اعاجاي-التاي تورابى   ›   اقپارات ايدىنى   ›   سۋرەتتى حابارلار

التاي ايماعى بالىق اۋلاۋعا تيىم سالىپ، سۋ ونىمدەرىن قورعاۋعا بارىنشا كۇش سالدى

ءتىلشىمىز جۋ ءدان -دان حابارلايدى.

  ءار جىلعى 4 –ايدىڭ 1 – كۇنىنەن 7- ايدىڭ 31 – كۇنىنە دەيىن، بارلىق تابيعي سۋ الاپتارىندا ءبىر تۇتاس بالىق اۋلاۋعا تيىم سالىنادى. ءتيىم سالۋ مەزگىلىندە ءارقانداي بالىق اۋلاۋ ارەكەتىنە قاتاڭ تەجەۋ الىپ بارىلادى. ايماعىمىزدىڭ بيىلعى بالىق اۋلاۋعا تيىم سالۋ مەزگىلى اقىرلاسۋعا تاياسادا، تيىم سالۋ قىزمەتى ءالى دە قاۋىرت جۇرگىزىلۋدە، تيىم سالۋ ناتيجەسى دە ءبىرشاما كورنەكتى بولعان.

  بىرنەشە جىلدىق قۇلشىنىستىڭ ارقاسىندا، ەرتىس وزەنىنىڭ جوعارعى اعارىنداعى بۋىرشىن وزەن الابىندا، التاي قالاسى وزەن الابىندا توپ- توبىمەن جۇزگەن بالىقتاردى ءار جەردەن كورۋگە بولادى. تۇرقى زور، تابان بالىق قاتارلى كوپ جىلدار بويى كورىنبەي كەتكەن بالىقتاردى دا قاي-قاي جەردەن جەردەن كورۋگە بولادى. سونىڭ ارقاسىندا بالىق شارۋاشىلىعى بايلىعى كورنەكتى ناتيجەدە  قالپىنا كەلۋ  ۇستىندە.

  بالىق اۋلاۋعا تيىم سالۋ مەزگىلىندە، باقىلاۋدى كۇشەيتىپ، تيىم سالۋ ءتارتىبىن قاتاڭ رەتكە سالدى. التاي ايماعى تابيعي سۋ الاپتارىندا بالىق اۋلاۋعا تيىم سالۋ مەزگىلىندەگى باسقارۋ قىزمەتىن كۇشەيتىپ، زاڭ اتقارۋ قىزمەتكەرلەرىن ۇيىمداستىرىپ، ارالاپ تەكسەرۋ قىزمەتىنىڭ ءونىمدىلىگىن جوعارىلاتىپ، تيىم سالۋ مەزگىلىندە بالىق شارۋاشىلىعى بايلىعىنا اۋىر زيان جەتكىزگەن زاڭعا قايشى ارەكەتتەردى تۇيىندى تۇردە انىقتاپ تەكسەردى.

  سونىمەن قاتار، پارتيالى كادرلار مەن جۇرتشىلىققا بولعان  ۇگىت- تاربيەنى كۇشەيتىپ ماقساتىمەن، تۇتاس رايوننىڭ ءاربىر اۋىل- قالاشىق، قىستاقتارىندا دۇيسەنبى كۇنى تاڭەرتەڭ تۋ شىعارۋ  مەزگىلىندە جۇرتشىلىققا ۇگىتتەۋ-ءتۇسىندىرۋ جۇرگىزۋ، ءۇگىت- ءناسيحات ماتەريالدارىن تاراتىپ، ۇگىت جۇرگىزۋ ماشيناسىن شىعارۋ، «بالىق اۋلاۋعا تيىم سالۋ قۇلاقتاندىرۋىن» جاپسىرۋ قاتارلى ءبىرسىپىرا فورمالار ارقىلى، بالىق اۋلاۋعا تيىم سالۋ باقىلاپ- باسقارۋ قىزمەتىنە ويداعىداي ۇگىتتەۋ الىپ باردى جانە اشكەرەلەۋ تەلەفونىن ورناتىپ، زاڭ اتقارۋ  ونىمدىلىگىن كۇشەيتىپ، قوعامنىڭ باقىلاۋ- قاداعالاۋىن قابىلدادى.

  ايماقتىق بالىق شارۋاشىلىعى جۇمىستارىن باسقارۋ ورتالىق پۋنكتىنىڭ پۋنكت باستىعى لۇي تاۋ:« جاقىنعى جىلداردان بەرى، التاي ايماقتىق پارتيا كوميتەتى مەن اكىمشىلىك مەكەمەسىنىڭ دۇرىس باسشىلىعىندا، التاي ايماقتىق سۋ ءونىمدەرى مەكەمەسى تابيعي سۋ الابىندا بالىق اۋلاۋعا تيىم سالۋدى باسقارۋ قىزمەتى ايماقتىڭ تابيعي ەكولوگيانى قورعاۋدىڭ ءبىرىنشى قارارلىق تالابىن ويداعىداي ورىنداۋ بولىپ قارالادى دەگەن تانىمدى تىعىز ارقاۋ ەتىپ، بالىق اۋلاۋعا تيىم سالۋ قىزمەتىن مۇقيات ءورىس الدىرىپ، ايماعىمىزدىڭ بالىق شارۋاشىلىعى بايلىعىنىڭ ءونىمدى قورعالۋىن، بالىق شارۋاشىلىعى ءوندىرىسىنىڭ ءتارتىپتى جۇرگىزىلۋىن، زاڭعا قايشى بالىق اۋلاۋ  قىلمىستارىنىڭ بىرتىندەپ ازايۋىن، جابايى بالىقتىڭ اتىن جامىلىپ ساۋدالاۋ ارەكەتتەرىنىڭ تەجەلۋىن، بالىق باعىپ-ءوسىرەتىن سۋ الاپتارىنداعى بالىق تۇرلەرىنىڭ قامداۋى جەتىلىكتى بولۋى قاتارلىلاردى قامتاماسىز ەتتى.

  قازىرگە دەيىن، زاڭعا قايشى بالىق اۋلاۋ دەلولارىنان 11 دەلو تەكسەرىپ ءبىر جايلى ەتىلىپ، 600 نەشە بالىق اۋلاۋ جابدىعىن جويىلىپ، زاڭعا قايشى اۋلانعا ەكى توننانىڭ ۇستىندەگى  بالىقتى مۇسادىرالاپ، ءبىر جارىم توننادان استام بالىقتى سۋ ايدىنىنا  قويا بەرىپ، سۋ ونىمدەرىنىڭ ءوسىپ- جەتىلۋىنە بارىنشا كەپىلدىك ەتىپ، زاڭسىز بالىق اۋلاۋ ارەكەتتەرىنىڭ تۋىلماۋىنا شىنايى كەپىلدىك ەتتى.

اۋدارعان: قىمبات قۇنتاي قىزى

جاۋاپتى رەداكتور: قابىلقان ايتقابىل ۇلى
  • جەمەنەي اۋدانى قالاشىق كوركىن اسىرۋدى مىقتى يگەردى
  • پارتيا قۇرىلعاندىعىنىڭ 97 جىلدىعىن قۇتتىقتاۋ جەللەس قيمىلدارى جالعاسىن تاپتى
  • كوكتوعايدىڭ جانعا جايلى، سالقىن، باۋ- باقشالى كورىنىس رايونى
  • كورىكتى بولباداي جايلاۋى