اعاجاي-التاي تورابى   ›   اقپارات ايدىنى   ›   احپارات اعىمى

سەلبەستىك − جۇڭگو - ا ق ش ەكونوميكا - ساۋدا قاقتىعىسىن ءبىر جاقتى ەتۋدەگى بىردەن - ءبىر دۇرىس تالعام

حالىق گازەتىنىڭ شولۋشىسى

    ەكونوميكا - ساۋدا قارىم - قاتىناسى ەجەلدەن جۇڭگو - ا ق ش قارىم - قاتىناسىنىڭ ورنىقتىرعىشى جانە ىلگەرىلەتكىشى. الايدا، جۋىرداعى مەزگىلدەن بەرى، ا ق ش ۇكىمەتى جۇڭگو - ا ق ش ەكونوميكا - ساۋدا قاقتىعىسىن تۋدىرىپ جانە ۇزدىكسىز ءورشىتىپ، ەكى ەل ۇكىمەتى مەن حالقىنىڭ تالاي جىل قۇلشىنىپ جەتىلدىرگەن جۇڭگو - ا ق ش ەكونوميكا - ساۋدا قارىم - قاتىناسىن زور دارەجەدە زياندادى ءارى كوپ جاقتى ساۋدا ءتۇزىلىسى مەن ەركىن ساۋدا پرينسيبىنە دە اۋىر قاتەر ءتوندىردى.
  9 - ايدىڭ 24 - كۇنى مەملەكەتتىك كەڭەستىڭ اقپارات كەڭسەسى «جۇڭگو - ا ق ش ەكونوميكا - ساۋدا قاقتىعىسىنىڭ فاكتتەرى جانە جۇڭگو جاقتىڭ تۇرعىسى جونىندە» اق تىستى كىتاپ جاريالاپ، قىرۋار فاكتتەر مەن ەگجەي - تەگجەيلى ساندى مالىمەتتەر ارقىلى جۇڭگو - ا ق ش ەكونوميكا - ساۋدا قارىم - قاتىناسىنا جان - جاقتى، جۇيەلى تالداۋ جاسادى. اق تىستى كىتاپ جۇڭگو - ا ق ش ەكونوميكا - ساۋدا قارىم - قاتىناسىنىڭ ءمانى ءوزارا تيىمدىلىك جەتكىزىپ، تەڭ يگىلىكتەنۋ ەكەندىگىن باسا دارىپتەپ، ا ق ش - تىڭ ءىس - ارەكەتى ساۋدا قورعامپازدىعى جانە ساۋداداعى وزبىرلىق ارەكەت ەكەندىگىن اتاپ كورسەتتى. اق تىستى كىتاپ جۇڭگونىڭ ساياسي تۇرعىسىن ءتۇسىندىرىپ، جۇڭگو جاقتىڭ ماسەلەنىڭ لايىقتى شەشىم تابۋىن ىلگەرىلەتۋ، جۇڭگو - ا ق ش ەكونوميكا - ساۋدا قارىم - قاتىناسىنىڭ اقاۋسىز، ورنىقتى دامۋىن ساقتاۋ، كوپ جاقتى ساۋدا ءتۇزىلىسىن باتىل قورعاۋ بەكىمى مەن ەركىن تولىق ايگىلەدى.
  2017 - جىلى جۇڭگو مەن ا ق ش - تىڭ ەكى جاقتى زات ساۋدا سوماسى 583 ميلليارد 700 ميلليون دوللارعا جەتتى، بۇل 1979 - جىلى ديپلوماتيالىق قاتىناس ورناتقان كەزدەگىنىڭ 233 ەسەسىىنە تەڭ. تاريح پەن رەالدىق جۇڭگو - ا ق ش ەكونوميكا - ساۋدا سەلبەستىگى ەكى جاققا دا پايدالى قاتىناس ەكەندىگىن، استە «نولدىك جيىنتىق ويىنى» ەمەس ەكەندىگىن، جۇڭگو ەكونوميكاسىنىڭ دامۋى مەن حالىق تۇرمىسىنىڭ جاقسارۋىن جەبەۋمەن بىرگە، ا ق ش كاسىپورىندارى مەن حالقىن دا ونان ناقتى تيىمدىلىكتەرگە كەنەلدىرگەندىگىن دالەلدەپ كەلەدى. جۇڭگو - ا ق ش ەكونوميكا - ساۋدا بارىس - كەلىسىنىڭ كولەمى زور، مازمۇنى باي، قامتۋ اۋماعى كەڭ، قاتىستى تۇلعالارى كوپ نەگىزدى، كەيبىر قايشىلىقتار مەن الاۋىزدىقتاردان اۋلاق بولۋ دا قيىن، ەكى ەل الاۋىزدىقتى پارىقتاردى ساقتاپ، ورتاقتىققا ۇمتىلۋ پوزيتسياسىمەن ۇيلەسىمدى ءبىر جاقتى ەتىپ، قايشىلىقتاردى ناقتى شەشۋ كەرەك. الايدا، ا ق ش - تىڭ قازىرگى ۇكىمەتى «جۇڭگوعا قاراتىلعان 301 تەكسەرۋ بايانداماسىن» جاريالاۋ سياقتى تاسىلدەر ارقىلى جۇڭگوعا «ەكونوميكالىق شاپقىنشىلىق»، «تەڭسىز ساۋدا»، «ءبىلىم مەنشىك ۇقىعىن ۇرلاۋ»، «مەملەكەت كاپيتاليزمى» سياقتى ءبىر قىدىرۋ ايىپ تاعىپ، جۇڭگو - ا ق ش ەكونوميكا - ساۋدا قارىم - قاتىناسىنىڭ فاكتتەرىن مەيىلىنشە بۇرمالاپ، جۇڭگونىڭ رەفورما جاساپ، ەسىك اشۋىنىڭ زور ناتيجەلەرىمەن جانە جۇڭگو حالقىنىڭ وسى ءۇشىن توككەن قان - تەرىمەن ساناسپادى، بۇل جۇڭگو ۇكىمەتى مەن جۇڭگو حالقىنا دەگەن قۇرمەتسىزدىك ءارى ا ق ش حالقىنىڭ شىنايى مۇددەسىنە دەگەن قۇرمەتسىزدىك، ول تەك قانا الاۋىزدىقتى ۇلعايتادى، قاقتىعىستى ورشىتەدى، ەڭ سوڭىندا ەكى جاقتىڭ ءتۇبىرلى مۇددەسىن زياندايدى.
  سەلبەستىك ەكى جاققا دا ءتيىمدى، تەكەتىرەس ەكى جاقتى دا زياندايدى. تۇراقسىز، ورنىقىسىز، حاۋىپتى فاكتورلار كوبەيگەن حالىقارالىق جاعداي الدىندا، جۇڭگو باستان - اياق دۇنيە جۇزىمەن بىرگە ساپار شەگىپ، جالپى اۋقىمعا ۇيلەسىپ، ادىلەتتى جاقتاپ، تۋرا جولمەن ءجۇرىپ، مەملەكەتتىڭ ابىرويى مەن وزەكتى مۇدەسىن باتىل قورعايدى، جۇڭگو - ا ق ش ەكونوميكا - ساۋدا قارىم - قاتىناسىنىڭ اقاۋسىز دامۋىن باتىل ىلگەرىلەتەدى، كوپ جاقتى ساۋدا تۇزىلىسىنە رەفورما جاساۋدى جانە ونى كەمەلدەندىرۋدى باتىل قورعايدى جانە ىلگەرىلەتەدى، مال - مۇلىك ۇقىعى مەن ءبىلىم مەنشىك ۇقىعىن باتىل قورعايدى، شەتەل ساۋداگەرلەرىنىڭ جۇڭگوداعى زاڭدى ۇقىعى مەن مۇددەسىن باتىل قورعايدى، رەفورمانى باتىل تەرەڭدەتەدى، ەسىك اشۋدى باتىل كەڭەيتەدى، باسقا دامىعان ەلدەرمەن جانە قالىڭ وركەندەپ كەلە جاتقان ەلدەرمەن ءوزارا تيىمدىلىك جەتكىزىپ، تەڭ يگىلىككە كەنەلەتىن سەلبەستىكتى باتىل جەبەيدى، ادامزاتتىڭ تاعدىرلاس ورتاق تۇلعاسىن قۇرۋدى باتىل ىلگەرىلەتەدى. جۇڭگو ساۋدا سوعىسىن جۇرگىزۋدى قالامايدى، ساۋدا سوعىسىن جۇرگىزۋدەن قورىقپايدى، قاجەتتى كەزدە جۇرگىزبەي دە تۇرا المايدى. بىزدە ءتۇرلى حاۋىپ - قاتەرلەر مەن سىن - سايىستارعا توتەپ بەرەتىن سەنىم دە، بەكىم دە، قابىلەت تە بار، ەشقانداي سىرتقى فاكتور جۇڭگونىڭ دامۋىن، كۇشەيۋىن توسا المايدى. جۇڭگونىڭ كەلىسسوز قاقپاسى قاشاندا ايقارا اشىق، ءبىراق كەلىسسوز، ءسوزسىز، ءبىر - بىرىنە قۇرمەت ەتۋ، ءوزارا تەڭدىك جانە ايتقان سوزىندە تۇرۋدى، ءسوزى مەن ارەكەتى ءبىر جەردەن شىعۋدى العى شارت ەتەدى، كەدەن باجىسى سويىلىنىڭ قىسىمىندا كەلىسسوز جۇرگىزۋگە بولمايدى، جۇڭگونىڭ دامۋ ۇقىعىن قۇربان ەتۋدىڭ بوداۋىندا جۇرگىزۋگە دە بولمايدى.
  «ۇلى مۇرات بولعاندا عانا تۇراقتى مۇددەگە كەنەلۋگە بولادى»، جۇڭگو - ا ق ش قارىم - قاتىناسىنا مامىلە جاساۋدا جالپى جاعدايعا كوز جىبەرۋ كەرەك، تەك قانا ەكى ەل اراسىنداعى الاۋىزدىققا جابىسىپ الۋعا بولمايدى. جۇڭگو − دۇنيە جۇزىندەگى ەڭ ءىرى وركەندەپ كەلە جاتقان مەملەكەت، ا ق ش − دۇنيە جۇزىندەگى ەڭ ءىرى دامىعان مەملەكەت. جۇڭگو - ا ق ش ەلدەرىنىڭ ەكونوميكا - ساۋدا قارىم - قاتىناسى ەكى ەل حالقىنىڭ باقىتىنا قاتىستى، دۇنيە ءجۇزىنىڭ بەيبىتشىلىگىنە، گۇلدەنۋىنە، ورنىقتىلىعىنا دا سايادى. جۇڭگو - ا ق ش ەكونوميكا - ساۋدا قاقتىعىسىن ءبىر جاقتى ەتۋدە، ماسەلەنىڭ لايىقتى شەشىم تابۋىن ىلگەرىلەتۋدە ءوزارا سەنىمدى كۇشەيتۋ، سەلبەستىكتى جەبەۋ، الاۋىزدىقتى تەجەۋ كەرەك. سەلبەستىك − بىردەن - ءبىر دۇرىس تالعام، تەڭ يگىلىككە كەنەلۋ عانا اناعۇرلىم جاقسى كەلەشەككە جەتەلەيدى.
  (شينحۋا اگەنتتىگىنىڭ 9 - ايدىڭ 24 - كۇنى بەيجيڭنەن بەرگەن حابارى)

جاۋاپتى رەداكتور: ءاننا اكىمقان قىزى
  • شينجياڭعا كومەككە كەلگەن ماماندار تۋىستارىمەن بىرگە جۇڭچيۋ مەرەكەسىن وتكىزدى
  • كۇن كۇلەدى كۇز كەلسە....
  • الداعى ءۇش كۇندىك اۋارايىنان الدىن-الا مالىمەت
  • التىن كۇزدەگى التاي قالاسى