اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماق «وسپىرىمدەردىڭ قول ۇستاسۋ، دوستاسۋ، كوڭىل توعىستىرۋ تاربيەسى» اتىنداعى كوڭىل توعىستىرۋ جازعى لاگەرى قيمىلىن باستادى

104 ٴوسپىرىم شينجياڭعا كومەك بەرۋ كوڭىل توعىستىرۋ جازعى لاگەرى ساپارىن باستادى

ءتىلشى جۇڭ چۇنچۇن حابارلايدى.

  7 ـ ايدىڭ 6 ـ كۇنى التاي قالالىق مادەنيەت قيمىل ورتالىعى الاڭىندا ايماعىمىز حيلۇڭجياڭ ولكەسىنىڭ «وسپىرىم بالالاردىڭ قول ۇستاسۋ، دوس بولۋ، كوڭىل توعىستىرۋ تابيەسى» اتىنداعى كوڭىل توعىستىرۋ جازعى لاگەرىن باستاۋ سالتىن وتكىزدى. ايماعىمىزداعى ورتا ـ باستاۋىش مەكتەپ وقۋشىلارىنان، جەتەكشىلەردەن 72 ادام حيلۇڭجياڭ ولكەسىنە اتتانىپ، ەكى جەردىڭ «قول ۇستاسۋ» اتىنداعى كىشكەنتاي دوستاردىڭ ءوزارا بارىس ـ كەلىس، اۋىس ـ كۇيىس جاساۋ، توعىسۋ قيمىلىن ورىستەتەدى.

  شىڭگىل اۋدانى شىڭگىل قالاشىعى 1 ـ باستاۋىش مەكتەبى 6 ـ جىلدىعىنىڭ وقۋشىسى ارىن تولەۋبەك ۇلى وسى رەتكى جازعى لاگەر قيمىلىنىڭ مۇشەسى. حيلۇڭجياڭ ولكەسىندەگى كىشكەنتاي دوستارمەن كەزدەسەتىنىن ەستىگەندە ونىڭ قۋانىشى قوينىنا سيمادى.

  ارىن بىلاي دەدى:«بۇگىن حيلۇڭجياڭ ولكەسىنە اتتانعالى تۇرمىز، قۋانىشىمدا شەك جوق. حيلۇڭجياڭعا بارعاننان كەيىن ول اراداعى پيونەرلەرمەن بارىس ـ كەلىس جاسايمىز، ولارعا كورىكتى اتا مەكەنىم التايدى تانىستىرامىن، ولاردى التايدى ءتۇسىنىپ، شينجياڭداعى ءار ۇلت وسپىرىمدەرىنىڭ پارتيانىڭ ماپەلەۋىندە ەسەيىپ ـ ەرجەتىپ، الاڭسىز ۇيرەنىپ جاتقانىن ۇعىندىرامىن. مەكتەپكە قايتىپ كەلگەننەن كەيىن وسى رەتكى قيمىلدان كورگەن ـ بىلگەندەرىمدى ساباقتاستارىما جەتكىزىپ، قۇلشىنا ۇيرەنىپ، جاڭا ٴداۋىردىڭ تاڭداۋلى پيونەرى بولامىن».

  وسى رەتكى قيمىل بالالاردىڭ كوز اياسىن كەڭەيتىپ، ءبىلىم الاتىن، ۇيرەنەتىن دانەكەرى بولىپ قالماستان، التاي ايماعى مەن حيلۇڭجياڭ ولكەسىندەگى وسپىرىمدەردىڭ بارىس ـ كەلىس، اۋىس ـ كۇيىس جاساۋىن، توعىسۋىن جەبەپ، ولاردى پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە جەتەلەيدى.

  اتا ـ انالاردىڭ ۋاكىلى لۇي فۋجۋان بىلاي دەدى: «وسى رەتكى جازعى لاگەر قيمىلى بالالارعا تاماشا شارت ـ جاعداي ازىرلەدى. بالالار جەر كورىپ، كوپ نارسەلەردى ۇيرەنەتىن بولدى».

  7 ـ ايدىڭ 7 ـ كۇنى ايماعىمىز جيلين ولكەسىنىڭ «وسپىرىمدەردىڭ قول ۇستاسۋ، دوستاسۋ، توعىسۋ تاربيەسى» اتىنداعى كوڭىل توعىستىرۋ جازعى لاگەر قيمىلى سالتىن وتكىزدى. ٴوسپىرىم بالالاردان جانە جەتەكشىلەردەن 45 ادام جيلين ولكەسىنە ەكى جەردەگى كىشكەنتاي دوستاردىڭ «قول ۇستاسۋ» قيمىلىن ورىستەتۋگە اتتاندى.

  قيمىل بارىسىندا ايماعىمىز بەن جيلين ولكەسىندەگى ءوسپىرىم بالالار ءوزارا بارىس ـ كەلىس جاساۋ ارقىلى پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ سەنىمىن بارىنشا كۇشەيتىپ، وتاندى، اتا مەكەندى ءسۇيىپ، اناعۇرلىم تىنىش، كورىكتى، باياشات، جاڭا التاي قۇرۋدا ورتاقتىققا كەلۋىن جەبەپ، وتانشىلدىق، العىس ايتۋ سەزىمى مەن ەلگە ەڭبەك ٴسىڭىرۋ جىگەرىن جانيدى.

  ايماقتىق وداق كوميتەتىنىڭ شۋجيى ابدىمانەن اقىمەتقالي ۇلى بىلاي دەدى: «حيلۇڭجياڭ، جيلين ەكى ولكەمەن ‹قول ۇستاسۋ› اتىنداعى كىشكەنتاي دوستاردىڭ يدەيا، سۇيىسپەنشىلىك جاقتاعى اۋىس ـ كۇيىسى ارقىلى التايداعى وسپىرىمدەر جۇڭحۋا ۇلتىنىڭ وتانىمىزدىڭ جەر ـ جەرىنە ورنالاسقان ۇلت ەكەنىن، ولاردىڭ تۇرمىس سالت ـ ساناسى ۇقساماسا دا، تامىرى بىتە قايناسقان تۋىسقانداردان قۇرالعان ءىرى شاڭىراق ەكەنىن سەزىنەدى».

  حابارعا قاراعاندا، وسى جولعى كوڭىل توعىستىرۋ جازعى لاگەرى قيمىلىنا قاتىناسقان 104 ٴوسپىرىم ايماعىمىزدىڭ«ۇعىسۋ، تيىمدىلىك جاساۋ، توعىستىرۋ» قىزمەت اترەتى مۇشەلەرىنىڭ پەرزەنتتەرى مەن اۋىل ـ قىستاقتاعى وسپىرىمدەر ىشىنەن تاڭدالعان. وسى رەتكى قيمىلعا قاتىناسقان وسپىرىمدەر 7 ـ ايدىڭ 18 ـ كۇنى التايعا قايتادى.

  اۋدارعان: ناعيما ءتۇسىپنابي قىزى

جاۋاپتى رەداكتور: قابىلقان ايتقابىل ۇلى
  • التاي ايماعى بالىق اۋلاۋعا تيىم سالىپ، سۋ ونىمدەرىن قورعاۋعا بارىنشا كۇش سالدى
  • جەمەنەي اۋدانى قالاشىق كوركىن اسىرۋدى مىقتى يگەردى
  • پارتيا قۇرىلعاندىعىنىڭ 97 جىلدىعىن قۇتتىقتاۋ جەللەس قيمىلدارى جالعاسىن تاپتى
  • كوكتوعايدىڭ جانعا جايلى، سالقىن، باۋ- باقشالى كورىنىس رايونى