اعاجاي-التاي تورابى   ›   اقپارات ايدىنى   ›   ءوز حابارلارىمىز

ورتالىق تەلەۆيزيانىڭ «اۋىل شاتتىعى» ايدارشاسى بۋرىلتوعايدا

       ءتىلشىمىز قۇرمانگۇل حابارلايدى. 7- ايدىڭ 21-كۇنى، ورتالىق تەلەۆيزيانىڭ 7-ارناسىنىڭ «اۋىل شاتتىعى» ايدارشاسىنىڭ «اۋىل شاتتىعى . بۋرىلتوعاي اۋدانىندا» اتتى بەرىلىمىنىڭ 3-ءبولىمى بۋرىلتوعاي اۋداندىق كول بويى سامال باعى كورىنىس رايونىنداعى ءتۇسىرىلىمىن ءساتتى اياقتاتتى. ايدارشا قوناقتارمەن سۇحباتتاسۋ، ناق مايداندا تىلشىلىك ىستەۋ قاتارلى فورمالارمەن بۋرىلتوعاي اۋدانىنىڭ وزىندىك ەرەكشەلىككە يە مادەني ساياحات ماركا وبرازى مەن ۇلتتىق ەرەكشەلىگىن، جەرلىك سالت-ساناسىن جان-جاقتىلى ۇگىتتەپ، تانىستىردى.

       سول كۇنى تۇستەن بۇرىن، مىڭ بۇرالعان شينجياڭ بيىمەن بىرگە ورتالىق تەلەۆيزيانىڭ «اۋىل شاتتىعى بۋرىلتوعاي اۋدانىندا» تاراۋىنىڭ 3-ءبولىمى رەسىمي باستالدى. بۇل ساننىڭ قۇرمەتتى قوناعى ما حايبو ىشكى مۇڭعۇلدان وقىتۋ ىستەرىنە جاردەمدەسۋگە كەلگەن مۇعالىم، بۋرىلتوعاي اۋداندىق 1-باستاۋىش مەكتەپتە اناءتىلى پانىنەن ءدارىس بەرەدى.  ول 3 بويجەتكەنمەن بىرلىكتە وزدەرىن تانىستىرۋ، ونەر كورسەتۋ، ءوزارا پىكىر الماستىرىپ، تۇسىنىسۋ، كورەرمەندەردىڭ ۇسىنىس- پىكىرىن تىڭداۋ قاتارلى بۋىنداردى وتكەرىپ، ەڭ سوڭىندا سايىسكەر بويجەتكەن رىزىنا سىمايىلمەن ءساتتى قول ۇستاستى.

      «اۋىل شاتتىعى» ايدارىنىڭ قوناعى رىزىنا سىمايىل بىلاي دەدى: «بۇل جولى قول ۇستاسىپ، قوسىلامىن دەپ ويلاماعان ەدىم، مەن جونىنەن توسىن قۋانىش بولدى، قازىر وتە كوڭىلدىمىن، بۇدان كەيىن كوپشىلىكتىڭ اق پەيىل تىلەكتەرىن ارقالاپ، ما حايبو مەن بىرگە باقىتتى تۇرمىس كەشىرەتىن بولامىن»،-دەدى.

      ۇعىسۋىمىزشا، ورتالىق تەلەۆيزيانىڭ 7–ارناسىنىڭ «اۋىل شاتتىعى» ايدارشاسى ورتالىق تەلەۆيزيانىڭ بىردەن-ءبىر اۋىل-قىستاق، جەرگىلىكتى ورىندارعا بارىپ تۇسىرىم الاتىن، ويىن ساۋىق، سۇحباتتاسۋدى دالادا تۇسىرەتىن  كولەمدى ايدارشا ءارى «التىن مەكروپون سيلىعىنىڭ يەسى» شياۋ دۇڭپو بۇل ايداردىڭ تۇراقتى جۇرگىزۋشىسى. «اۋىل ىقىلاسى، تاماشا ءومىر، كوڭىلدى سۇحبات، ناقىشتى ءتۇسىندىرۋ» ايدارشانىڭ نەگىزگى تياناعى بولىپ، مازمۇنى شىنايى تۇرمىسپەن بىتە قايناسقان ءارى قويۋ اۋىل تىنىسى مۇڭكىپ تۇراتىن بولعاندىقتان، جۇرتتىڭ قىزۋ القاۋىنا بولەنگەن ايدارشا. بۇل ايدارشانىڭ بۋرىلتوعاي اۋدانىنا كەلۋى اۋداننىڭ تاريحي مادەنيەتىن، ساياحات بايلىعىن، عۇرپ-ادەتى قاتارلى ەرەكشەلىگىن سىرتقا تانىستىرۋعا تاماشا ۇگىت تەكشەسى بولدى.

       بۋرىلتوعاي اۋدانىنىڭ كورەرمەنى بايبەك بىلاي دەدى: «اۋىل شاتتىعى» ايدارى بىزدىڭ بۋرىلتوعاي اۋدانىنا كەلگەنىنە توتەنشە ماقتانىشتى سەزىمدەمىن. بۋرىلتوعاي اۋدانى باقىت مەكەنى، راحات مەكەنى . بۇل رەتكى باعدارلاما ارقىلى تىپتى دە كوپ دوستارمەن تانىسساق دەيمىن، ەلىمىزدىڭ جەر-جەرىندەگى دوستاردىڭ بۋرىلتوعايعا كەلىپ ساياحاتتاپ، بوي جازىپ قايتۋىن ءۇمىت ەتەمىن.

      ۇعىسۋعا قاراعاندا، وسى جولى ورتالىق تەلەۆيزيانىڭ «اۋىل شاتتىعى» ايدارشاسى 7-ايدىڭ 14 -،  17-،  21- كۇندەرى بۋرىلتوعاي كول بويى سامال باعى كورىنىس رايونىندا 3 ءبولىمدى ءتۇسىرىلىم ءتۇسىردى، ايدارشانىڭ تولىق بەرىلىمى ورتالىق تەلەۆيزيانىڭ 7-ارناسىندا تاراتىلادى. «اۋىل شاتتىعى» ايدارى ويىن-ساۋىق، قىز-جىگىتتەردىڭ تانىسپ، قوسىلۋىن باستى مازمۇن ەتىپ، بۇكىل مەملەكەتتەگى تەلەديدار كورەرمەندەرىنە بۋرىلتوعايداعى ءار ۇلت حالقىنىڭ اق پەيىل، اق جارقىن، تۇرمىستى قىزۋ سۇيەتىن بەلسەندى العاباسار رۋحاني بەت-بەينەسىن ايگىلەپ، بۋرىلتوعاي اۋدانىنىڭ جەرلىك سالت-ءداستۇرىن، ەرەكشە بايلىعىن جانە وزگەشە تارتىمدىلىعىن كورسەتتى.

      ورتالىق تەلەۆيزيانىڭ «اۋىل شاتتىعى» ايدارىنىڭ جۇرگىزۋشىسى شياۋ دۇڭپو بىلاي دەدى:« بۇل رەتكى ءتۇسىرىلىمدى العاندا مەن قاتتى تەبىرەندىم، ويتكەنى بۋرىلتوعايدىڭ اۋاسى ءتورت ماۋسىم بويى ەڭ تاماشا قالپىندا تۇرادى. ءبىز شينجياڭنىڭ كوپتەگەن جەرلەرىنە باردىق، ءبىراق بۋرىلتوعايعا تۇڭعىش رەت كەلۋىمىز، بۇل جەر توتەنشە كوركەم ەكەن. ەستۋىمىزشە التايدا كوركەم جەر وتە كوپ دەيدى، الداعى جەردە وراي بولسا التايدى جاقسىلاپ  ارلاپ، تاماشالاساق دەگەن ۇمىتتەمىز».

جاۋاپتى رەداكتور: ايدوس بازارحان ۇلى
  • كوكتوعاي اۋدانى ايقىنبۇلاق جايلاۋىنىڭ كوركەم كورىنىسى
  • اقىسىز ءبي ونەرىنە تاربيەلەۋ كۋرىسىن اشتى
  • ءتور جايلاۋداعى مالشىلار شاتتىعى
  • كورىكتى تاۋ قالاسىنىڭ كەشكى كورىنىسى