلليون ادام - رەت شەكارادان كىرۋ - شىعۋ قاجەتىن قاناعاتتاندىرا الادى. 

جاۋاپتى رەداكتور: ءاننا اكىمقان قىزى
  • قوڭىر كۇز دە كەلىپتى-اۋ...
  • ۇلىڭگىر كولى مەملەكەتتىك سازدى جەر باقشاسى
  • بەيزاتتىق مادەني مۇرا حۋماي ونەرىمەن «التاي جىرىن» جىرلادى
  • قاناس وڭىرىندەگى موڭعۇل ۇلتى دىبا حالقىنىڭ ۇرپاقتان-ۇرپاققا جالعاسقان حالىق ءانى