اعاجاي-التاي تورابى   ›   مادەنيەت ارناسى   ›   بىلگەنگە مارجان

ءار كۇنگى ەكى ساعات ۋاقىتىڭىز ءبىر ءومىرىڭىزدى وزگەرتە الادى

  حارۆەرت ۋنيۆەرسيتەتىنىڭ ايگىلى ەكى ساعاتتىق نازارياسى بار: ادام مەن ادامنىڭ ايىرماشىلىعى قىزمەتتەن سىرتقى ۋاقىتتى قالاي پايدالانۋىندا، ال ادامنىڭ تاعدىرىنىڭ قالاي بولۋىن كەشكى ساعات 10~8 ارالىعى بەلگلەيدى.

  نە ءۇشىن بىلاي دەيمىز؟

  ويتكەنى اداممەن ادامنىڭ تۇپكى ايىرماشىلىعى ولاردىڭ دەمالىس ۋاقىتىن ماعىنالى، ءونىمدى پايدالانا الۋ-الماۋىندا.

  كوپ ساندى ادامدار كۇنىنە 8 ساعات قىزمەت ىستەيدى، وسى 8 ساعات كولەمىندە ءبىز ماڭايىمىزداعى جاندارمەن ۇقساس قاربالاس جۇمىستا بولامىز، ەشقانداي ايىرماشىلىعىمىز جوق، ءبىراق قىزمەتتەن تۇسكەننەن كەيىنگى وزىمىزگە تيەسەلى ۋاقىتىمىز ءبىر ءومىرىمىزدى بەلگىلەي الادى، بۇعان شۇباسىز سەنىڭىز.

  كوپتەگەن ادامدار ءار كۇنگى قىزمەت باسىمدىلىعىمىز اۋىر، ۇيگە قايتقان سوڭ تەك قانا اياقتى كەڭگە سالىپ، دەم السام دەيمىن دەپ ناليدى.

  ارينە، بۇنداي تۇرمىس جانعا ۋاقىتتىق راحات سيلار... ءسىز كەي ادامداردىڭ مۇلدە وزگەشە تۇرمىس ءتاسىلىن تالداعانىن بىلەسىزبە؟

  اعايىنىم XXX العاشىندا ءبىر شاعىن سەرىكتىكتىڭ حاتشىسى بولىپ ىستەدى، ءار كۇنگى قىزمەتى حۇجاتتاردى كوبەيتىپ باسۋ، ماتەريالداردى رەتتەۋ بولاتىن. ءبىر سارىندى بولسادا قىزمەتكە ۋاقىتىندا شىعىپ تۇسەتىن بولعانى ءۇشىن قىزمەتتەن كەيىنگى دەمالىس ۋاقىتى ءبىرشاما مول بولدى.

  ونىمەن بىرگە ىستەيتىن قىزمەتتەستەرى ءار كۇنى ءبىر-بىرىنە قىزمەتتە ءمان-ماعىنا جوق ەكەنىن ايتىپ شاعىنىساتىن، ءبىراق ءارقاشان ءىس جۇزىندىك ارەكەتى ارقىلى وسى ىرىقسىز كۇيدەن قۇتىلۋدى ويلاستىرمايتىن.

  XXX دا قىزمەتىنىڭ ءدام تاتۋسىزدىعىنان قاجيتىن، سولاي بولا تۇرىپ قىزمەتتەستەرىنىڭ سوزىنە ەشقاشان كىرىسپەيتىن. ءار كۇنى قىزمەتتەن تۇسكەننەن كەيىن ءۇش ساعات ۋاقىت شىعارىپ ارنايى ۇيرەنۋگە جۇمسايتىن، وسى ادەتتى ەكى جىل جالعاستىرۋدىڭ ارقاسىندا زاڭ كاسىبى تولىمدىلىق كۋالىگىن الادى ءارى ادۆوكاتتىق قىزمەتىن شىت-جاڭا باستاپ كەتەدى. بۇرىنعى قىزمەتتەستەرى ەكى كوزدەرى شاراسىنان شىعا ونىڭ قىزمەتىن تىستاپ كەتە بارعانىنا اڭتارىلىپ قالا بەرەدى.

  ءاربىر ەرەسەك ادام جونىنەن الىپ ايتقاندا قىزمەتتەن تۇسكەننەن كەيىنگى ۋاقىت ءوز-ءوزىن الۋەتتەندىرۋدەگى ەڭ تاماشا ۋاقىت.

  كەزىندە بىرەۋ ادامنىڭ ءبىر ءومىرىن بىلايشا ەسەپتەگەن: ءبىر ادامنىڭ جالپى عۇمىرىن 72 جىل دەپ قاراپ، ۇيىقتاۋعا 20 جىل، تاماقتانۋعا 6 جىل، اۋىرىپ-سىرقاۋعا 2 جىل، ويىن-ساۋىق جانە دەنە-تاربيە قيمىلدارىنا 8 جىل، قىزمەتكە 14 جىل جۇمسادى دەسەك، وزىنە ءتيىستى بوس ۋاقىتى 22 جىل اينالاسىندا بولادى ەكەن.

  22 جىل، 192720 ساعات.

  ايگىلى جازۋشى گلاد ۆير «وزگەشەلەر» اتتى كىتابىندا «10 مىڭ ساعاتتىق ەرەجەنى» ايتىپ وتكەن بولاتىن.

  گلاد ۆير كىتابىندا بىلاي دەپ جازعان: «كوپشىلىك نازارىنداعى سۇڭعىلالاردىڭ تابىسقا جەتىپ، ءوز ارمانداعانداي عۇمىر كەشىرۋىندەگى باستى سەبەپ استە ولاردىڭ ەلدەن ەرەك زەرەك، اقىلدىلىعىندا ەمەس، قايتا ولاردىڭ ۇزدىكسىز تاباندىلىقپەن وزگەلەردەن نەشە ەسە قۇلشىنىس جاساي الۋىندا. 10 مىڭ ساعاتتىق جاتتىعۋ ءارقانداي قاراپايىم ادامدى ناعىز كاسىپتىك مامانعا اينالدىرا الادى».

  ەگەردە ءمالىم ءبىر سالانىڭ مامانىنا اينالعىڭىز كەلسە، جوق دەگەندە 10 مىڭ ساعات ۋاقىتىڭىزدى ارناۋىڭىز كەرەك، ال وسى جۇمساعان ۋاقىتىڭىز ءبىر ومىرىڭىزدەگى بوس ۋاقىتىڭىزدىڭ جارىمىنا دا جەتپەيدى.

  بۇل ەرەجە ءارقانداي ادامنىڭ دەمالىس ۋاقىتىنان پايدالانىپ ءوز ويلاعانىنداي تۇرمىس، ارمانداعانداي عۇمىر كەشە الاتىنىن ۇعىندىرادى.

  مەيلى ءسىز مامان بولۋدى قالاماڭىز، ءبىراق وسى ۋاقىتتاردى ءونىمدى پايدالانۋ ارقىلى ءتىپتى دە ۇزدىك، اينالاڭىزعا كۇن نۇرىنداي نۇر باعىشتايتىن جاعىمدى ادام بولىپ شىعا الاتىنىڭىز داۋسىز.

  قىزمەتتەن تۇسكەننەن كەيىنگى ۋاقىتىڭىز كوپتە ەمەس، الايدا وسى كوپ ەمەس ۋاقىتتى مىقتى پايدالانا بىلسەڭىز، بۇكىل ءومىرىڭىزدى وزگەرتەتىنىنە كامىل سەنىڭىز.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى
  • التىن كۇزدەگى التاي قالاسى
  • كولدەنەڭ قىستاعىنداعى شارۋالار شاتتىعى
  • قىزىلتاۋ شەكارا وتكەلى قوسكول جايلاۋىنىڭ كوركەم كورىنستەرىن تاماشالاڭىزدار!
  • تۇنىق سۋ، مول بالىق جانە قۋانىشتى بالىقشىلار