اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

شىڭگىلدە تۇتاس وڭىرلىك ساياحاتتىڭ جاڭا كۇيى تۇلعالانۋدا

  بيىل شىڭگىل اۋدانىنداعىلار «ساياحات كاسىبىن تۇلعا ەتۋ، ءبىرىنشى كاسىپكە قوزعاۋشىلىق ەتۋ، ەكىنشى كاسىپتى بيىك كوتەرۋ» سىندى دامۋ جۇيەسىنىڭ جوعارى دەڭگەيدە تۇرتكى بولۋىندا، مىڭ شاقىرىمدىق ساياحات كاريدورىنداعى ينجەنەريالاردى وراي رەتىندە قاراپ، ۇشكولدەگى وزگەشە ساحارا مادەنيەتىن سۇيەنىش ەتىپ، تۇتاس وڭىرلىك ساياحات كاسىبىنىڭ جاڭا كۇيىن تۇلعالاۋعا كۇش سالدى.

  بيىل شىڭگىل اۋدانى 13 ميلليون يۋان قارجى جۇمساپ، ءۇش كولدەن 16 كيلومەترلىك 4 ساياحات جولىندا جاسىلداندىرۋ ينجەنەرياسىن اتقارىپ، ءۇش كول ساياحات رايونىنان اۆتوكولىك توقتاتۋ ورنىن جانە 7 ساياحات ايالداماسىن سالدى.

  شەتكى كول، ورتاڭعى كول جانە شىبار كولدەن قۇرالعان ءۇش كول ءبىر-بىرىمەن تۇتاسىپ جاتادى، شىڭگىل اۋدانىنىڭ تابيعي كوركەم كورنىسى مەن گۋمانيتارلىق مادەنيەتى تىعىز ۇشتاسقان ساياحات كورنىس رايونى ەسەپتەلەدى. جاسىلداندىرۋ ينجەنەرياسىنىڭ اتقارىلۋىنا ساي، شىلدەنىڭ باسىندا ءۇش كولدە الۋان ءتۇرلى گۇل قۇلپىرا اشىلىپ كوزدىڭ جاۋىن الادى. وسىمەن قاتار ءۇش كولدەگى الىپ تاس قورىمى، بۇعى تاس سياقتى بايىرعى تاساتتىق مادەنيەتى ۇش كول كورنىس رايونىنا سىرلى تۇس قوستى. بيىل ساياحات جولىنىڭ اشىلۋىنا جانە ءۇش كول ساياحات قۇرىلعىلارىنىڭ بىرتىندەپ كەمەلدەنۋىنە بايلانىستى وسى اراعا ساياحاتتاي كەلۋشىلەر كوبەيدى.

  ساياحاتشى: كوركەم كورىنىستەردى تاماشالاپ كوڭىلىم كوتەرىلىپ، رۋحىم سەرگىپ قالدى.

  ساياحاتشى: كورىنىس تاماشالاۋ تەكشەسىنەن وزەن- كولدەردى تاماشالاپ، ۇلى تابيعاتتىڭ كەرەمەتىن سەزىندىك.

  مالشىلار ساياحاتشىلاردىڭ كوبەيۋ ورايىن مىقتى ۇستاپ، كورىنىس رايونىنىڭ جول جاعاسىنان تاعامجاي اشتى.

  شاعانعول اۋىلى بوتامويىن قىستاعىنىڭ تۇرعىنى گۇلميرا: شىلدە مەن تامىزدا كورنىس رايونىنا ساياحاتتاپ كەلەتىندەر مولايادى، وسى ەكى ايدا 100 مىڭ يۋان پايدا تابامىز.

  ايماعىمىزدىڭ ساياحات كاسىبىن ساپالى دامىتۋ جونىندەگى قىزمەت ماجىلىسىندە «ويداعىداي جوبالاۋ، ساياحات جولىن اشۋ، تانىمالدىق قالىپتاستىرۋ، ويداعىداي تانىستىرىپ ۇگىتتەۋ، كاسىپتىڭ دامۋىنا تۇرتكى بولۋ» سىندى بەس ءتۇرلى تالاپ ورتاعا قويىلدى، سارا ساياحات جەلىسىن اشۋدى كوزدە ۇستاعان شىڭگىل اۋدانى جاڭادان ەكى ساياحات كاسىپورنىن قۇرىپ، 4 ساياحات لەنياسىن اشىپ، كورنىس رايونى مەن كورنىس تۇيىندەرىنىڭ ورنالاسۋىن جاقسىلاپ، ءتۇيىن ارقىلى كولەمدى جەتەكتەپ، ساياحات كاسىبىنىڭ دامۋىن ىلگەرلەتتى.

  شىڭگىل اۋدانى ساياحات كاسىبىن قارجىلاندىرۋ سەرىكتەستىگى نىسان ءبولىمىنىڭ ديرەكتورى جاڭ لەي: شىڭگىل اۋدانىنىڭ ءۇش كول كورنىس رايونى وزگەشە مادەني، تاريحي قۇنعا يە، مۇندا مەملەكەت بويىنشا قورعالاتىن مادەني مۇرادان سىرت الىپ تاس قورىم، بۇعى تاس سياقتى سىرلى ساياحات تۇيىندەرى بار، التايدىڭ مىڭ شاقىرىمدىق ساياحات كاريدورى جوباسىنا سۇيەنىپ، شىعىستا ساياحات جولىن اشىپ، جانبۇلاق پەن كوكتوعايدىڭ جولىن ءۇش كولگە تۇتاستىرىپ، كورىنىسى كوز تارتاتىن ساياحات جەلىسىن اشۋعا قۇلشىنامىز.

  ۇستەگى جىلدىڭ العاشقى جارتىسىندا شىڭگىل اۋدانىندا قابىلدانعان ساياحاتشى سانى 180 مىڭ ادام-رەتكە جەتىپ، وتكەن جىلعى وسى مەزگىلدەگىدەن ٪8.77 ارتتى؛ ساياحات كىرىسى 67 ميلليون 685 مىڭ يۋان بولىپ، وتكەن جىلعى وسى مەزگىلدەگىدەن ٪38.6 ارتتى.

جاۋاپتى رەداكتور: قابىلقان ايتقابىل ۇلى
  • التاي ايماعى بالىق اۋلاۋعا تيىم سالىپ، سۋ ونىمدەرىن قورعاۋعا بارىنشا كۇش سالدى
  • جەمەنەي اۋدانى قالاشىق كوركىن اسىرۋدى مىقتى يگەردى
  • پارتيا قۇرىلعاندىعىنىڭ 97 جىلدىعىن قۇتتىقتاۋ جەللەس قيمىلدارى جالعاسىن تاپتى
  • كوكتوعايدىڭ جانعا جايلى، سالقىن، باۋ- باقشالى كورىنىس رايونى