اعاجاي-التاي تورابى   ›   اقپارات ايدىنى   ›   ءوز حابارلارىمىز

ايماقتىق پارتكوم ۇگىت ءبولىمىنىڭ كادرلارى قابا اۋدانى تالدى قىستاعىنداعى بۇقارالارمەن بىرلىكتە ۇلتتار ىنتىماعى دوستىق قيمىلىن وزدىردى

  9 -ايدىڭ 24-كۇنى جۇڭچيۋ مەرەكەسى كۇنى، ايماقتىق پارتكوم ۇگىت ءبولىمىنىڭ پارتيالى كادرلارى مەن تالدى قىستاعىنداعى تۋىستارى بىرلىكتە «جۇڭچيۋ مەرەكەسى مەن مەملەكەت مەرەكەسىن بىرلىكتە قارسى الۋ» ۇلتتار ىنتىماعى دوستىق جەللەس قيمىلىن وزدىردى.

  تاڭەرتەڭگى ساعات 9:00 دا، بارلىق قىستاق تۇرعىندارى مەن نەگىزگى ساتىعا تۇسكەن پارتيالى كادرلار بىرلىكتە قىستاق تۇرعىندار كوميتەتىنىڭ اۋلاسىندا مەملەكەت تۋىن شىعارۋ سالتىنا قاتىناستى. ايماقتىق پارتكوم ۇگىت ءبولىمىنىڭ پارتيالى كادرلارى «بەس ورتاق تانىمدى» كۇشەيتۋ جانە جۇڭحۋا ۇلتى ورتاق تۇلعاسى تانىمىن بەكەمدەۋدى نەگىزگى تاقىرىپ ەتكەن مەملەكەت تۋى استىندا لەكسيا سويلەۋ قيمىلىن وزدىردى.

  قيمىل «مەملەكەت ءانى» ىشىندە شىمىلدىعىن اشتى، ويىن نومەرلەرى نەگىزىنەن كادرلار مەن جۇرتشىلىقتىڭ شاتتانا سالعان جەكە اندەرى مەن تارتىمدى بيلەرى جانە قىزىقتى ويىن تۇرلەرىمەن جالعاسىن تاپتى.

  كوپشىلىك بىرگە ءدامدى ايكۇلشە مەن مەرەكەلىك تاعامداردان ءدام تاتىپ، قارا جورعا بيىنە باستى، باس قوسقانداعى تەبىرەنىستى كوڭىل-كۇيلەرىن قۋانا اڭگىمەلەستى.

  ايماقتىق پارتكوم ۇگىت ءبولىمىنىڭ پارتيالى كادرلارى ەگىنشى-مالشىلاردىڭ مادەني تۇرمىسىن ونان ارى بايىتۋ ماقساتىندا، قابا اۋداندىق ويىن-ساۋىق ۇيىرمەسىنىڭ ارتيسىتەرىن ۇسىنىس ەتىپ، تالدى قىستاعىنىڭ مادەنيەت-قيمىل زالىن دىر-دۋمانعا بولەدى.

  ايماقتىق پارتكوم ۇگىت ءبولىمىنىڭ ۇنەمىلىك ىستەرگە جاۋاپتى ورىنباسار باستىعى ليۋ حۇڭبين قىستاق جۇرتشىلىعىنا مەرەكەلىك سالەم جولداپ، شىنايى تىلەگىن جاۋدىردى. ليۋ حۇڭبين بىلاي دەدى: « ءبىز ‹بەس ورتاق تانىم› مەن‹ ءۇشتىڭ ءبىر-بىرىنەن ايىرىلا الماۋ› يدەياسىن جانىمىزدا بەرىك ساقتاۋىمىز ءتيىس، ويتكەنى بىزدەر ءبىر ءۇيلى جاندارمىز، ءبىر ءۇيلى جان سيلاسىمدى، باۋىرمال بولۋى، قۋانىش-مەرەكەنى ءدال وسىلايشا بىرگە تويلاۋى كەرەك. 9-ايدىڭ 23-كۇنى تۇڭعىش رەتكى ‹جۇڭگو ديقاندارىنىڭ مول ءونىم مەرەكەسى› بولىپ ءوتتى، بۇل جۇڭگو ديقاندارىنا بەرىلگەن وسكەلەڭ ماداق، تالدى قىستاعىنداعى اۋىلداستاردىڭ دا جالىقپاي ەڭبەك ەتىپ، قوس قولدارىنا سۇيەنىپ مول ءونىم الىپ، بايلىق-باقىت جاراتۋىنا تىلەكتەسپىن ءارى اراداعى سۇيىسپەنشىلىگىمىزدىڭ بارعان سايىن قويۋلاسا بەرۋىن ءۇمىت ەتەمىن»،-دەدى.

  ۇگىت ءبولىمىنىڭ كادرى نۇرلان بايتان ۇلى بىلاي دەدى: «ءبىز بۇگىن تالدى قىستاعىندا باس قوسىپ، تۋىستارىمىزبەن بىرلىكتە جۇڭحۋا ۇلتىنىڭ ءداستۇرلى مەرەكەسى جۇڭچيۋ مەرەكەسىن قارسى الىپ وتىرمىز. بۇل رەتكى قيمىل بۇقارا مەن كادرلار اراسىنداعى دوستىق پەن سۇيىسپەنشىلىكتى ءتىپتى دە قويۋلاتا ءتۇستى. ۇلتتار ىنتىماعىنىڭ بەرەكەلى شاڭىراعىندا ءبىز تىعىز بەرەكە-بىرلىكتە بولامىز، ءارى ۇلتتار ىنتىماعىن كوزىمىزدىڭ قاراشىعىنداي ايالاپ، قوعامنىڭ جاراسىمدىلىعى مەن ورنىقتىلىعىن ورتاق قورعايمىز»،-دەدى.

  «پارتيانىڭ حالىققا قاراتقان ءتيىمدى ساياساتتارىنا، قىزمەت اترەتىنىڭ قامقورلىعى مەن كوڭىل بولگەنىنە، پارتيالى تۋىس كادرلاردىڭ شىنايى كومەگىنە ايرىقشا العىس ايتامىن. مەن بۇگىن تۋىستارىممەن بىرلىكتە جۇڭچيۋ مەرەكەسىن قارسى الىپ، تارتىمدى ويىن-ساۋىق نومەرلەرىن تاماشالادىم، توتەنشە كوڭىلدىمىن، تۋىستارىمنىڭ الا كەلگەن ايكۇلشەلەرىنىڭ ءدامى ءتىل ۇيىرەدى»،-دەدى قىستاق تۇرعىنى قالي ەشەكەن ۇلى.

  دوستىق قيمىلى اياقتاعاننان كەيىن، ايماقتىق پارتكوم ۇگىت ءبولىمىنىڭ باسشىلارى قىستاق قىزمەت اترەتىنىڭ مۇشەلەرىنەن جانە قىستاق ەكى كوميتەتىنىڭ كەزەكشى قىزمەتكەرلەرىنەن مەرەكەلىك حال سۇرادى جانە ايكۇلشە، كۇرش، ۇن-ماي، جەمىس-جيدەك قاتارلى حال سۇراۋ بۇيىمدارىن ۇسىندى.

  قيمىل سوڭىندا، بۇقارالىق قىزمەتتى ىشكەرىلەي ورىستەتۋ، ۇلتتار ىنتىماعىنىڭ بەرەكەلى شاڭىراعى قيمىلىن ۇزدىكسىز قانات جايدىرۋ، ۇلتتاردىڭ ءبىر-بىرىمەن ءوزارا ىشتەسۋىن، سۇيىسپەنشىلىكتەرىنىڭ قويۋلاسۋىن جەبەۋ ماقساتىندا، ايماقتىق پارتكوم ۇگىت ءبولىمىنىڭ پارتيا ياچەيكاسى مەن قىستاق پارتيا ياچەيكاسى بىرلىكتە ۇيىمداسىپ، قىستاق تۇرعىنى جۇمابەك قۇربان ۇلىنا كومەكتەسىپ شەكىلدەۋىكتى قاربىز جيۋ قيمىلىنا قاتىناستى.

  كەلۋ قاينارى: التاي ايماقتىق پارتكوم ۇگىت ءبولىمى

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى
  • بەيزاتتىق مادەني مۇرا حۋماي ونەرىمەن «التاي جىرىن» جىرلادى
  • قاناس وڭىرىندەگى موڭعۇل ۇلتى دىبا حالقىنىڭ ۇرپاقتان-ۇرپاققا جالعاسقان حالىق ءانى
  • شينجياڭعا كومەككە كەلگەن ماماندار تۋىستارىمەن بىرگە جۇڭچيۋ مەرەكەسىن وتكىزدى
  • كۇن كۇلەدى كۇز كەلسە....