اعاجاي-التاي تورابى   ›   اقپارات ايدىنى   ›   ماڭىزدى حابارلار

پارتيانىڭ وقۋ - اعارتۋ قىزمەتىنە جالپى بەتتىك باسشىلىعىنا تاباندى بولايىق

− باس شۋجي شي جينپيڭنىڭ وقۋ - اعارتۋ جونىندەگى مەملەكەتتىك ماجىلىستە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى

    پارتيا، ۇكىمەت، ارميا، حالىقتىق قۇرىلىمدار، عىلىم - ءبىلىم سالاسى سياقتى بارلىق سالاعا جانە بارلىق جەرگە پارتيا باسشىلىق ەتەدى.
  باس شۋجي شي جينپيڭ وقۋ - اعارتۋ جونىندەگى مەملەكەتتىك ماجىلىستە ماڭىزدى ءسوز سويلەپ، پارتيا مەن مەملەكەت ىستەرى دامۋىنىڭ جالپى جاعدايىن شىعار ءتۇيىن ەتىپ، پارتيانىڭ باسشىلىعىن كۇشەيتۋدىڭ وقۋ - اعارتۋ قىزمەتىن جاقسى ىستەۋدەگى توتەنشە ماڭىزدىلىعىن كورنەكتىلەندىرە باسا دارىپتەپ، پارتيانىڭ وقۋ - اعارتۋ قىزمەتىنە جالپى بەتتىك باسشىلىعىن كۇشەيتۋ جونىندە ايقىن تالاپتاردى ورتاعا قويدى، وقۋ - اعارتۋدىڭ وسىزاماندانۋىن جەدەل ىلگەرىلەتۋگە، وقۋ - اعارتۋدا قۇدىرەتتى مەملەكەت قۇرۋعا، حالىق رازى بولاتىن وقۋ - اعارتۋ ىستەرىن ويداعىداي جۇرگىزۋگە دۇرىس ساياسي باعدار كورسەتىپ، ءتۇبىرلى ولشەم ازىرلەدى.
  پارتيانىڭ باسشىلىعىن كۇشەيتۋ − وقۋ - اعارتۋ قىزمەتىن ويداعىداي ىستەۋدىڭ ءتۇبىرلى كەپىلى. پارتيا 18 - قۇرىلتايىنان بەرى ەلىمىزدىڭ وقۋ - اعارتۋ ىستەرىنىڭ دامۋىندا كورنەكتى تابىستارعا قول جەتۋىندەگى ەڭ ءتۇبىرلى سەبەپ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيانىڭ وقۋ - اعارتۋ ىستەرىنە جالپى بەتتىك باسشىلىعىنىڭ پارمەندى دايەكتىلەنگەندىگىندە، پارتيانىڭ وقۋ - اعارتۋ قىزمەتىنە باسشىلىعىنىڭ جان - جاقتى كۇشەيگەندىگىندە بولىپ تابىلادى. كەزەكتەگى جانە الداعى ءبىر مەزگىلدەگى وقۋ - اعارتۋ قىزمەتىن ويداعىداي جۇرگىزۋ ءۇشىن، ءسوزسىز، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ وقۋ - اعارتۋ باعىتىن جان - جاقتى دايەكتىلەندىرىپ، ماركسيزمنىڭ جەتەكشىلىك ورنىنا تاباندى بولىپ، جۇڭگوشا سوتسياليستىك وقۋ - اعارتۋدى دامىتۋ جولىنا تاباندى بولىپ، سوتسياليستىك مەكتەپ باسقارۋ باعدارىنان جازباي، پارتيانىڭ وقۋ - اعارتۋ ىستەرىنە جاپپاي باسشىلىعىن تىڭعىلىقتى دايەكتىلەندىرۋ، تىڭعىلىقتى تياناقتاندىرۋ كەرەك.
  پارتيانىڭ وقۋ - اعارتۋ ىستەرىنە جالپى بەتتىك باسشىلىعىنا تاباندى بولۋدا يدەيالىق - ساياسي باسشىلىق ءبىرىنشى ورىندا تۇرادى. ماركسيزم ءبىزدىڭ پارتيا قۇرۋىمىزدىڭ، مەملەكەتتى گۇلدەندىرۋىمىزدىڭ ءتۇبىرلى جەتەكشى يدەياسى، ءسوزسىز، باستان - اياق ماركسيزمنىڭ جەتەكشىلىك ورنىنا تاباندى بولىپ، يدەيالىق - ساياسي قىزمەتتى مەكتەپتى، وقۋ - اعارتۋدى باسقارۋدىڭ تۇتاس بارىسىمەن ساباقتاستىرىپ، وقۋ - اعارتۋ سالاسىن پارتيانىڭ باسشىلىعىنا تاباندى بولۋدىڭ قۇدىرەتتى شەبى ەتۋ كەرەك. ونەگە كورسەتىپ، ادام تاربيەلەۋ − پارتيا ىستەرىنىڭ ءىزباسارلارىن باۋلۋعا قاتىستى، مەملەكەتتىڭ بولاشاعى مەن تاعدىرىنا قاتىستى. ءسوزسىز، سوتسياليزمنىڭ قۇرىلىسشىلارى مەن ءىزباسارلارىن باۋلۋدى ءتۇبىرلى مىندەت ەتىپ، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىن قولدايتىن، جۇڭگوشا سوتسياليزم ءۇشىن ءومىر بويى كۇرەس جۇرگىزۋدى مۇرات ەتەتىن سانسىز ۇرپاق جارامدى دارىندىلاردى تاربيەلەۋ كەرەك. ءبىزدىڭ جۇرگىزەتىنىمىز سوتسياليستىك وقۋ - اعارتۋ، ءسوزسىز، وقۋ - اعارتۋدىڭ حالىققا قىزمەت ەتۋىنە، جۇڭگو كوممۋنيستىك پارتياسىنىڭ ەل باسقارۋى ءۇشىن قىزمەت ەتۋىنە، جۇڭگوشا سوتسياليزم ءتۇزىمىن بەكەمدەۋگە جانە دامىتۋعا قىزمەت ەتۋىنە، رەفورما جاساپ، ەسىك اشۋ مەن سوتسياليستىك وسىزامانداندىرۋ قۇرىلىسىنا قىزمەت ەتۋىنە تاباندى بولىپ، باستان - اياق پارتيا ءۇشىن ادام تاربيەلەۋ، مەملەكەت ءۇشىن دارىندى جەتىلدىرۋ كەرەك. وقۋ - اعارتۋ تاراۋلارى مەن ءار دارەجەلى، ءار ءتۇرلى مەكتەپتەردەگى پارتيا ۇيىمدارى «ءتورت تانىمدى» كۇشەيتىپ، «ءتورت سەنىمدى» بەكەمدەپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن مىزعىماستان قورعاپ، ساياسي تۇرعىدا، ساياسي باعداردا، ساياسي پرينسيپتە، ساياسي جولدا سانالى تۇردە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.
  پارتيانىڭ وقۋ - اعارتۋ ىستەرىنە جالپى بەتتىك باسشىلىعىنا تاباندى بولۋداعى تەتىك ناقتى، ەگجەي - تەگجەيلى تياناقتاندىرۋدا. ءار دارەجەلى پارتكومدار وقۋ - اعارتۋ رەفورماسىن، دامۋىن كەڭەستىك كۇن تارتىپكە ەنگىزۋ، پارتيا، ۇكىمەت ورىندارىنداعى نەگىزگى جاۋاپتى جولداستار وقۋ - اعارتۋعا قانىق بولۋ، وقۋ - اعارتۋعا كوڭىل ءبولۋ، وقۋ - اعارتۋدى زەرتتەۋ كەرەك. پارتيا باسشىلىعىنىڭ وقۋ - اعارتۋ جۇيەسىندە ءونىمدى جۇزەگە اسا الۋ - الماۋى وقۋ - اعارتۋ جۇيەسىندەگى پارتيا ۇيىمدارى جۇيەسىنىڭ اقاۋسىز بولۋ - بولماۋىنا، پارتيا قۇرىلىسىنىڭ ويداعىداي يگەرىلگەن - يگەرىلمەگەندىگىنە بايلانىستى، ءار دارەجەلى، ءار ءتۇرلى مەكتەپتەردەگى پارتيا ۇيىمدارى مەكتەپتىڭ پارتيا قۇرىلىسى قىزمەتىن ويداعىداي يگەرۋدى ءبىلىم بەرۋ، مەكتەپ باسقارۋداعى نەگىزگى قابىلەت ەتىپ، پارتيانىڭ وقۋ - اعارتۋ باعىتىن مەكتەپ قىزمەتىنىڭ ءتۇرلى جاقتارىندا جاپپاي دايەكتىلەندىرۋ كەرەك. يدەيالىق - ساياسي قىزمەت − مەكتەپتىڭ ءتۇرلى قىزمەتىنىڭ كۇرە تامىرى، ءار دارەجەلى پارتكومدار، ءار دارەجەلى وقۋ - اعارتۋ باسقارۋ تاراۋلارى، مەكتەپ پارتيا ۇيىمدارى تۇگەلدەي وسى قىزمەتتى، ءسوز جوق، مىقتاپ يگەرۋ كەرەك؛ يدەيالىق - ساياسي قىزمەت استە جاي عانا ءبىر سىزىقتاعى قىزمەت ەمەس، ول جان - جاقتى، بارلىق جەردە، ءارقانداي ۋاقىتتا بولۋى، توعىسپالى، كىرىستىرمەلى، سىڭىسپەلى بولۋى كەرەك، باسقا قىزمەتتەردەن بولەكتەپ تاستاۋعا بولمايدى؛ يدەيالىق - ساياسي قىزمەتتىڭ قىر - سىرىنا جۇيرىك ساياسي قىزمەت قوسىنىن مۇقيات باۋلىپ جانە ۇيىمداستىرىپ، يدەيالىق - ساياسي قىزمەتتى ۇنەمى ىستەۋ، جەكە ادامعا دەيىن جۇرگىزۋ كەرەك. پارتيانىڭ وقۋ - اعارتۋ قىزمەتىنە جاپپاي باسشىلىعىن كۇشەيتۋدى ناقتى، ەگجەي - تەگجەيلى تياناقتاندىرعاندا، وقۋ - اعارتۋ ىستەرىن ويداعىداي جۇرگىزۋ ءتۇبىرلى كەپىلگە يە بولادى.
  جۇڭگونىڭ ىستەرىن جاقسى ىستەۋدىڭ تەتىگى پارتيادا؛ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ، تۇپتەپ كەلگەندە، دارىندىعا سۇيەنەدى، وقۋ - اعارتۋعا سۇيەنەدى. باس شۋجي شي جينپيڭنىڭ وقۋ - اعارتۋ جونىندەگى مەملەكەتتىك ماجىلىستە سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، تياناقتاندىرىپ، پارتيانىڭ وقۋ - اعارتۋ ىستەرىنە جاپپاي باسشىلىعىنا تاباندى بولىپ، ونەگە كورسەتىپ، ادام تاربيەلەۋدەن جازباساق، ءبىز، ءسوزسىز، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن باۋلىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا قۇدىرەتتى ساياسي كەپىل جانە پارمەندى دارىندى تىرەگىن ازىرلەيتىن بولامىز.
  (شينحۋا اگەنتتىگىنىڭ 9 - ايدىڭ 17 - كۇنى بەيجيڭنەن بەرگەن حابارى)

جاۋاپتى رەداكتور: ايدوس بازارحان ۇلى
  • تۇمان اراسىنداعى كىشكەنتاي قالاشىق
  • عاجايىپ سۇلۋلىققا شومىلعان- قوم
  • جۇڭگو مۇگەدەكتەر بىرلەستىگىنىڭ مەملەكەتتىك 7 - قۇرىلتايى بەيجيڭدە اشىلدى(1)
  • جۇڭگو مۇگەدەكتەر بىرلەستىگىنىڭ مەملەكەتتىك 7 - قۇرىلتايى بەيجيڭدە اشىلدى(2)