اعاجاي-التاي تورابى   ›   مادەنيەت ارناسى   ›   ونەگە

سىزدەن ۇزدىك جانداردىڭ سىزدەن دە تىرىسشاڭ ەكەنىن ۇمىتپاڭىز!

  بىرنەشە جىلدىڭ الدىندا، جازۋشىلىققا قىزىعاتىن ءبىر جاس جىگىت ۇنەمى مەنىمەن پىكىر الماستىرىپ تۇراتىن. ونىڭ قالام قۋاتى قارىمدى بولاتىن، الايدا جازۋشىلىقپەن اينالىسقانىنا ەكى جىل بولسادا جازۋ ىستيلىنە قىزىعۋشىلار تىم از بولعاندىعى سەبەپتى مەنەن اقىل سۇراۋعا كەلىپتى.

  مەن وعان ايتار كوپ اقىلىمنىڭ جوق ەكەنىن، الايدا ءبىر ەستە بولاتىنى: وزىڭە ونەگە قىلىپ جۇرەتىن ءبىر جازۋشى بولسىن دەدىم.

  جاس جىگىت مەنىڭ ونەگە تۇتاتىن ۇستازىمنىڭ كىم ەكەنىن سۇرادى، مەن جەكە مەديادا اڭگىمە، حابار جولدايتىن ءمالىم جازۋشىنىڭ ەسىمىن ايتتىم. ول قاتتى تاڭىرقادى.

  ــ شۇي مۇعالىم، ول ءسىزدىڭ ۇستازىڭىزبا؟ ونىڭ جازعاندارىنىڭ ءبارى جەڭىل اڭگىمەلەر عوي، قىزىعاتىن ەش نارسەسى جوق، ءار جولى مىڭ ءارىپ شاماسىندا جازادى، ودان قالسا وقىرماننىڭ سۇراعىنا جاۋاپ قايتارعاندى عانا بىلەدى.

  مەن: سەن بىلەسىڭبە؟ ول ءار كۇنى ءبىر اڭگىمە جازادى، بۇل ادەتىن 15 جىل جالعاستىردى، قانشا ادام وسىلاي ىستەي الادى؟ مەنىڭ تابىناتىن جەرىم مىنە وسى.

  مەن ايتقان جازۋشى MBA پروفەسسورىمنىڭ دوسى بولاتىن، 5 جىلدىڭ الدىندا شىنجىن قالاسىندا بىرنەشە رەت كەزىككەن بولاتىنبىز، ءبىر-ءبىرىمىزدىڭ جاعدايىمىزدى جاقسى تۇسىنەتىنبىز. ول تەك جازۋشىلىقپەن شۇعىلدانىپ قويماي ساۋدا دا ىستەيتىن.

  ون نەشە جىلدان بەرى، ءاركۇنى تاڭعى ساعات 6 دا تۇرىپ جۇگىرەدى، جازۋشىلىقپەن شۇعىلدانادى، كىتاپ وقيدى، قىزمەتىن ىستەيدى، كەشكى ساعات 10 دا ۋاقىتىندا دەمالادى.

  ءدال وسىلاي مەحانيكالىق، ءبىر قالىپتى قۇلشىنىستان جازباعان كۇندەر ونىڭ جەكە مەديا سالاسىندا تابىسقا جەتۋىنە مۇمكىندىك اپەردى. مەن ءبىر جولى ودان:

  ــ قيىندىعى مۇنشاما اۋىر ادەتتى قالاي جالعاستىرا الدىڭىز؟-دەپ سۇرادىم.

  تاڭعالارلىعى ول ماعان:

  ــ بۇل وزىمە قويعان تالاپتى قيىنشىلىقپەن جالعاستىرۋ ەمەس، تەك قانا ءبىر ءتۇرلى تۇرمىس ادەتى سانالادى،-دەدى.

  مەن ءدال سول ساتتە ۇعىندىم، ءبىزدىڭ ادام توزە المايتىن قيىندىقتا دەپ ويلايتىن ون نەشە جىل جالعاستىرعان قۇلشىنىس، كەيبىر ادامدار ءۇشىن الىپ ايتقاندا ادەتتەگى قاراپايىم تۇرمىس ادەتى عانا سانالادى ەكەن.

  مۇنداي جانداردىڭ قۇلشىنىسى مەن وزىنە قويعان تالابى ۇستەمە ەڭبەك قاراجاتىن، جىگەرىن جانىپ وتىرۋدى، وزگەلەرگە كورسەتۋدى، ءوزىن-ءوزى اسەرلەندىرۋدى، يلاندىرۋدى، زورلاۋدى قاجەت ەتپەيدى.

  قۇلشىنىستى ءبىر قالىپتى جالعاستىرۋ ولار جونىنەن تەك قالىپتى، ءۇزىلىسسىز، تۇراقتى كۇي.

  مىنە بۇل ىسكەرلەر مەن ادەتتەگى ادامداردىڭ پارقى.

  الگى جاس جىگىتكە كەلەر بولساق، ەكى جىل ىشىندەگى جازعان ماقالالارى 40 قا تاياۋ، ساپاسى نەداۋىر جاقسىلارى دا جوق ەمەس، الايدا، ونىڭ اڭساعانىنداي اتاعىنا جەتۋىنە بۇل ناتيجەلەر تىم ازدىق ەتەتىن.

  ونىڭ جازعان ماقالالارى ەشبىر جۇيەگە تۇسپەيتىن، جازاتىن ۋاقىتى بىركەلكىسىز بولىپ قانا قويماي، تاقىرىبى دا وقىرماندارعا ءار ءشوپتىڭ باسىن ءبىر شالعانداي سەزىم بەرەتىن.

  بۇل كوپتەگەن ادامداردىڭ تۇرمىستاعى كەسكىنى، بىردە ارىنى تاسقىنداپ بىردە باسەيىپ، تۇراقتى ءبىر كۇيدى جالعاستىرا المايدى.

  تار ءبىلىم ورەڭىز ءسىزدى مازالاي بەرگەن سوڭ ءبىرتالاي اقشا جۇمساپ ءبىرقانشا كىتاپ الدىڭىز، بۇكتەلگەن بەت العى ءسوز بولىگىندە تۇرعالى جارىم جىل بولدى.

  ايناداعى سەمىز بەينەڭىزدى كورىپ ارىقتايمىن دەپ وزىڭىزگە سەرت بەردىڭىز، دەنە شىنىقتىرۋ قوسالقى بولشەگىن قولفونىڭىزعا تۇسىردىڭىز، شىنىعىپ جاتقانىڭىزدى دوستىق شەڭبەرىندە ءۇش كۇن قاتارىنان شىعاردىڭىز، ونان سوڭ شى؟... ونان سوڭ ەشتەڭە دە جوق بولدى.

  قانشالاعان ادامدار كۇندەرىن وسىلايشا قۇر وتكىزۋدە، بۇنداي احۋال توقتاۋسىز قايتالانا بەرەدى. ولار ءبىر رەتكى شابىتىن ماڭگى ساقتاپ قالامىز، تۇرمىستىڭ تورىنەن كورىنەمىز دەيدى، بۇنداي وڭاي ءىس قايدا بولسىن.

   سىزدەن ۇزدىك جانداردىڭ سىزدەن الدە قايدا تىرىسشاڭ ەكەنىن ۇمىتپاڭىز.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى
  • التىن كۇزدەگى التاي قالاسى
  • كولدەنەڭ قىستاعىنداعى شارۋالار شاتتىعى
  • قىزىلتاۋ شەكارا وتكەلى قوسكول جايلاۋىنىڭ كوركەم كورىنستەرىن تاماشالاڭىزدار!
  • تۇنىق سۋ، مول بالىق جانە قۋانىشتى بالىقشىلار