اعاجاي-التاي تورابى   ›   مادەنيەت ارناسى   ›   بىلگەنگە مارجان

كەشىرۋ ارقىلى ساۋىعۋعا بولادى

  ءوزىڭىزدى ەمدەۋدىڭ قاراپايىم ءارى ۇلى ادەسى كەشىرىمدە جاتقانىن بىلەسىز بە؟

   ويلاڭىزشى، ءبىزدىڭ ءومىرىمىز قاي كەزدە جاقسى بولۋى مۇمكىن؟ ارينە، ءوزىمىزدى ءوزىمىز جاقسى كورگەن كەزدە عانا ءومىرىمىز جاقسارادى. ال ءوزىمىزدى جاقسى كورۋ — ەشقاشان، ەشبىر جاعدايدا دا ءوزىڭدى سىناۋعا بولمايتىنىن سەزىنۋ فاكتىسىنەن باستالادى.

  ءوزىڭدى جاقسى كورۋ سەنىمدىلىك سىيلاسا، كەشىرۋ دەرتتەن ايىقتىرادى. ءومىر بولعان سوڭ ءبارىمىز بىرەۋگە رەنجيمىز، بىرەۋگە وكپە ارتامىز. جاعىمسىز ويلار ءسىزدىڭ ميىڭىزعا مازا بەرمەي، ساناڭىزدى ۋلايدى. جۇرەگىڭىز شىرماۋلى وكپەدەن بوساماسا، كۇيزەلىستىڭ شىڭىراۋىنا قۇلاپ ۇلگەرەسىز.

  كەشىرۋ ــ رەنىشتى سەيىلتۋ. كەشىرىم ەتۋ ارقىلى ءسىز ءوز ساناڭىزدى ازات ەتىپ، ساۋىعا الاسىز. بۇكىل سۇراقتار مەن ماسەلەلەردىڭ شەشىمى جاي عانا كەشىرىم ەتۋدە جاتىر. قالاي ادام اۋىرا باستايدى سولاي ءوز كەۋدەسىنەن كەشىرىم ەتىلۋى قاجەت ادامدى ىزدەگەن ءجون.

   ەگەر ءسىز اعىلشىن جازۋشىسى لۋيزا حەيدىڭ «كوگىلدىر كىتابى» اتتى شىعارماسىن وقىساڭىز، اۆتوردىڭ قاتەرلى ىسىكپەن كۇرەسىپ، سوڭىندا كەشىرىم ەتۋ داعدىسىن ءبىرىنشى كەزەككە قويىپ، ەمى جوق دەرتتەن قالاي قۇتىلعانىنا كۋا بولاسىز. ءيا، وزىڭىزگە كومەكتەسۋدىڭ ەش قيىندىعى جوق. سىزگە تۇسىنىكتى بولۋى ءۇشىن كىتاپتاعى كەشىرىم ەتۋ داعدىسىن ۇسىنامىن.

  ءسىز بەلگىلى ءبىر ادامدى كەشىرگىڭىز كەلسە كەشىرىلۋشىنىڭ دە، كەشىرىم ەتۋشىنىڭ دە ەسىمىن ايتا وتىرىپ، «سەنىڭ مەن قالاعانداي بەينەدە بولا الماعانىڭ ءۇشىن دە سەنى كەشىرەمىن» دەگەن وسى سەكىلدى سويلەمدەردى 7 كۇن بويى كۇنىنە 70 رەتتەن ايتۋ ارقىلى بويىڭىزدى جەڭىلدەتىپ، ءسىزدى مەڭدەگەن دەرتتەن كەشىرىم ەتىپ ارىلا الاسىز.

  قازىر باقىتتى كۇيدە بولماۋىڭىزدىڭ سەبەبى — ءسىزدىڭ كوڭىلىڭىزگە قاياۋ سالعان ءوز ءىس-ارەكەتتەرىڭىزدى نەمەسە وزگەنىڭ ءىس-ارەكەتتەرىن كەشىرە الماي جۇرگەنىڭىزدىڭ كورىنىسى. دەر كەزىندە كەشىرىم جاساماۋ ءوز بويىڭىزعا اۋرۋ جاسۋشالارىن جيناقتايدى. تاندەگى اۋرۋلاردىڭ كوبىسىن شاقىراتىن سەبەپتەر — ۇرىنشاقتىق، اشۋ، كەشىرمەۋ جانە ايىپتى سەزىنۋ.

   ماسەلەن، ەسكى رەنىش-قاتەرلى ىسىككە، وزگەلەردى سىناۋ — رەمەتيزمگە، ومىردەن شارشاۋ — وكپە قابىنۋىنا، ءوزىن كەم ساناۋعا اپارىپ سوعادى.

  كەز-كەلگەن اۋرۋدان ءۇزىلدى-كەسىلدى جازىلۋ ءۇشىن ونىڭ پسيحولوگيالىق سەبەپتەرىنەن قۇتىلماساق بۇل —ارام ءشوپتى جۇلعاندا تامىرىن قالدىرىپ كەتۋمەن بىردەي.

  كەشىرىڭىز…كەشىرىم ارقىلى ءومىرىڭىز وزگەرۋى مۇمكىن!

جاۋاپتى رەداكتور: ءاننا اكىمقان قىزى
  • التىن كۇزدەگى التاي قالاسى
  • كولدەنەڭ قىستاعىنداعى شارۋالار شاتتىعى
  • قىزىلتاۋ شەكارا وتكەلى قوسكول جايلاۋىنىڭ كوركەم كورىنستەرىن تاماشالاڭىزدار!
  • تۇنىق سۋ، مول بالىق جانە قۋانىشتى بالىقشىلار