اعاجاي-التاي تورابى   ›   مادەنيەت ارناسى   ›   بىلگەنگە مارجان

كومپيۋتەردە قىزمەت ىستەيتىندەر كوزىن قالاي قورعاۋى كەرەك

  كومپيۋتەردە قىزمەت ىستەيتىندەر كۇنىنە 6 دا 8 ساعات كومپيۋتەردىڭ الدىندا وتىرادى، ەگەر ۇستەمە قىزمەت ىستەۋ قاجەت بولسا، كومپيۋتەردىڭ الدىندا وتىراتىن ۋاقىت ءتىپتى دە ۇزارادى. ۇزاق ۋاقىت كومپيۋتەردىڭ الدىندا وتىرۋ كوزدىڭ ءىسىنۋىن، قۇرعاۋىن، شارشاۋىن كەلتىرىپ شىعارادى، سوندىقتان كوزدى قالاي قورعاۋ كەرەكتىگىن ءبىلۋ توتەنشە ماڭىزدى.

  قاراشىقتى قوزعالتىپ تۇرۋ كومپيۋتەرگە تەسىلىپ وتىرعان ۋاقىت ءبىر ساعاتتان اسىپ كەتسە، وندا قاراشىقتى ارلى-بەرلى قوزعاۋ ارقىلى كوزدىڭ شارشاۋىن باسۋعا بولادى. ماسەلەن، جوعارى جاققا قاراپ، تەرەڭ تىنىس الۋ، ونان كەيىن كورۋ نۇكتەسىن ورتاڭعى ارالىققا تۋرالاپ، جالعاستى تەرەڭ تىنىس الۋ، مىنە وسىلايشا ءۇش رەت قايتالاۋ، ونان كەيىن جالعاستى وڭ جاققا، سول جاققا، تومەنگى جاققا وسى بويىنشا جالعاستىرۋ كەرەك.

  اندا-ساندا كىرپىك قاعىپ تۇرۋ كىرپىك قاعۋ ارەكەتى كوزدىڭ جاس ءبولىپ شىعارۋىن جەبەيدى ءارى قۇرامىندا كوپ ءتۇرلى پايدالى زاتتار بار كوز جاسىن كوز الماسىنىڭ بەتىنە تەگىستەپ جايىپ، كوزدىڭ دىمقىلدىعىن ساقتايدى. كوپ ادام قىزمەتكە تىم بەرىلىپ كەتەتىندىكتەن، كىرپىك قاعۋدىڭ سانى ازايىپ، كوزدىڭ قۇرعاپ، جايسىزدانۋىن كەلتىرىپ شىعارادى. قىزمەت قاربالاستىعىندا كىرپىگىن قاعىپ قويۋ، كوز الماسىنىڭ بەتىن تازالاۋمەن بىرگە، كوزدى ۋقالاۋ رولىن اتقارادى.

  كوزدى ۋاعىندا دەم الدىرۋ قىزمەتكەرلەر ءار كۇنى 6 دا 8 ساعات كومپيۋتەردىڭ الدىندا وتىرادى، ءار ءبىر دە 2 ساعاتتا كوزدى دەمالدىرىپ، كومپيۋتەردىڭ الدىنان 10 مينۋت الىستاۋى كەرەك؛ ءبىر ساعات قىزمەت ىستەگەن سوڭ الىسقا كوز سالىپ، انىق كورىنگەننەن كەيىن 10 سەكۋند قاداعالاي قاراۋ كەرەك.

  كوزدى ۋقالاپ تۇرۋ

  كوز شارشاعاندا ەكى باس بارماقپەن قاباقتىڭ استىڭعى جاعىن جانە كوز شاراسىنىڭ سىرتقى ۇستىڭگى جاعىن ۋقالاۋ ءارى سۇق ساۋساق نەمەسە ورتان قول ارقىلى قاستىڭ ءۇستىن باسىپ تۇرىپ، ىشكى جاقتان قۇلاق شەكەگە دەيىن تارتىپ، 5 تە 6 رەت قايتالاۋ كەرەك، بۇل ارەكەتتى ۇزاق ۋاقىت جالعاستىرعاندا، كوزدىڭ شارشاۋىن باسىپ قانا قالماستان، كورۋ قۋاتىن دا جاقسارتادى.

  قىزمەت اراسىندا تەرەڭ تىنىس الۋ تىنىس الۋدا كوزدى قورعاي الا ما دەپ ويلايتىن شىعارسىز، تەكسەرۋگە نەگىزدەلگەندە، كوپتەگەن ادام قىزمەت بارىسىندا قىزمەتكە بەرىلىپ كەتىپ، تىنىس الۋى باياۋلاپ كەتەتىندىگىن، تىنىس الۋ قان اينالىسىن جاقسارتىپ، كوزدىك شارشاۋىنىڭ الدىن الاتىندىعىن ۇمىتىپ كەتەدى ەكەن.

جاۋاپتى رەداكتور: ءاننا اكىمقان قىزى
  • التىن كۇزدەگى التاي قالاسى
  • كولدەنەڭ قىستاعىنداعى شارۋالار شاتتىعى
  • قىزىلتاۋ شەكارا وتكەلى قوسكول جايلاۋىنىڭ كوركەم كورىنستەرىن تاماشالاڭىزدار!
  • تۇنىق سۋ، مول بالىق جانە قۋانىشتى بالىقشىلار