اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

بۋىرشىندا ىقتاسىن ورمان ەگىنجايدىڭ «جاسىل قالتقىسىنا» اينالدى

  بۋىرشىن اۋدانىنداعى ىقتاسىن ورمان بەلدەۋى ەگىنجايلاردىڭ جاسىل قالتقىسىنا اينالىپ، 450 مىڭ مۋدان استام جەردەگى ەگىس داقىلدارىنان مول الۋعا كەپىل ازىرلەندى.

  ەگىنجاي ىقتاسىن ورمان بەلدەۋى سۋدىڭ سارىپ بولۋى مەن توپىراقتىڭ شايىلۋىنان ساقتانىپ، بوراندى توسىپ، قۇمدى تىزگىندەپ، سۋ قاينارىن مولايتىپ، اۋىل شارۋاشىلىعى ەكولوگيالىق ورتاسىن جاقسارتۋ، ەگىس داقىلدارىنىڭ ءتۇسىمىن ارتتىرۋ، وڭىرلىك كليمات شارت- جاعدايىن جاقسارتۋ سياقتى جاقتاردا ماڭىزدى رول اتقارادى. جۋىرداعى جىلداردان بەرى جارعاق استىندا تامشىلاتىپ سۋارۋ تەحنيكاسىنىڭ جالپىلاسۋى مەن قولدانىلۋىنا ساي، ەگىنجايلارعا تامشىلاتىپ سۋارۋ جابدىعى ورناتىلدى. دەسەدە ەگىنجاي ىقتاسىن ورمانى كولكىتىپ سۋارۋعا سۇيەنىپ كەلگەندىكتەن، توعان سۋ جەتكىزۋ قۋاتىنان ايىرىلىپ، توعان ارقىلى سۋارىلاتىن ەگىنجاي ىقتاسىن ورمانى سۋ جەتىسپەۋ سەبەبىنەن قۋراۋعا اينالدى.

  بۋىرشىن اۋدانى كەدەيلىكتەن قۇتىلدىرۋدان قامال الۋ جانە ەكولوگيالىق ورتانى قورعاۋ قالپىنا كەلتىرۋ ينجەنەرياسىنا ۇشتاستىرىپ، ەگىنجاي ورمان بەلدەۋىن قالىپتاستىرۋ تەبىنىن ارتتىرۋمەن بىرگە 1 ميلليون 500 مىڭ يۋان ارناۋلى قارجى جۇمساپ، ەگىنجاي ىقتاسىن ورمان بەلدەۋىنە جاڭادان اعاش ەگىپ، ورمان وتىرعىزدى، سونىمەن بىرگە ءتيىمدى ساياسات شىعارىپ، قۋراعان اعاشتىڭ ورنىنا اعاش ەگۋ، بۇرىنعى ەگىنجاي ىقتاسىن ورمان بەلدەۋىن قورشاۋ، توڭىرەگىنە قىر شىعارۋ، سۋ جەتكىزۋ، تولىقتاپ اعاش ەگۋ سياقتى شارالاردى قولدانىپ، قۇرىلىمى بەرىك، يقۋاتى كەمەلدى ەگىنجاي ىقتاسىن ورمان بەلدەۋىن قۇرۋعا كۇش سالدى.

  بۋىرشىن اۋدانى قوستىق قالاشىعى كوكدالا قىستاعىنىڭ سولتۇستىك وڭىرىندە جىل بويى بوران ازىناپ، توپىراق قۇمايتتانىپ، ەگىستىك جەردىڭ جاعاسىنداعى توعاندى ونەمى قۇم باسىپ، ەگىس داقىلدارىنىڭ ءتۇسىمىن ارتتىرۋعا بەلگىلى ىقپال جاساپ كەلگەن بولاتىن. بيىل كوكدالا قىستاعىنىڭ تۇرعىنى لي فۋچۋان توعان جاعاسىنا تولىقتاپ اعاش قالامشاسىن ەكتى.

  كوكدالا قىستاعىنىڭ تۇرعىنى لي فۋچۋان: ءارجىلى قۇمدى بوران ەككەن ەگىنىمىز بەن تامشىلاتىپ سۋارۋ تاسپاسىن، سۋلياۋ جارعاقتى ۇشىرىپ، ەگىننەن مول ءونىم الا المايتىنبىز.

  بيىل كوكدالا قىستاعى جەردى بىرىكتىرۋ نىسانىن اتقارىپ، قىستاق كوللەكتيۆىنەن 30 مۋ جەر شىعارىپ، اتىز جاعالاۋىنا اعاش ەگىپ، ورمان وتىرعىزدى. سونىمەن قاتار جازعىتۇرىم توعانعا سۋ قويا بەرۋدەن بۇرىن ورمان بەلدەۋىنىڭ ەكى جاعالاۋىنىڭ قىرى مەن سۋ توسۋ بوگەۋىن بيىكتەتۋ، قۇمدى توسۋ ونىمدىلىگى جوعارى، جەتىلۋى جاقسى تال ەگۋ، قۋراۋعا اينالعان اعاشتى سۋارۋ شاراسىن قولداندى.

  قوستىق قالاشىعى كوكدالا قىستاعى پارتيا ياچەيكاسىنىڭ ءبىرىنشى شۋجيى مامىربەك: كوكدالا قىستاعىندا 8 ىقتاسىن ورمان بەلدەۋى بار، ءبىر ورمان بەلدەۋىنىڭ ۇزىندىعى 3 كيلومەتر اينالاسىندا، تۇرعىن ءۇي جانە قالا-اۋىل قۇرىلىسى مەكەمەسى جازعىتۇرىم قىزمەتكەرلەردى ۇيىمداستىرىپ، 3 كيلومەترلىك ىقتاسىن ورمان بەلدەۋىنىڭ جاعاسىن بيىكتەتىپ، ويداعىداي سۋارىلۋىنا كەپىلدىك ەتتى. ەكولوگيالىق ورتانى قورعاۋ بۇلتارتپاس جاۋاپكەرشىلىگىمىز ەسەپتەلەدى. مۇنان بىلاي ىقتاسىن ورمان بەلدەۋىن قورعاۋ شاراسىن اتقارىپ، ەگىلگەن اعاشتىڭ ويداعىداي قاتارعا قوسىلۋىنا كەپىلدىك ەتەمىز.

  ءارجىلعى جازعىتۇرىم مەن جاز ماۋسىمىنىڭ ءولاراسىندا قۇمدى بوران ازىناپ تۇراتىندىقتان، ەگىنجاي ىقتاسىن ورمان بەلدەۋى قۇمدى بوراندى توسۋ، اتىزدىڭ ءوندىرىس حاۋىپسىزدىگىن قامتاماسىز ەتۋ رولىن اتقارۋدا.

  قوستىق قالاشىعى كوكدالا قىستاعىنىڭ تۇرعىنى لي فۋچۋان: ۇكىمەت ءتيىمدى ساياسات شىعارىپ، اعاش قالامشاسىن تولىقتاپ ەكتى، ەگىلگەن اعاشتى ويداعىداي قاراپ، قۇمدى بوراننان ساقتانىپ، ەكولوگيالىق ورتانى ويداعىداي قورعاۋعا كۇش سالامىز.

  قازىر بۋىرشىن اۋدانىنداعى 450 مىڭ مۋلىق ەگىنجاي ىقتاسىن ورمانى بەلدەۋى اۋىل شارۋاشىلىعىنىڭ ەكولوگيالىق ورتاسىن قورعاپ، جاراتىلىستىق اپاتقا توتەپ بەرۋدە كورنەكتى رول اتقارۋدا، 10 مىڭعا تاياۋ ديحان ىقتاسىن ورماننىڭ يگىلىگىن كورۋدە.

جاۋاپتى رەداكتور: قابىلقان ايتقابىل ۇلى
  • التاي ايماعى بالىق اۋلاۋعا تيىم سالىپ، سۋ ونىمدەرىن قورعاۋعا بارىنشا كۇش سالدى
  • جەمەنەي اۋدانى قالاشىق كوركىن اسىرۋدى مىقتى يگەردى
  • پارتيا قۇرىلعاندىعىنىڭ 97 جىلدىعىن قۇتتىقتاۋ جەللەس قيمىلدارى جالعاسىن تاپتى
  • كوكتوعايدىڭ جانعا جايلى، سالقىن، باۋ- باقشالى كورىنىس رايونى