اعاجاي-التاي تورابى   ›   اقپارات ايدىنى   ›   شينجياڭ حابارلارى

اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 5 - ءماجىلىسى وتكىزىلدى

         جاۋ جىيۇن 9 - ايدىڭ 5 - كۇنى ۇرىمجىدەن حابارلايدى. 9 - ايدىڭ 5 - كۇنى اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 5 - ءماجىلىسى وتكىزىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى ءارى ءسوز سويلەدى.
اۆتونوميالى رايوندىق پارتكومنىڭ تاپسىرۋىمەن، اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين كادرلاردى مىندەتكە تاعايىنداۋعا، مىندەتىنەن قالدىرۋعا قاتىستى ىستەرگە تۇسىنىك جاسادى.
تۇراقتى كوميتەتتىڭ قۇرامىنداعىلاردان 54 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
ءماجىلىس اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتى 5 - ءماجىلىسىنىڭ كەڭەستىك ءتارتىبىن ماقۇلدادى، «اۆتونوميالى رايوندىق حالىق قۇرىلتايى تۇراقتى كوميتەتىنىڭ لو دۇڭچۋاننىڭ اۆتونوميالى رايوندىق باقىلاۋ - تەكسەرۋ كوميتەتىنىڭ مەڭگەرۋشىسى مىندەتىنەن بوساۋ ءوتىنىشىن قابىلداۋ جونىندەگى قارارىن»، «اۆتونوميالى رايوندىق حالىق قۇرىلتايى تۇراقتى كوميتەتىنىڭ ياڭ شيننىڭ اۆتونوميالى رايوندىق باقىلاۋ - تەكسەرۋ كوميتەتىنىڭ مەڭگەرۋشىسى مىندەتىن ۋاقىتتىق وتەۋ جونىندەگى قارارىن»، سونداي - اق كادرلاردى مىندەتكە تاعايىنداۋعا، مىندەتىنەن قالدىرۋعا قاتىستى ىستەر سياقتى كەڭەستىك تارتىپتەردى داۋىسقا سالىپ ماقۇلدادى.
ماجىلىستە جاڭادان مىندەتكە تاعايىندالعان اۆتونوميالى رايوننىڭ مەملەكەت قىزمەتكەرلەرىنە مىندەتكە تاعايىنداۋ كۋالىگى تاراتىلدى ءارى نەگىزگى زاڭعا سەرت بەرۋ سالتى وتكىزىلدى.
ءماجىلىس مىنالاردى باسا دارىپتەدى: اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتى پارتيانىڭ باسشىلىعىنا تاباندى بولۋ سىندى وسى كەلەلى ساياسي پرينسيپتى باستان - اياق مىقتاپ يگەرىپ، «ءتورت تانىمدى» مىقتاپ ورناتىپ، «ءتورت سەنىمدى» بەكەمدەپ، باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى باتىل ساقتاپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، اۆتونوميالى رايوندىق پارتكومنىڭ قىزمەت ورنالاستىرۋلارىن قاز - قالپىندا دايەكتىلەندىرىپ، تياناقتاندىرىپ، حالىق قۇرىلتايىنىڭ قىزمەتتەرىن تىڭعىلىقتى ىلگەرىلەتىپ، حالىق قۇرىلتايى قىزمەتىنىڭ باستان - اياق دۇرىس باعىتپەن العا باسۋىنا باتىل كەپىلدىك ەتۋ كەرەك.
ءماجىلىس مىنانى اتاپ كورسەتتى: اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتى باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرۋ، تياناقتاندىرۋ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋ، تياناقتاندىرۋ، اۆتونوميالى رايوندىق پارتكومنىڭ نازاردى باس نىساناعا شوعىرلاندىرىپ، لاڭكەستىككە قارسى تۇرىپ، ورنىقتىلىقتى قورعاۋداعى «كەشەندى شارالارىن» ويداعىداي اتقارۋ جونىندەگى قىزمەت ورنالاستىرۋلارىن دايەكتىلەندىرۋدى، تياناقتاندىرۋدى ىلگەرىلەتۋ كەرەك. قاي - قاشان دا باس نىسانانى باس باعدارناما، وزەكتى مىندەت ەتىپ، حالىق قۇرىلتايىنىڭ قىزمەتىن باس نىسانانى مىقتاپ ارقاۋ ەتىپ، جوسپارلاۋ، ورىستەتۋ، ىلگەرىلەتۋ، شينجياڭنىڭ قوعام ورنىقتىلىعى مەن باياندى تىنىشتىعىنا تيەسىلى ۇلەس قوسۋ كەرەك.
تۇستەن بۇرىن، اۆتونوميالى رايوندىق حالىق قۇرىلتايى تۇراقتى كوميتەتىنىڭ 25 - رەتكى مەڭگەرۋشىلەر ءماجىلىسى تۇراقتى كوميتەت ءماجىلىسىنىڭ ءتۇرلى كەڭەستىك تاقىرىپتارىن قاراۋ جاعدايى جونىندەگى مالىمەتتى تىڭدادى، تۇراقتى كوميتەت جالپى ءماجىلىسىنىڭ داۋىسقا سالۋىنا تاپسىرىلاتىن كەڭەستىك جوبالاردى ۇيعاردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى ۋاڭ يۇڭميڭ، ءمۇتالىپ قاسىم، دۇڭ شينگۋاڭ، باداي، گۇلشات ابدىقادىر، مانەن زەينەل ۇلى، سو يۋە ماجىلىسكە قاتىناستى.
اۆتونوميالى رايوننىڭ ورىنباسار ءتوراعاسى ماڭلىك سەيت، اۆتونوميالى رايوندىق باقىلاۋ - تەكسەرۋ كوميتەتىنىڭ قاتىستى جاۋاپتىلارى، اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت، اۆتونوميالى رايوندىق حالىق پروكۋراتۋراسىنىڭ قاتىستى جاۋاپتىلارى، اۆتونوميالى رايوندىق حالىق قۇرىلتايىنىڭ ارناۋلى كوميتەتتەرىنىڭ مۇشەلەرى ماجىلىسكە سىرتتاي قاتىناستى.

جاۋاپتى رەداكتور: قابىلقان ايتقابىل ۇلى
  • جاڭبىردان كەيىنگى اققابا
  • اقكول كورىنىس رايونى
  • « الباتى قوقسىق تاستاماي، اتا مەكەنىمىزدى ونان ارى كورىكتەندىرەيىك» تاقىرىبىندا جەلىلەس قيمىل وزدىردى
  • ارتىق ەڭبەككۇشتەردى باسقا سالاعا ويىستىرىپ، كاسىپتەندىرۋ ارقىلى كەدەيلىكتەن قۇتىلدىرۋدان قامال الۋ نەگىزىن بەكەمدەدى