اعاجاي-التاي تورابى   ›   مادەنيەت ارناسى   ›   دەنساۋلىق

شۇعىل قۇتقارۋ تەلەفونىنا قالاي دۇرىس حابارلاسۋعا بولادى؟

  «120» شۇعىل قۇتقارۋ تەلەفون ءنومىرىن كوپشىلىكتىڭ ءبارى بىلەدى، الايدا قالاي دۇرىس تەلەفون جالعاۋدى بىلەتىندەردىڭ سانى تىم از بولعاندىقتان، شۇعىل قۇتقارۋدىڭ كەشىكتىرىلۋى، اۋرۋ جاعدايىنىڭ ۋشىعۋى، شۇعىل قۇتقارۋ بايلىق قاينارىنىڭ ىسىراپ بولۋى سياقتى جاعدايلار كوپ ۇشىرايدى.

  «120» شۇعىل قۇتقارۋ تەلەفونى دەگەنىمىز ــ تىرشىلىك تىنىسىنىڭ ىستىق لەنياسى، ٴارقانداي ادام شۇعىل قۇتقارۋ بايلىق قاينارىن قاستەرلەي ٴبىلۋى ءتيىس. كەيبىر جالعان جات نيەتتى جەلىگە تەلەفون جالعاۋشىلاردىڭ زاردابى، شىنايى كومەككە ءزارۋ جانداردىڭ ومىرىنە حاۋىپ تۇندىرەدى.

  شۇعىل قۇتقارۋدى قاجەت ەتكەن ادام ءارقانداي تەلەفون ارقىلى «120» ءنومىرىن جالعاۋىنا بولادى، تەلەفون جالعانعاننان كەيىن، ءسوزىڭىزدى تۇجىرىمدى، ايقىن ايتۋدان سىرت، تومەندەگىدەي بىرنەشە ءتۇيىندى انىق تۇسىندىرۋىڭىز شارت:

  1. ناۋقاستىڭ اتى-ٴجونى، جىنىسى، جاس شاماسى.

  2.ناۋقاستىڭ ەڭ حاۋىپتى اۋرۋ جاعدايى. ماسەلەن، ەستەن تانۋ، تىنىسى تارىلۋ، كوكىرەگى قىسۋ، قان كوپ كەتۋ قاتارلىلار.

  3.ناۋقاستانۋشىنىڭ ناق مايدانداعى تولىق ادرەسى، قاقپا ءنومىرى نەمەسە عيمارات ءنومىرى، بولمە ءنومىرى جانە تەلەفون ءنومىرى قاتارلىلار.

  4. شۇعىل قۇتقارۋ اۆتوكولىگىن توساتىن ورىندى الدىن-الا ەگجەي-تەگجەيلى كەلىسىپ الۋ كەرەك. ەڭ جاقسىسى، جاقىن ماڭداعى اۆتوبۋز بەكەتى، كوشە اۋىزى، ءىرى مەكەمە ورىنى نەمەسە كورنەكتى الەۋمەتتىك قۇرىلعىلارى بار جەرلەر بولۋى كەرەك.

  5.ەگەر اپات سيپاتىندىق شىرعالاڭدار بولسا، ءسوزسىز، زاقىمدالۋ سيپاتىن تۇسىندىرە كەتكەنى ءجون. مىسالى، قاتىناس شىرعالاڭى، كوشكىن، ءورت اپاتى، توك سوعۋ، سۋعا باتۋ، ۋلى گازدان ۋلانۋ قاتارلىلار، سونىمەن بىرگە، جارالانۋشىلاردىڭ سانى، جارالانۋ دەڭگەيى قاتارلى احۋالدار.

  6. شۇعىل قۇتقارۋدى تالاپ ەتۋشى ادام تەلەفون جالعاپ حابارلاسقاننان كەيىن، تەلەفوندى قويماۋى، الدىمەن «120» شۇعىل قۇتقارتۋ اۆتوكولىگىن جونەلتۋشىنىڭ ۇعىسپاقشى بولعان باسقا دا سۇراقتارىنا تەز ءارى انىق جاۋاپ بەرۋى كەرەك، ونان سوڭ، شۇعىل قۇتقارتۋ اۆتوكولىگىن توساتىن ورىنعا الدىن-الا بارىپ، ەمدەۋ قىزمەتكەرلەرىن ناق مايدانعا باستاپ اكەلۋى كەرەك.

  7. ناۋقاستانۋشىنىڭ ەمدەلۋگە قاتىستى كارتچكاسى، اۋرۋ تاريحى، اقشا قاتارلىلاردى دايارلاپ قويۋى ءارى باسپالداقتاعى نەمەسە جۇرەتىن جولداعى ۇساق-تۇيەك زاتتاردى ىڭعايلاستىرىپ، ناۋقاستى شۇعىل قۇتقارعا قولايلىلىق جاراتۋ كەرەك.

  شۇعىل قۇتقارۋ اۆتوكولىگى 10 مينۋتتان استام ۋاقىتتا ناق مايدانعا جەتەتىندىكتەن، كەيبىر جۇرەگى تۇتقيىل توقتاۋ، بۋلىعۋ، جاراقات اۋزىنان كوپ قان كەتۋ قاتارلى قاتەرلى حارەكتىردەگى اۋرۋلار ادام ومىرىنە حاۋىپ توندىرەدى، سوندىقتان شۇعىل قۇتقارۋ اۆتوكولىگىن كۇتىپ وتىرماي-اق، جارالانۋشىعا قولدان كەلگەن قاجەتتى كومەگىن بەرۋ كەرەك.

  1.ءوزىنىڭ باس اماندىعىنا كەپىلدىلىك ەتە وتىرىپ، جارالانۋشىنى حاۋىپتى ورتادان وڭاشالاۋ كەرەك، مىسالى، كومىر گازىنەن ۋلانۋشىلاردى اۋا الماساتىن جەرلەرگە جەتكىزۋ كەرەك.

  2. ەسىنەن تانعان، الايدا تىنىسى بار ناۋقاستاردى قىرىنان جاتقىزۋ كەرەك.

  3.تىنىس جولىنا بوگدە زات تۇرىپ قالۋشىلارعا، بالليستيكالىق مەتود (تۇيگىشتەۋ، ۇرعىلاۋ) ءتاسىلىن قولدانۋ كەرەك.

  4. شۇعىل قۇتقارۋ قىزمەتكەرلەرى ناق مايعانعا بارعانعا دەيىن، تىنىسى توقتاۋشىلارعا دەرەۋ كوكىرەكتىڭ سىرتىنان باسۋ نەمەسە ولشەم بويىنشا (30 رەت باسۋ، 2 رەت جاساندى جولمەن تىنىس الدىرۋدى جالعاستىرىپ ىستەۋ) وكپە-جۇرەكتى جانداندىرۋ ارەكەتىن جاساۋ كەرەك.

  5.سىرتقى جاراقاتىنان قان كوپ كەتۋشىلەردىڭ جاراقاتىن بايلاپ، قاندى توقتاتۋ كەرەك.

  6.ەسىنەن تانۋشىلارعا ٴدارى، سۋ ىشكىزۋگە بولمايدى.

  7.باسى، موينى، ومىرتقا باعاناسى زاقىمدالۋشىلاردى الباتى قوزعاۋعا بولمايدى.

  8.ەگەر ناق مايداندا قالاي قۇتقارۋدى بىلمەسەڭىز، شۇعىل قۇتقارۋ قىزمەتكەرلەرىنە تەلەفون جالعاپ ۇعىسۋىڭىزعا بولادى.

  اۋدارعان: ءاننا اكىمقان قىزى

جاۋاپتى رەداكتور: ءاننا اكىمقان قىزى
  • شينجياڭعا كومەككە كەلگەن ماماندار تۋىستارىمەن بىرگە جۇڭچيۋ مەرەكەسىن وتكىزدى
  • كۇن كۇلەدى كۇز كەلسە....
  • الداعى ءۇش كۇندىك اۋارايىنان الدىن-الا مالىمەت
  • التىن كۇزدەگى التاي قالاسى