اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ماسادان قورعانۋ بۇيىمدارىن تاراتىپ، قىستاق تۇرعىندارىنىڭ دەنساۋلىق اقاۋسىزدىعىن قامتاماسىزداندىردى

التاي گازەتىنىڭ پراكتيكانت ءتىلشىسى مەرەي، ەرىكتى ءتىلشى ۋاڭ كۋان، ليۋ ميحۋا حابارلايدى.

  شىلدەنىڭ شىلىڭگىر ىستىعى قابا اۋدانىنىڭ ساربۇلاق قالاشىعى القابەك، قىزىلقايىڭ قىستاقتارىندا ماسا ـ شىركەيدىڭ ەڭ قاپتايتىن مەزگىلى.

  قىستاق تۇرعىندارىنىڭ دەنساۋلىق اقاۋسىزدىعىن قامتاماسىزداندىرىپ، ماسا ـ شىركەيدەن ساقتانۋ بىلىمدەرىن جالپىلاستىرۋ ءۇشىن، تاياۋدا، ايماقتىق مادەنيەت ـ دەنە تاربيە، راديو ـ تەلەۆيدەنيا، اقپارات ـ باسپا ءسوز مەكەمەسىنەن القابەك، قىزىلقايىڭ قىستاعىندا تۇراتىن قىزمەت اترەتى بۇقارانىڭ ويلاعانىن ويلاپ، حالىق ءۇشىن ناقتى ءىس ىستەۋ قاراجاتىن قولعا كەلتىرىپ، قىستاق تۇرعىندارىنا ماسا جولامايتىن ماي، تۇمشالانعان باس كيىم، تۇتاتقىش قاتارلى ماسا ـ شىركەيدەن ساقتاندىرۋ بۇيىمدارىن تاراتىپ بەردى.

  قىستاق تۇرعىندارىنا ماسا ـ شىركەيدەن ساقتانۋ، جويۋ بىلىمدەرىن ىشكەرىلەي ۇيرەتۋ ءۇشىن، قىزمەت اترەتىندەگىلەر ماسا ـ شىركەيدەن ساقتانۋ، جويۋ بىلىمدەرىن جالپىلاستىرۋدىڭ ارناۋلى تاقىرىپتىق ۇگىت قيمىلىن بەلسەنە ورىستەتىپ، دەنساۋلىق ساقتاۋ، جۇقپالى اۋرۋدىڭ الدىن الۋ تاراۋلارىنىڭ قىزمەتكەرلەرىن ۇسىنىس ەتىپ، ماسا ـ شىركەيدىڭ كوبەيۋى، ساقتانۋ ٴادىسى، جويۋ جانە ماسا ـ شىركەي شاققاننان كەيىنگى ەمدەۋ قاتارلى بىلىمدەردى ەگجەي ـ تەگجەيلى ۇيرەتتى. سونىمەن بىرگە، قىزمەت اترەتى تاعى «ماسا ـ شىركەيدەن ساقتانۋ قولدانباسى» قاتارلى ۇگىت ماتەريالدارىن تاراتىپ، تۇرعىنداردىڭ قارسى الۋىنا يە بولدى.

  اۋىلىنا قايتقان ستۋدەنت تۇرسىن مۇقاماش ۇلى بىلاي دەدى: «قىزمەت اترەتى ٴبىزدىڭ ناعىز جان اشىرلارىمىز، ولار تۇرعىنداردىڭ كىشى ـ گىرىم ىستەرىنە دە باس قاتىرادى. ماسا ـ شىركەيدەن ساقتانۋ بۇيىمدارى بىزگە ءدال ۋاقىتىندا جەتكىزىلدى، وتە قولايلى ەكەن».

  القابەك، قىزىلجار قىستاعىنىڭ ٴبىرىنشى شۋجيى، قىزمەت اترەتىنىڭ باستىعى كۇڭ ۋي ـ ۋي بىلاي دەدى: «قىستاق تۇرعىندارىنىڭ قيىنشىلىعى مەن قاجەتى قىزمەت اترەتىمىزدىڭ قىزمەت بەتالىسى. قىستاق تۇرعىندارىنىڭ سەنىمى بىزگە ەڭ زور شابىت. بۇدان بىلاي نەگىزگى ساتىعا جالعاستى تامىر تارتىپ، بۇقارا ءۇشىن كوپتەپ يگى، ناقتى ىستەر ىستەيمىز».

جاۋاپتى رەداكتور: قابىلقان ايتقابىل ۇلى
  • التاي ايماعى بالىق اۋلاۋعا تيىم سالىپ، سۋ ونىمدەرىن قورعاۋعا بارىنشا كۇش سالدى
  • جەمەنەي اۋدانى قالاشىق كوركىن اسىرۋدى مىقتى يگەردى
  • پارتيا قۇرىلعاندىعىنىڭ 97 جىلدىعىن قۇتتىقتاۋ جەللەس قيمىلدارى جالعاسىن تاپتى
  • كوكتوعايدىڭ جانعا جايلى، سالقىن، باۋ- باقشالى كورىنىس رايونى