اعاجاي-التاي تورابى   ›   اقپارات ايدىنى   ›   ءوز حابارلارىمىز

«لۇڭتاي ءنومىرلى» شينجياڭعا باعىتتامالى كومەكتەسۋ ارناۋلى ساياحات پويەزى التايعا جەتتى

ساياحاتشىلار التايدىڭ جاسىل تاۋ،ءمولدىر سۋىن جانە قار-مۇز ساياحاتىن ەمىن-ەركىن تاماشالايتىن بولادى

ءتىلشىمىز جۋ ءدان- دان حابارلايدى.

  7-ايدىڭ 2-كۇنى تۇستەن كەيىن، 500 ساياحاتشى وتىرعان «لۇڭتاي ءنومىرلى» شينجياڭعا كومەكتەسۋ ارناۋلى ساياحات پويەزى بەيتۇن پويەز ايالداماسىنا كىردى. ساياحاتشىلار الداعى 3 كۇندە التايدىڭ ماڭىزدى كورىنىس تۇيىندەرىندە ساياحاتتايدى.

  بۇل ارناۋلى پويەزدەگى ساياحاتشىلاردىڭ باسىم كوبى التايعا تۇڭعىش رەت ساياحاتتاي  كەلۋى. ساياحاتشىلار پويەزدەن تۇسكەن ساتتە تەبىرەنگەن كوڭىل-كۇيلەرىن جاسىرا المادى. قازاق جىگىتىتەرىنىڭ گارمون تارتقان داۋىسى جانە بويجەتكەندەرىنىڭ مىڭ بۇرالعان ۇلتتىق بيلەرىمەن قوسا ۇزاقتان كەلگەن ساياحاتشىلار قۋانا بيگە باستى. ولار قازاق ۇلتىنىڭ ۇلتتىق باس كيىمىن تاعىپ، قازاق بويجەتكەن-جىگىتتەرىمەن بىرلىكتە سۋرەتكە ءتۇسىپ، ەستەلىك قالدىردى. ساياحاتشىلاردىڭ جۇزىندەگى قۋانىش كۇلكىسىنەن التايعا كەلگەن ساياحاتتارىنا ەرەكشە ريزالىعىن بىردەن بايقايسىز.

  جاڭا عانا ارناۋلى پويەزدىڭ ىشىندە 74 جاسقا تولعان تۋىلعان كۇنىن تويلاعان ليۋ گۋو بيڭ اتاي پويەزدەن تۇسىسىمەن ەرىكسىزدەن جۇبايىنا تەزىرەك جۇرۋدى قايتا-قايتا ەسكەرتەدى. شىن پەيىلىمەن التايدىڭ كوركەم كورىنىستەرىن مەيلىنشە قىزىقتاۋعا اسىعادى. ليۋ گۋوبيڭ اتاي: « ەرەكشە تەبىرەنىپ تۇرمىن، بۇل جولى التايدىڭ عاجايىپ تابيعاتىن ءسوزسىز جاقسىراق تاماشالاپ قايتامىن».-دەدى.

  جولاۋشى توسىپ الاتىن 5-ۆاگوننىڭ ەسىگىنىڭ تۇبىندە ءبىر قولىنا گۇل شوعىن، جانە ءبىر قولىنا ۇلتتىق باس كيىم ۇستاعان ۋداپىڭ تاقاتسىزدانا اكە-شەشەسىمەن ەكى قىزىنىڭ پويەزدان تۇسۋىن تاقاتسىزدانا كۇتۋدە. جاقىندارى پويەزدەن تۇسە سالا، كوز شاناعى ساعىنىش جاسىنا تولعان اناسىمەن قاتتى قىسا قۇشاقتاستى، ەكى قىزى دا كورگەن زامان اكەلەرىنىڭ ىستىق قۇشاعىنا قاراي ۇمتىلدى. ىستىق مەيىرگە تولى اسەرلى كورىنىس مايدانداعى ءاربىر جاننىڭ جۇرەگىن جىلىتتى.

  شۇي يان بىلاي دەدى:« ۇلىم ەكەۋمىز كورىسپەگەلى 1 جىل بولدى. تۇڭعىش رەت وسىنشا كوپ ۋاقىت كورىسپەۋىمىز ەكەن. ول قىزمەتكە ءوزىن ارناي بىلەدى، جاقىندارى بولعان بىزدە شىن جۇرەگىمىزبەن قولدايمىز. ۇلىم قىزمەتتەن بوساي الماعانى سەبەپتى، جۇبايىمىز ەكەۋمىز ەكى نەمەرەمىزدى الىپ التايعا كەلدىك».- دەدى.

  ۋداپىڭ :«حاربين تەمىرجول ساياحات كوپەراتيۆنىڭ، حيلۇڭجياڭ ولكەسىنىڭ شينجياڭعا كومەكتەسۋ الدىڭعى شەپ قولباسشىلىق كەڭسەسىنىڭ ورنالاستىرۋىمەن جاقىندارىمنىڭ شينجياڭعا كەلىپ مەنى كورىپ قايتۋعا وراي جاراتقانىنا شىنايى العىس ايتامىن. بۇل جولعى ساياحاتتا، ولار شينجياڭنىڭ سۇلۋ كورىنىسىنەن، وتانىمىزدىڭ بايتاق دا كوركەم تاۋ-وزەنى مەن التايدىڭ جاسىل تاۋ، ءمولدىر سۋ، قار-مۇز ساياحات قالاسىنىڭ اسەم كورىنىسىنەن ءلاززاتتاناتىن بولادى. بولاشاقتا شينجياڭ مەن حيلۇڭجياڭ ولكەسى اراسىنداعى بارىس-كەلىس، اۋىس-كۇيىس، ءوزارا توعىسۋىنىڭ ودان ارى جاقسارا بەرۋىن، ءتىپتى دە مول شينجياڭ ساياحاتشىلارىنىڭ حيلۇڭجياڭعا بارىپ، قارا توپىراقتاعى استىق قامباسىن ساياحاتتاۋىن، حيلۇڭجياڭ ساياحاتشىلارىنىڭ دا التايعا كەلىپ قار-مۇز ساياحات قالاسى مەن التايدىڭ جاسىل تاۋ، ءمولدىر سۋىن تاماشالاۋىن ءۇمىت ەتەمىن».-دەدى.

  بۇل رەتكى« لۇڭتاي ءنومىرلى» شينجياڭعا باعىتتامالى كومەككە كەلگەن ارناۋلى ساياحات پويەزى حاربين تەمىرجول ساياحات كوپەراتيۆى ۇيىمداستىرعان حاربين قالاسىنان توتە شينجياڭنىڭ التاي ايماعىنا قاتىنايتىن بىردەن-ءبىر ساياحات ارناۋلى پويەزى. جۇڭگو تەمىر جول حاربين توبى شەكتى سەرىكتەستىگىنىڭ حيلۇڭجياڭ ولكەسىنىڭ شينجياڭنىڭ التاي ايماعىنا باعىتتامالى كومەك بەرۋ تۇتاس تۇلعالىق قىزمەت جوسپارىنا نەگىزدەلىپ، ساياحاتشىلاردى باۋراۋدى. شينجياڭ ەكونوميكاسى مەن قوعامىنىڭ دامۋىنا قولداۋ كورسەتۋدەگى الىنىپ بارىلعان ناقتىلى ارەكەت- شاراسى بولىپ تابىلادى . بيىل« لۇڭتاي ءنومىرلى» شينجياڭعا باعىتتامالى كومەكتەسۋ ارناۋلى پويەزىنىڭ 7- ، 8- ، 9 – ايلاردا ارت-ارتىنان 9 رەت قاتىناۋى جوسپارلانىپ وتىر.

  التاي ايماعىنىڭ ورىنباسار شۋجيى، حيلۇڭجياڭ ولكەسىنىڭ شينجياڭعا كومەكتەسۋ الدىڭعى شەپ قولباسشىلىعىنىڭ باس قولباسشىسى لي بيڭ : « التاي ايماعىنا كومەك بەرۋ تەبىنىن كۇشەيتۋ، ساياحات كاسىبىن ءتىپتى دە جانداندىرۋ ءۇشىن، بيىل 7- ايدان 10 – ايعا دەيىن «لۇڭتاي ءنومىرلى» شينجياڭعا باعىتتامالى كومەكتەسۋ ارناۋلى پويەزى 10 رەت قاتىنايدى. حيلۇڭجياڭ ولكەسىنىڭ 10 مىڭ ساياحاتشىسى توتە التايعا كەلىپ ساياحاتتاسا، 1 ميلليون شاماسىنداعى حيلۇڭجياڭ ولكەسىنىڭ ساياحاتشىلارىنا زور قوزعاۋشى كۇشىندىك رول اتقارادى. ساياحات پويەزىنىڭ قاتىناۋى التايدىڭ گۋمانتيرالىق مادەنيەت، تابيعات كوركى، ەكولوگيالىق ورتاسىنىڭ احاۋسىزدىعى قاتارلى باسىمدىلىعىنا ۇگىت-جارنامالىق رول ويناپ، ءتىپتى دە مول ساياحاتشىلاردىڭ شينجياڭعا كەلىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ تاماشا جاعدايىن تولىعىمەن سەزىنىپ، حيلۇڭجياڭ ولكەسى مەن التاي ايماعىنىڭ دوستىق-ىنتىماعىنا دانەكەر جانە كوپىرلىك رول اتقارىپ، ەكى ولكە-رايون اراسىنداعى بارىس-كەلىس، اۋىس-كۇيىس، توعىسۋدى تاعى ءبىر قادام ىلگەرلەتەدى».-دەدى.

  التاي ايماعى ساياحات ايگىلى ماركاسىن جاراتىپ، « تاۋى التىن، سۋى ءشاربات»، « مىڭ شاقىرىمدىق ساياحات كاريدورى» رولىن تولىق ساۋلەلەندىرىپ، «ادامزات تىرشىلىگىنىڭ تازا تىنىسى- قاناس »، «قار-مۇز ساياحات قالاسى—التاي» قاتارلى وزەكتى ماركانى كۇش سالا جاراتۋعا قۇلشىنادى. 2018 – جىلعى التاي ايماعىنىڭ العا قويعان انىق ماقساتى: ساياحات كىرىسى مەن ساياحاتتاۋعا كەلگەن ادام سانىن ارتتىرىپ، قابىلدانعان ساياحاتشىلاردىڭ سانىن 210 مىڭ ادام رەت، ساياحات كىرىسىن 210 ميلليارد يۋانعا جەتكىزىپ، ساياحاتشىلاردىڭ ادام باسىندىق تۇتىنۋ كىرىسىن  مىڭ يۋاننان اسىرۋدى جۇزەگە اسىرۋ.

اۋدارعان: قىمبات قۇنتاي قىزى

جاۋاپتى رەداكتور: قابىلقان ايتقابىل ۇلى
  • توقتىنى توراپتا باسكەلەستىرىپ باعالادى
  • ساقاداي سايلانىپ ” ،ءۇش ءتۇرلى كۇش" پەن " ەكى بەتكەيلەرگە " اشىق سايىس جاريالادى
  • كۇنكەلدى گۇلى ساۋىر تاۋىنىڭ سۇلۋ كەلبەتىنە ءتىپتى دە كورىك قوستى
  • التاي قالاسى قاتىناس ساقشىلارى شىلىڭگىر ىستىققا قاراماي، جۇمىس ورىندارىندا قىزمەت اتقارۋدا