اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

گۇلنۇر قان جاساعىش نەگىز كلەتكا تارتۋ ەتۋشىگە امانداسا باردى

      ايماقتىق پارتكومنىڭ مۇشەسى گۇلنۇر نۇرقالي قىزى 7- ايدىڭ 8- كۇنى بۋىرشىن اۋدانىنا بارىپ، ايماعىمىزداعى قان جاساعىش نەگىز كلەتكا تارتۋ ەتكەن تۇڭعىش ەرىكتى سانالاتىن جاڭ حانىمنان جانە ونىڭ وتباسىنداعىلاردان حال سۇرادى.

     قان جاساعىش نەگىز كلەتكانى كوشىرۋ بۇگىنگى كۇندەردە اق قان اۋرۋىنا شالدىققان ناۋقاستاردىڭ ءومىرىن قۇتقارۋداعى سونداي-اق قان جاساۋ قىزمەتى مەن يممۋنيتەت جۇيەسىنىڭ قىزمەتى كەدەرگىگە ۇشىراۋ سەكىلدى اۋرۋلاردى ەمدەۋدەگى ءونىمدى ءتاسىل سانالادى. قانداستىق قاتىناسى جوقتار اراسىنداعى قان جاساعىش نەگىز كلەتكانىڭ ۇيلەسۋ ىقتيمالدىعى بىرنەشە ون مىڭنان ءبىر مەن ءجۇز نەشە مىڭنان ءبىر ارالىعىندا عانا بولادى. قان جاساعىش نەگىز كلەتكا تيپىنىڭ ۇيلەسۋى ءساتتى بولسا ءارى قان جاساعىش نەگىز كلەتكا تارتۋ ەتۋ تابىستى بولسا، اق قان اۋرۋىنا شالدىققان ناۋقاستى اجالدان اراشالاۋدان جانە ونى اۋرۋدان ايىقتىرۋدان ءۇمىت كۇتۋگە بولادى. 6- ايدىڭ 25-، 26- كۇندەرى بۋىرشىن اۋدانىنداعى ەرىكتى جاڭ حانىم بەيجيڭدە ەمدەلىپ جاتقان اق قان اۋرۋىنا شالدىققان ناۋقاس ادامدى قۇتقارۋ ءۇشىن قان جاساعىش نەگىز كلەتكاسىنىڭ 320 ميلليليترلىك ارالاس بۋالدىر سۇيىقتىعىن ءساتتى اتاپ، ايماعىمىزداعى قانداستىق قاتىناسى جوق جاعدايدا قان جاساعىش نەگىز كلەتكا تارتۋ ەتكەن تۇڭعىش ادامعا اينالعان ەدى. جاڭ حانىم 2012- جىلى ءبىر رەت تەگىن قان بەرگەن سوڭ جٷڭحۋا جىلىك مايى قامباسىنىڭ ەرىكتىلەر تىزىمىنە ءوزىنىڭ اتىن جازىپتى. بيىل 3- ايدا جاڭ حانىمعا بۋىرشىن اۋداندىق قىزىل كرەست قوعامىنان تەلەفون كەلگەن ەدى. ءوزىنىڭ قان جاساعىش نەگىز كلەتكاسىنىڭ تيپى ءبىر ناۋقاسقا باستاپقى ۇيلەستىرۋدە ۇيلەسكەنىن ەستىگەن سوڭ جاڭ حانىم سول كەزدىڭ وزىندە قان جاسايتىن نەگىز كلەتكاسىن تارتۋ ەتۋگە ماقۇل بولىپتى. 6- ايدىڭ 26- كۇنى جاڭ حانىمنىڭ قان جاساعىش نەگىز كلەتكا تارتۋ ەتۋى تابىستى بولعان سوڭ جۇڭگو قان جاساعىش نەگىز كلەتكا تارتۋ ەتۋشىلەردىڭ ماتەريال قامباسىنىڭ شينجياڭداعى باسقارۋ ورتالىعى جاڭ حانىمعا قان جاساعىش نەگىز كلەتكا تارتۋ ەتۋ بويىنشا داڭق كۋالىگىن جانە قىزىل كرەست قوعامىنىڭ سۇيىسپەنشىلىك سيلىعىن بەردى. وسىلايشا جاڭ حانىم قان جاساعىش نەگىز كلەتكا تارتۋ ەتۋدە تابىستى بولعان ەلىمىزدەگى 7428- ادامعا، شينجياڭداعى 74- ادامعا، التاي ايماعىنداعى تۇڭعىش ادامعا اينالدى.

      قان جاساعىش نەگىز كلەتكا تارتۋ ەتۋشى جاڭ حانىم: قارسى جاقتىڭ كىم ەكەنىن بىلمەسەم دە ءوزىمنىڭ ازىناۋلاق جاپا تارتۋىممەن الگى ناۋقاستىڭ ءومىرىن جالعاستىرۋىنا مۇمكىندىك جاسايتىنىمدى ويلاعاندا وتە تاتيتىن ءىس دەپ سانادىم.

     جاڭ حانىم اق قان اۋرۋىنا شالدىققان ادامدى اجالدان اراشالاۋ ءۇشىن قان جاساعىش نەگىز كلەتكاسىن تارتۋ ەتۋ ارقىلى قالتقىسىز كومەك كورسەتىپ، «ادامگەرشىلىك، مەيىرىمدىلىك، ۇلەسكەرلىك» سىندى قىزىل كرەست رۋحىن ءىس جۇزىندىك ارەكەتى ارقىلى امالياتتا ايگىلەپ، قوعامنىڭ ءار سالاسىنداعىلاردىڭ الەۋمەتتىك يگىلىك ىستەرىنە ىقىلاسپەن اتسالىسۋىندا، قالتقىسىز ءوزىن ارناپ مەيىر- شاپاعات كورسەتۋ رۋحىن ساۋلەلەندىرۋىندە ۇلگى- ونەگە كورسەتتى.

      گۇلنۇر جاڭ حانىمنىڭ ۇيىنە بارعاندا جاڭ حانىمنىڭ قان جاساعىش نەگىز كلەتكا تارتۋ ەتكەننەن كەيىنگى دەنساۋلىعىنىڭ قالپىنا كەلۋ جاعدايى مەن تۇرمىس جاعدايىن ۇعىسىپ، ول كىسىنىڭ ونەگەلى ارەكەتىن ايىرىقشا القادى ءارى جاڭ حانىمعا گۇل ۇسىنىپ، حال سۇراۋ قاراجاتىن بەردى.

     قان جاساعىش نەگىز كلەتكا تارتۋ ەتۋشى - جاڭ حانىم: جۇبايىمنىڭ، اكە- شەشەمنىڭ، قوعامداعى ىزگى نيەتتى جانداردىڭ قولداۋىندا قان جاساعىش نەگىز كلەتكا تارتۋ ەتۋىم تابىستى بولدى. بارلىعىنا راحىمەت.

    جاڭ حانىم قوعامنىڭ ءار سالاسىنداعىلارعا العىس ايىتتى ءارى قازىر دەنساۋلىعىنىڭ قالپىنا كەلۋ جاعدايى وتە جاقسى ەكەنىن، مۇنان بىلاي دا قان جاساعىش نەگىز كلەتكا تارتۋ ىسىنە مۇمكىندىكتىڭ بارىنشا اتسالىسىپ، ۇلگى كورسەتۋ، باستاماشىلدىق ەتۋ رولىن بەلسەنە ساۋلەلەندىرىپ، قان جاساعىش نەگىز كلەتكا تارتۋ ەتۋ ىسىنە ۇلەس قوساتىنىن ءبىلدىردى.

     گۇلنۇر جاڭ حانىم قىزمەت ىستەپ جاتقان كاسىپورىنعا «ادامگەرشىلىك رۋحى، شەكسىز سۇيىسپەنشىلىك، اسىل قاسيەت ايگىلەندى» دەگەن داڭق گراموتاسىن بەردى.

جاۋاپتى رەداكتور: ايدوس بازارحان ۇلى
  • التاي ايماعى بالىق اۋلاۋعا تيىم سالىپ، سۋ ونىمدەرىن قورعاۋعا بارىنشا كۇش سالدى
  • جەمەنەي اۋدانى قالاشىق كوركىن اسىرۋدى مىقتى يگەردى
  • پارتيا قۇرىلعاندىعىنىڭ 97 جىلدىعىن قۇتتىقتاۋ جەللەس قيمىلدارى جالعاسىن تاپتى
  • كوكتوعايدىڭ جانعا جايلى، سالقىن، باۋ- باقشالى كورىنىس رايونى