اعاجاي-التاي تورابى   ›   مادەنيەت ارناسى   ›   ونەگە

ومىرىڭىزگە وكىنىش قالدىرماڭىز

  «وكىنىش» ــ وسى ءبىر اتاۋدىڭ سوزدىكتەگى ءار ءتۇرلى ماعىناسىن كورىپ شىقتىم، سولاردىڭ ىشىنەن مەنىڭ ەڭ ۇناتقانىم:

  ءبىزدىڭ ورىنداپ كەتە الۋ مۇمكىندىگىمىز بولا تۇرا ورىندالماعان، جۇرەگىمىزدە ارمانعا اينالىپ قالعان ىستەر.

  جاپونيادا ءبىر دارىگەر قىزمەت ۋاقىتىندا ارنايى باقيعا اتتانۋ الدىنداعى ناۋقاستارعا سەرىك بولىپ قارايلاسادى ەكەن. ول شامامەن مىڭنان استام ءولىم الدىنداعى ناۋقاستارمەن اڭگىمەلەسۋ ارقىلى «25 ءتۇرلى ومىرلىك وكىنىشتى» تۇيىندەپ شىققان. وكىنىشتەردىڭ ىشىندە ءتىل ۇيىرەتىن ءدامدى تاعام جەي الماۋ، تۋعان جەرىنە قايتا الماۋ، پەرەزەنتتەرىنىڭ نەكەلەنبەۋى قاتارلىلار بار ...

  مەن بۇل شيپاگەردىڭ تۇيىندەپ شىققان وكىنىشتەرىنە قاتتى نازار اۋداردىم، ويتكەنى مەن دە «باقيعا اتتانۋ الدىنداعى جىلۋلىق» شيپاحاناسىنا ۇنەمى بارىپ، ومىرىنە حوش ايتىسۋ الدىنداعى قارتتاردىڭ كوڭىلىن سۇراپ، قاسىندا بولىپ، ولارمەن كوپ سىرلاسىپ تۇراتىنمىن.

  وسىلاردىڭ ىشىندە ەسىمدە انىق قالعانى: ءبىر جولى كەتۋدىڭ از-اق الدىندا جاتقان 80 جاستار شاماسىنداعى قارتتىڭ بولمەسىنە كىردىم، ۇل-قىزدارى قارتتىڭ وتەر الدىنداعى بەينەسىن كورۋگە شىداماي بولمە سىرتىندا جۇرەلەپ وتىر ەكەن، مەن ولارعا قارتتىڭ ءومىرىنىڭ ەڭ سوڭعى مينوتتارىندا قاسىندا بولعىم كەلەتىنىن ايتتىم، ولار ماقۇلدىعىن بەردى.

  اۋرۋ بولمەسىنە كىرىسىممەن تەرەڭ تىنىس الدىم. مەنىڭ ويىمشا، بولمە اۋاسىنىڭ ىشىندە كوپتەگەن وتەر الدىنداعى جانداردىڭ ەڭ سوڭعى تىنىس العانداعى دەمدەرى قالىپ قالعانداي سەزىلەتىن.

  سوسىن مەن الگى قارتتىڭ جانىنا بارىپ جانتايا جاتىپ قولىن قاتتى قىستىم، ول دا بار قايراتىن جيىپ، سوزگە كەلدى:

  ــ مەن ءوزىمدى وسى ومىرگە كەلىپ كورمەگەندەي سەزىنىپ جاتىرمىن.

   مەنىڭ بۇل اڭگىمەنى سىزدەرمەن بولىسۋىمدەگى سەبەپ:

  ءاربىر جان يەسىنىڭ ءومىرى بەينە جالعىز باعىىتتاعى پويەز بەلەتى ىسپەتتى، بارلىعىمىزدا قايتار باعىتتاعى بەلەتتى الا المايمىز.

  سول ءۇشىن ءبىزدىڭ قولىمىزدا ۇستاپ قالا الاتىنمىز تەك قانا قازىرگى ءسات، مىناۋ شەكسىز باعالى ءومىرىمىز.

   ءبىر اۋىز ءسوزدى ەرەكشە ايتقىم كەلىپ تۇر: مەن ارمان-ماقساتتارىڭىزدىڭ ءار ۋاقىت ۇستانعان قۇن كوزقاراستارڭىزعا باعىنۋىن قالايمىن.

  ءبىزدىڭ جۇرەگىمىزدەگى ارمان وتىن تۇتاتىپ، ءومىر جولىمىزعا باعدار شام بولاتىن ەڭ باعالى دۇنيە: ءومىر ۇستانىمىمىز، قۇن كوزقاراسىمىز.

  جاقىندا افريكاعا باردىم، مەن شىنىمەن افريكاعا ءبىر بارىپ قايتۋدى قاتتى ارماندايتىنمىن.

  ەگەر ۋاقىتتى مىقتى ۇستاپ بارمايتىن بولسام، جاسىم بارعان سايىن ۇلعايا بەرەدى، دەنساۋلىعىمنان دا احۋال شىعا باستاۋى مۇمكىن، بالكىم، كوزىمدە قازىرگىدەي جاقسى كورمەيتىن شىعار، بۇلاي بولعاندا ءبىر كورۋدى اڭساعان حايۋاناتتاردى دا تۇنىق كورە الماسپىن، بالكىم، مەنىڭ تۇيسىگىم دە ونشالىق سەزگىر بولماي قالۋىدا مۇمكىن عوي...

  وسى قۇرلىقتىڭ شۇعىلالى مادەنيەتى مەن تارپاڭ تاريحىن تولىق ءتۇسىنىپ جەتۋ، ەسكە ساقتاپ قالۋ بالكىم مەن ءۇشىن العاندا قيىن دا شىعار. شەتسىز كەڭ دالادا حايۋاناتتاردى تاماشالايىم دەپ جۇرگەندە ارىستان قۋىپ كەتسە قايتەمىن.... ءبارىن قايىرىپ قويىڭىز، ماقساتىڭىز ءۇشىن نار تاۋەكەلگە كەلىڭىز، دۇنيەدەن وتەر الدىندا ەڭ بولماعاندا ءبىر باتىلدىعىڭىز ءۇشىن وزىڭىزگە ريزا بولىپ قالاسىز...

  ەگەر جۇرەگىڭىزدە ارمان-ماقسات بولسا ءارى ونى ورىنداي الاتىن قابىلەت، كۇش-جىگەرىڭىزدىڭ بارىنا سەنە الساڭىز، ءدال وسى ساتتەن باستاپ قۇلشىنىڭىز، استە وپىق جەپ قالۋشى بولماڭىز.

   ءومىر دەگەنىمىز ۇزاق ساپارعا ۇقسايدى. جاستىق شاق قانداي تاماشا، الايدا ەسىڭىزدە بولسىن: كوپتەگەن دۇنيەلەردى ءتۇسىنىپ جەتپەگەندە ءالى دە جاسسىىز، ءتۇسىنىپ جەتكەنىڭىزدە الدە قاشان سامايىڭىزدى اق شالادى.

  ولاي بولسا، مۇرات-ارمانىمىزدى ءوز قولىمىزبەن مۇزداي تاسقا اينالدىرىپ المايىق، ءدال قازىردەن باستاپ ارمانىڭىز ءۇشىن قۇلشىنىڭىز، ايتەۋ ءبىر كۇنى ارمانىڭىزعا قول جەتكىزەتىنىڭىزگە سەنىڭىز، ومىرىڭىزگە وكىنىش قالدىرماڭىز.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى
  • التىن كۇزدەگى التاي قالاسى
  • كولدەنەڭ قىستاعىنداعى شارۋالار شاتتىعى
  • قىزىلتاۋ شەكارا وتكەلى قوسكول جايلاۋىنىڭ كوركەم كورىنستەرىن تاماشالاڭىزدار!
  • تۇنىق سۋ، مول بالىق جانە قۋانىشتى بالىقشىلار