اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ەكى وزەن باسى جاراتىلىستىق قورىعىندا جابايى جانۋارلار كوبەيدى

  التاي تاۋى مەملەكەت مەنشىگىندەگى ورماندى باسقارۋ مەكەمەسىنىڭ ەكى وزەن باسى جاراتىلىستىق قورىعىنداعى قىزمەتكەرلەر 5- ايدىڭ ورتا شەنىنەن باستاپ قۇرىمتى، كەڭساي، ۇلكەن شىڭگىل، كىشى شىڭگىل، جىڭگە، قوڭىراۋتاس وڭىرلەرىندەگى 700 شارشى كيلومەتر اۋماقتا ءبىر ايدان استام ۋاقىت ءىلبىستىڭ تىرشىلىك جاعدايىن تەكسەرۋ قىزمەتىن ورىستەتتى. ينفرا قىزىل ساۋلەلى اپپارات ارقىلى ءىلبىستىڭ تۇنىق سۋرەتى مەن كەسكىنىن ءتۇسىردى. بۇل التاي تاۋىندا ايماعىمىزداعىلاردىڭ بيىل ينفرا قىزىل ساۋلەلى اپپارات ارقىلى تۇسىرگەن ءىلبىستىڭ تۇڭعىش كەسكىنى ەسەپتەلەدى. بۇل وسى وڭىردەگى ءىلبىستىڭ تارالۋ جاعدايىن ءتۇسىنىپ جۇڭگودا ءتىپتى بۇكىل دۇنيە جۇزىندە ءىلبىس جونىندە نەگىزدىك زەرتتەۋ جۇرگىزۋدە كەلەلى مانگە يە.

  ەكى وزەن باسى جاراتىلىستىق قورىعىنداعى جابايى جانۋارلاردى قورعاۋشى گو جۇنفاڭ: بۇعى، تاۋ ەشكى سەكىلدى قوڭىر اڭدار كوبەيىپ، ءىلبىستىڭ ازىعى جەتكىلىكتى بولعان.

  ەكى وزەن باسى جاراتىلىستىق قورىعىنىڭ جالپى اۋماعى 680 مىڭ 800 گەكتار كەلەدى. وسى ءوڭىر ەرتىس وزەنى مەن ۇلىڭگىر وزەنىنىڭ باستالعان جەرى بولىپ قانا قالماستان التاي تاۋىنداعى ەكولوگيالىق تۇرلەر ەڭ شوعىرلى، ەكولوگيالىق ورنى ەڭ ماڭىزدى، ەكولوگيالىق جۇيەسى ەڭ كەمەلدى ءوڭىر ەسەپتەلەدى. ەكى وزەن باسى جاراتىلىستىق قورىعىنداعىلار وتكەن جىلدان باستاپ ءىبلىستىڭ قيمىلىن باقىلادى. ينفىرا قىزىل ساۋلەلى اپپاراتتاعى مالىمەتتەرگە تالداۋ جاساپ، مەملەكەتتىك ءبىرىنشى دارەجەلى قورعالاتىن جابايى جانۋار ەسەپتەلەتىن ءىلبىس، قۇنى، بۇلعىن، تاۋەشكى قاتارلى 33 ءتۇرلى جابايى جانۋاردىڭ تىرشىلىك جاعدايىن ەستەلىككە الدى.

  ەكى وزەن باسى جاراتىلىستىق قورىعىنداعى جابايى جانۋارلاردى قورعاۋشى گو جۇنفاڭ: ءىلبىس تاۋ قويناۋىندا تىرشىلىك ەتەتىندىكتەن ءىلبىستىڭ بايقالۋى التاي تاۋى ەكولوگياسىنىڭ نەداۋىر جاقسى ەكەنىن بىلدىرەدى، التاي تاۋىندا ءىلبىستىڭ تىرشىلىك ەتۋى التاي تاۋىندا ءىلبىس جونىندە زەرتتەۋ جۇرگىزۋ جاعىنداعى ولقىلىقتى تولتىردى.

  دۇنيە جۇزىندەگى ءىلبىستىڭ سانى 4678، ەڭ كوپ بولعاندا 8745 ەكەنى مەجەلەنگەن. ەلىمىز ءىلبىستىڭ باستى تارالعان جەرى ەسەپتەلەدى، ال، شينجياڭ ءىلبىس تىرشىلىك ەتەتىن وڭىرلەردىڭ وزەگى سانالادى.

جاۋاپتى رەداكتور: قابىلقان ايتقابىل ۇلى
  • التاي ايماعى بالىق اۋلاۋعا تيىم سالىپ، سۋ ونىمدەرىن قورعاۋعا بارىنشا كۇش سالدى
  • جەمەنەي اۋدانى قالاشىق كوركىن اسىرۋدى مىقتى يگەردى
  • پارتيا قۇرىلعاندىعىنىڭ 97 جىلدىعىن قۇتتىقتاۋ جەللەس قيمىلدارى جالعاسىن تاپتى
  • كوكتوعايدىڭ جانعا جايلى، سالقىن، باۋ- باقشالى كورىنىس رايونى