اعاجاي-التاي تورابى   ›   مادەنيەت ارناسى   ›   ونەگە

كەرەكسىز دۇنيەلەردى تاستاي سالىڭىز!

  «كەرەكسىز دۇنيەلەردى تاستاي ءبىلۋ» اتتى كىتاپتىڭ ىشىندە مىناداي ءسوز ايتىلعان:

  تاستاي الۋدىڭ باستى وبيەكتىسى استە بەلگىلى ءبىر بۇيىم ەمەس، قايتا «ءوزىڭىز»، ءسىز تەك قازىرگى ساتكە تاۋەلدىسىز. ءبىر زاتتى تالداعاندا استە «ىستەتۋگە كەلەمە كەلمەيمە» دەپ ويلاماڭىز، تەك وزىڭىزگە «ىستەتەم بە الدە ىستەتبەيمىن بە؟» دەپ سۇراق قويىڭىز.

  كەرەكسىز دۇنيەلەردى تاستاۋ وزىڭىزگە بولعان جاۋاپكەرشىلىك. باسى ارتىق دۇنيەلەردى تاستاي سالىڭىز، تۇرمىسىڭىز سوندا عانا اناعۇرلىم جۇيەلى، ماعىنالى، جەڭىل وتەدى.

  ەشقانداي دۇنيەنى قيۋدى قالاماساڭىز، قوقسىق ساندىعىنان ەش پارقىڭىز قالمايدى

  ءبىر مەزگىلدەرى ۇيگە كەلىسىممەن كوڭىل-كۇيىم قالىپسىزدانىپ، وزىمنەن-ءوزىم تىقىرشىق اتىپ ءجۇردىم، شەشەم كەلگەن كۇنى بارىپ، سەبەبىن ۇعىندىم.

  سول كۇنى كەشتە ۇيگە كەلىپ، ۇيدەگى دۇنيەلەردىڭ بارلىعىنىڭ رەتتەلگەنىن بايقادىم، كوڭىل-كۇيىم ىلەزدە جايلانىپ سالا بەردى.

  قوناق ءۇيدىڭ ورتاسىنا ۇلكەن قاعاز جاشىك قويىلىپتى، ءىشى تولعان شەشەمنىڭ رەتتەپ شىققان دۇنيەلەرى ەكەن. ىستەتىپ قالاتىن بۇيىمدار بارما دەپ ويلاپ، مەنىڭ كەلۋىمدى كۇتىپ وتىر ەكەن.

  مەن دۇنيەلەردى ءبىر رەت كورىپ شىقتىم، شىنىمەن دە الىپ قالارداي ىلىككە تاتيتىن ەش دۇنيە جوق ەكەن.

  شاڭ باسقان اياق كيىم، كونەرىپ كەتكەن كيىمدەر، ۋاقىتى ءوتىپ كەتكەن جۋرنالدار جانە كوپتەگەن كيىم سالاتىن قاعاز سوڭكەلەر... بارلىعىن كوزىم قيماي، ەندى ءبىر جولى ىستەتۋگە كەلىپ قالار دەپ ساقتاي بەرگەن ەكەنمىن، ءبىراق، ءارقاشان وسى دۇنيەلەردىڭ تۇرمىسىما سونشاما اسەر تيگىزەتىنىن ويلاپ دا كورمەپپىن.

  جاڭ شياۋشياننىڭ ايتقانىنداي: بۇرىن قول جەتكىزۋ وڭاي ەمەس دەپ ويلايتىنمىن، كەيىن ءتۇسىندىم، تاستاي الۋ ودان دا قيىن ەكەن.

  بالكىم، ءسىز ىشىڭىزدەن سول دۇنيەلەردىڭ كەرەكسىز ەكەنىن سەزىپ تۇرعان شىعارسىز، الايدا بۇزىلعان دارەجەگە بارماعان سوڭ كوزىڭىز قيمايدى، وسىلايشا ءۇستى-ۇستىنە كوبەيە بەرەدى... ءبىر كۇنى تۇرمىسىڭىز وسى قوقسىقتاردان كوز اشپاي قالعاندا بارىپ تاستاۋعا بەكيسىز.

  ءبىز تاستاۋعا ءتيستى تۇرمىستاعى كەرەكسىز دۇنيەلەر عانا ەمەس، ويداعىداي بولماعان ىستەر مەن ءبىزدى مازاسىزداندىراتىن ادامدار...

   ەش نارسەنى تاستاۋعا قيماساڭىز، ءتىپتى دە كوپ دۇنيەدەن ايرىلا بەرەسىز

  «زات ساتىپ العىش بويجەتكەن» دەگەن فيلىمدەگى لي بيكا زات ساتىپ الۋدى جانىنداي جاقسى كورەتىن، ءۇيى تولعان ءار تۇردەگى كيىم، قالپاق، سوڭكە، اياق-كيىم... كورىنىسكە الەم-جالەم كورىنەتىن وسى تۇرمىس شىنتۋايتىندا ابدەن كۇيرەۋگە بەت العان ەدى.

  لي بيكادا ەشقانداي جيناعان اقشا قورى جوق بولىپ قانا قويماي قارىزعا بەلشەسىنەن باتقان ەدى، تۇرمىسى كورەر كوزگە ءساندى كورىنگەنىمەن، الدە-قاشان ەشقانداي ءمانى قالماعان بولاتىن.

  فيلىمنىڭ سوڭى ويداعىداي اقىرلاسقان بولسادا، شىنايى تۇرمىستا كىم سەن ءۇشىن بارلىق قارىزىڭدى قايتارىپ بەرە الادى.

  «شابۋىلداۋشى الىپ ادام» اتتى فيلىمدە مىناداي ءبىر ءسوز بار:

  «ەش نارسەنى قيعىسى كەلمەيتىن ادام ەش نارسەنى دە وزگەرتە المايدى»

  قيا الۋ، ايرىلىپ قالۋ دەگەندىك ەمەس، قايتا ءتىپتى دە مول دۇنيەنى قولعا كەلتىرۋدەن دەرەك بەرەدى. سوندىقتان، قيۋعا ءتيستى ساتتە استە ويلانىپ وتىرماڭىز، باتىل بولىڭىز.

  مەيلى قانشا جاستا بولىڭىز، كەرەكسىز دۇنيەلەردى تاستاپ وتىرىڭىز. كەرەكسىز دۇنيەدەن ارىلعان سايىن كەزىگەتىن جاڭا دۇنيەلەرىڭىز دە مول بولىپ وتىرادى.

  كەرەكسىز بۇيىمداردى، كوڭىلسىز وتكەن شاقتى تاستاي سالىڭىز...

  ءسىزدىڭ «كەرەكسىز دۇنيەلەردى تاستاۋدىڭ» شىن ءمانىن ۇعىنۋىڭىزدى، بولاشاققا ەركىن قانات جايىپ، جاڭالىقتارعا تالپىنعىش بولۋىڭىزعا تىلەكتەسپىن.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى
  • التىن كۇزدەگى التاي قالاسى
  • كولدەنەڭ قىستاعىنداعى شارۋالار شاتتىعى
  • قىزىلتاۋ شەكارا وتكەلى قوسكول جايلاۋىنىڭ كوركەم كورىنستەرىن تاماشالاڭىزدار!
  • تۇنىق سۋ، مول بالىق جانە قۋانىشتى بالىقشىلار