اعاجاي-التاي تورابى   ›   اقپارات ايدىنى   ›   احپارات اعىمى

جۇڭگو «جۇڭگو - ا ق ش ەكونوميكا - ساۋدا قاقتىعىسىنىڭ فاكتتەرى جانە جۇڭگو جاقتىڭ تۇرعىسى جونىندە» اق تىستى كىتاپ جاريالادى

شينحۋا اگەنتتىگىنىڭ 9 - ايدىڭ 24 - كۇنى بەيجيڭنەن بەرگەن حابارى (تىلشىلەر حان جيە، ليۋ جيە). مەملەكەتتىك كەڭەستىڭ اقپارات كەڭسەسى جۇڭگو - ا ق ش - تىڭ ەكونوميكا - ساۋدا قارىم - قاتىناسىنىڭ فاكتتەرىن ايقىنداپ، جۇڭگونىڭ جۇڭگو - ا ق ش ەكونوميكا - ساۋدا قاقتىعىسى جونىندەگى ساياساتتىق تۇرعىسىن ءتۇسىندىرىپ، ماسەلەنىڭ ۇيلەسىمدى شەشىلۋىن ىلگەرىلەتۋ ماقساتىندا 9 - ايدىڭ 24 - كۇنى «جۇڭگو - ا ق ش ەكونوميكا - ساۋدا قاقتىعىسىنىڭ فاكتتەرى جانە جۇڭگو جاقتىڭ تۇرعىسى جونىندە» اق تىستى كىتاپ جاريالادى.
  اق تىستى كىتاپتىڭ تولىق ءماتىنى 36 مىڭ ءارىپ اينالاسىندا، العى سوزدەن تىس، جۇڭگو - اق ش ەكونوميكا - ساۋدا سەلبەستىگىندە ءوزارا تيىمدىلىك جاساپ، بىرگە يگىلىككە كەنەلۋ، جۇڭگو - ا ق ش ەكونوميكا - ساۋدا قارىم - قاتىناسىنىڭ فاكتتەرى، ا ق ش ۇكىمەتىنىڭ ساۋدا قورعامپازدىق ارەكەتى، ا ق ش ۇكىمەتىنىڭ ساۋدا وزبىرلىق ارەكەتى، ا ق ش ۇكىمەتىنىڭ ۇيلەسىمسىز ءتاسىلىنىڭ دۇنيە ءجۇزى ەكونوميكاسىنىڭ دامۋىنا كەلتىرگەن زيانى، جۇڭگونىڭ تۇرعىسى سىندى 6 بولىكتەن قۇرالعان.
  اق تىستى كىتاپتا بىلاي دەلىندى: جۇڭگو − دۇنيە جۇزىندەگى ەڭ ءىرى وركەندەپ كەلە جاتقان ەل، ا ق ش − دۇنيە جۇزىندەگى ەڭ ءىرى دامىعان ەل. جۇڭگو مەن ا ق ش - تىڭ ەكونوميكا - ساۋدا قارىم - قاتىناسى ەكى ەل جونىنەن كەلەلى ماڭىز الىپ قانا قويماي، الەمدىك ەكونوميكانىڭ ورنىقتىلىعى مەن دامۋىنا دا ماڭىزدى ىقپال كورسەتەدى.
  اق تىستى كىتاپتا بىلاي دەپ اتاپ كورسەتىلدى: جۇڭگو، ا ق ش ەلدەرىنىڭ ەكونوميكالىق دامۋ كەزەڭى، ەكونوميكالىق ءتۇزىمى ۇقسامايتىندىقتان، ەكونوميكا - ساۋدا قاقتىعىسىنىڭ ورىن تەبۋى قالىپتى جاعداي، مۇنىڭ تەتىگى قالاي ءوزارا سەنىمدى نىعايتۋدا، سەلبەستىكتى جەبەۋدە، الاۋىزدىقتى تەجەۋدە تۇر. ۇزاق ۋاقىتتان بەرى، ەكى ەل ۇكىمەتى تەڭدىك، ۇستامدىلىق، ءبىر بەتالىستا ىلگەرىلەۋ پرينسيبى بويىنشا، ىلگەرىندى - كەيىندى جۇڭگو - ا ق ش ساۋدا بىرلەسكەن كوميتەتى، ستراتەگيالىق ەكونوميكالىق كەڭەس، ستراتەگيالىق جانە ەكونوميكالىق كەڭەس، جالپى بەتتىك ەكونوميكالىق كەڭەس سياقتى پىكىرلەسۋ، سايكەسۋ مەحانيزمىن ورناتتى، ەكى جاق وسى جونىندە تىنباي قۇلشىنىپ، جۇڭگو - ا ق ش ەكونوميكا - ساۋدا قارىم - قاتىناسىنىڭ 40 جىلعا جۋىق ۋاقىتتا ءتۇرلى كەدەرگىلەردى جەڭىپ، ۇزدىكسىز دامۋىنا كەپىلدىك ەتىپ، جۇڭگو - ا ق ش قارىم - قاتىناسىنىڭ ورنىقتىرعىشىنا جانە ىلگەرىلەتكىشىنە اينالدىردى. 
  اق تىستى كىتاپتا بىلاي دەلىندى: 2017 - جىلى جاڭا كەزەكتى ا ق ش ۇكىمەتى مىندەتكە وتىرعاننان بەرى، «ا ق ش الدىدا تۇرادى» دەگەن ۇراننىڭ جەتەگىمەن، ءوزارا قۇرمەت ەتۋ، تەڭ تۇرعىدا كەڭەسۋ سياقتى حالىقارالىق بارىس - كەلىستىڭ نەگىزدىك پرينسيبىن قايىرىپ تاستاپ، سىڭار جاقتىلىق، قورعامپازدىق جانە ەكونوميكالىق زورەكەرلىك جۇرگىزىپ، كوپتەگەن ەلدى جانە ءوڭىردى، اسىرەسە، جۇڭگونى قيسىنسىز جازعىرىپ، كەدەن باجىسىن ۇزدىكسىز ۇستەمەلەپ الۋ سياقتى تاسىلدەرمەن ەكونوميكالىق قۇقاي كورسەتىپ، شەگىنە جەتكىزە قىسىم كورسەتۋ ءادىسى ارقىلى ءوزىنىڭ مۇددە سۇرانىسىن جۇڭگوعا زورلاپ تاڭۋعا ۇرىندى.
  اق تىستى كىتاپتا بىلاي دەلىندى: وسىنداي جاعدايعا مەڭزەس، جۇڭگو ەكى ەلدىڭ ورتاق مۇددەسىن جانە دۇنيە ءجۇزىنىڭ ساۋدا ءتارتىبىنىڭ جالپى جاعدايىن قورعاۋدى نەگىز ەتىپ، كەڭەسۋ، اقىلداسۋ ارقىلى تالاس - تارتىستى شەشۋ نەگىزگى پرينسيبىنە تاباندى بولىپ، ا ق ش - تىڭ ءجىتى قاداعالاعان ىستەرىنە اسا سابىرلىلىقپەن جانە شىن نيەتىمەن جاۋاپ بەرىپ، پارىقتاردى ساقتاپ، ورتاقتىققا ۇمتىلۋ پوزيتسياسىمەن الاۋىزدىقتاردى ۇيلەسىمدى ءبىر جاقتى ەتىپ، ءتۇرلى قيىنشىلىقتى جەڭىپ، ا ق ش - پەن كوپ رەت كەڭەسىپ، اقىلداسىپ، ناقتى شەشۋ جوباسىن العا قويىپ، ەكى جاقتىڭ ەكونوميكا - ساۋدا قارىم - قاتىناسىن ورنىقتىرۋعا قاجىرلى قۇلشىنىستار جاسادى. الايدا، ا ق ش قويان بۇلتاققا سالىپ، تىنباي داۋ تۋدىرىپ، جۇڭگو - ا ق ش ەكونوميكا - ساۋدا قاقتىعىسىن قىسقا ۋاقىت ىشىندە تولاسسىز ءورشىتىپ، ەكى ەل ۇكىمەتى مەن حالقىنىڭ كوپ جىلدان بەرى قۇلشىنا جەتىلدىرگەن جۇڭگو - ا ق ش ەكونوميكا - ساۋدا قارىم - قاتىناسىنا اۋىر زيان سالدى، كوپ جاقتى ساۋدا ءتۇزىلىسى مەن ەركىن ساۋدا پرينسيبىنە دە اۋىر حاۋىپ ءتوندىردى. جۇڭگو - ا ق ش ەكونوميكا - ساۋدا قارىم - قاتىناسىنىڭ فاكتتەرىن ايقىنداپ، جۇڭگونىڭ جۇڭگو - ا ق ش ەكونوميكا - ساۋدا قاقتىعىسى جونىندەگى ساياساتتىق تۇرعىسىن ءتۇسىندىرىپ، ماسەلەنىڭ ۇيلەسىمدى شەشىلۋىن ىلگەرىلەتۋ ءۇشىن جۇڭگو ۇكىمەتى وسى اق تىستى كىتاپتى ارنايى جاريالادى.
  اق تىستى كىتاپتا بىلاي دەپ اتاپ كورسەتىلدى: جۇڭگو - ا ق ش ەكونوميكا - ساۋدا قارىم - قاتىناسى ەكى ەل حالقىنىڭ باقىتىنا، سونداي - اق دۇنيە ءجۇزىنىڭ بەيبىتشىلىگىنە، گۇلدەنىپ - كوركەيۋىنە، ورنىقتىلىعىنا سايادى. جۇڭگو - ا ق ش ەلدەرى جونىنەن الىپ ايتقاندا، سەلبەسۋ بىردەن - ءبىر دۇرىس تالعام، بىرگە يگىلىككە كەنەلۋ عانا اناعۇرلىم جاقسى كەلەشەككە جەتەلەيدى. جۇڭگونىڭ تۇرعىسى ايقىن، دايەكتى، بەرىك. 
 

جاۋاپتى رەداكتور: ءاننا اكىمقان قىزى
  • كۇن كۇلەدى كۇز كەلسە....
  • الداعى ءۇش كۇندىك اۋارايىنان الدىن-الا مالىمەت
  • التىن كۇزدەگى التاي قالاسى
  • كولدەنەڭ قىستاعىنداعى شارۋالار شاتتىعى