اعاجاي-التاي تورابى   ›   زاڭ-تارازى   ›   عىلىمي ماقالالار

تۋدى بيىك ۇستاپ، بولشەكتەۋشىلىككە قارسى تۇرىپ، باستاماشى بولىپ، ىنتىماقتى جەبەيمىن

اۆتونوميالى رايوندىق ەكونوميكا جانە ينفورماتسيالاندىرۋ كوميتەتى زاڭ - ءتۇزىم باسقارماسىنىڭ باستىعى ءانۋار ابدۇراحىمان

         مەن قۇمىلدا تۋعانمىن، بالا كەزىمنەن ءار ۇلت اعا - باۋىر، اپەكە - قارىنداستارمەن بىرگە تۇرمىس كەشىرىپ، بىرگە ۇيرەندىم، ۇلتتار ىنتىماعى سۇيىسپەنشىلىگى قانىما تەرەڭ سىڭگەن. مىنا ءبىر ءىس كۇنى بۇگىنگە دەيىن ەسىمنەن كەتپەيدى: 1987 - جىلى ەرەكشە زور تاسقىن اپاتىنان پويەز توقتاپ، ون مىڭداعان جولاۋشى قۇمىلدا ايالداپ قالدى، 5 تاۋلىك بويى قۇمىلداعى ءار ۇلت حالقى ۆوكزالدا قالعان جولاۋشىلارعا شىن پەيىلىمەن كومەكتەستى، ۇيعۇر اتايلار ەسەك ارباسىمەن ولارعا قاربىز جەتكىزسە، حانزۋ اپالار كۇرىش تاعام، ءمانتى سياقتىلاردى اكەلدى... مەن دە ۆەلوسيپەدىممەن ۇيدەگى جاڭادان ۇزگەن ءجۇزىمدى ولارعا اپارىپ بەردىم. سول ساتتە مەن ءار ۇلت حالقىنىڭ ۇلى ىنتىماعىن، سەن، مەن دەسپەيتىن، قيىنشىلىق بولسا بىرگە جەڭەتىن شىنايى سۇيىسپەنشىلىگىن تەرەڭ سەزىندىم. رەفورما جاساپ، ەسىك اشقاننان بەرى، وتە - موتە، پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىندا، شينجياڭنىڭ ەكونوميكاسى بارىنشا دامىپ، حالىق تۇرمىسى بارىنشا جاقسارىپ، ءار ۇلت حالقىنىڭ تۇرمىس ورەسى ۇزدىكسىز جوعارىلادى.
الايدا، «ءۇش ءتۇرلى كۇش» ءبىزدىڭ جاقسى تۇرمىس كەشىرگەنىمىزدى كورگىسى كەلمەي، شينجياڭنىڭ تاريحىن بوتەن نيەتپەن بۇرمالاپ، ۇلتتىق وشپەندىلىك تۋدىرۋعا ۇرىنىپ، ۇلتتىق سۇيىسپەنشىلىككە جىك تۇسىرمەك بولدى؛ زورلىقتى كۇش، لاڭكەستىك دەلولارىن تۋدىرىپ، زاڭنىڭ بەدەلىن قۇتىرىنا اياققا تاپتاپ، ءار ۇلت حالقىنىڭ قالىپتى ءوندىرىس، تۇرمىس ءتارتىبىن اۋىر دارەجەدە ءبۇلدىرىپ، شينجياڭدى وتاننىڭ قۇشاعىنان ءبولىپ اكەتۋدەي سۇرقيا ماقساتىنا جەتۋ قۇر قيالىنا سالىندى. «ءۇش ءتۇرلى كۇش» − قوعامداعى ۋلى وسپە جانە سىپىرىندى، ءار ۇلت حالقىنىڭ ورتاق جاۋى. پارتيا مۇشەلەرى مەن كادرلار قوسىنىنىڭ اراسىنا جاسىرىنعان «ەكىبەتكەيلەر» − «ءۇش ءتۇرلى كۇشتىڭ» قول شوقپارى جانە پەردە ارتىنداعى قاسكويلەر، ولار ءتىپتى دە ارامزا، ءتىپتى دە زىميان، ءتىپتى دە قاتەرلى. ءبىز، ءسوزسىز، قىراعىلىقتى ارتتىرىپ، دۇرىس پەن بۇرىستى ايقىن پارىقتاپ، ولاردىڭ سۇرقيا كەيىپ - كەسپىرى مەن كەرتارتپا ءمانىن اشكەرەلەپ، قاتاڭ سوققى بەرىپ، «ەكىبەتكەيلەردى» باتىل، بەكەم تۇردە سۇيرەپ شىعىپ، كوزىن جويۋىمىز كەرەك. مەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، پارتيا مەن حالىققا دەگەن ادالدىق ءۇنىمدى، «ءۇش ءتۇرلى كۇشكە»، «ەكىبەتكەيلەرگە» قارسى كۇرەستى سوڭىنا دەيىن جالعاستىراتىن ادىلەت ءۇنىمدى جۇرەكتىلىكپەن ايگىلەپ، باتىل، بەكەم تۇردە «ءۇش ءتۇرلى كۇشپەن»، «ەكىبەتكەيلەرمەن» ولىسپەي − بەرىسپەي كۇرەس جاساپ، ءوز باسىمنان ونەگە كورسەتىپ، اتويلاپ الدا ءجۇرىپ، جاقسى باستاماشى بولىپ، ۇلگى بولىپ، «ءۇش ءتۇرلى كۇشتى»، «ەكىبەتكەيلەردى» تامىرىمەن قوپارىپ، ادا - كۇدە الاستاپ، وتاننىڭ تۇتاستىعىن قورعاۋعا، كورىكتى مەكەنىمىزدى قورعاۋعا ءتيىستى ۇلەسىمدى قوسامىن.
ءبىر پارتيالى كادر رەتىندە، مەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، باتىل تۇردە يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، تۋىم ايقىن تۇردە ساياسيدى دارىپتەپ، ساياسي ءتارتىپ پەن ساياسي قاعيداعا قاتاڭ بويسۇنىپ، پارتياعا، وتانعا، حالىققا ماڭگى ادال بولاتىن قاسيەتىمدى ساقتايمىن. ماركسيزمدىك «5 كوزقاراستى» بەرىك ورناتىپ، «ءۇشتىڭ ءبىر - بىرىنەن ايرىلا الماۋى يدەياسىن» بەرىك ورناتىپ، «بەستى شىنايى مويىنداۋدى» كۇشەيتەمىن. ەرەكشە ساياسي سىن الدىندا، مەن تۋدى بيىك ۇستاپ، باتىل ءۇن قاتىپ، اتويلاپ الدا ءجۇرىپ، ءاربىر پارتيالى كادر، ءسوزسىز، جازۋعا ءتيىستى ساياسي جاۋاپنامانى ويداعىداي جازىپ، جاۋاپكەرلىك - بورىشىممەن سايكەس كەلەتىن ساياسي قابىلەتىمدى، ءمورال ۇستانىمىمدى شىڭدايمىن. ۇلكەن دۇرىس، ۇلكەن بۇرىس ماسەلەسىندە مەن ءارقاشان پارتيا تارتىبىمەن، پارتيا قاعيداسىمەن جانە زاڭ - تۇزىمدەرمەن ءوزىمدى جونگە سالىپ، ءبىر اۋىز سوزدەن، ءبىر ارەكەتتەن، ءاربىر كىشكەنتاي ىستەردەن باستاپ كىرىسىپ، ماسەلەلەردى سالىستىرىپ تەكسەرىپ، سالالاپ، دەرەۋ ارەكەتكە كەلىپ، دەرەۋ وزگەرتىپ، ءوزىمدى جان - جاقتى رەتكە سالامىن، وزگەرتەمىن.
مەن ۇلتتار ىنتىماعىنىڭ ۇلى تۋىن بيىك ۇستاپ، ۇلتتار ىنتىماعىن قورعاۋدىڭ ۇلگىسى بولامىن. ءارقاشان ۇلتتار ىنتىماعىن قورعاۋدى ءوز مىندەتىم ەتىپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، ءار ۇلت بۇقاراسىن «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتۋعا، «بەستى شىنايى مويىنداۋدى» ۇزدىكسىز كۇشەيتۋگە تاربيەلەپ، ءار ۇلت بۇقاراسىن شىن جۇرەكتەن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە، ۇلتتار ىنتىماعىن كوز قاراشىعىنداي قاستەرلەۋگە، ۇلتتار ىنتىماعىن ومىرىندەي ايالاۋعا جەتەكتەپ، ءار ۇلت بۇقاراسىنىڭ اناردىڭ دانىندەي تىعىز ۇيىسۋىن جەبەپ، وتاننىڭ تۇتاستىعىن قورعاۋدىڭ، ۇلتتار ىنتىماعىن قورعاۋدىڭ، قوعامنىڭ ورنىقتىلىعى مەن باياندى تىنىشتىعىن قورعاۋدىڭ قۇرىش قورعانىن بەكەمدەيمىن.

جاۋاپتى رەداكتور: قابىلقان ايتقابىل ۇلى
  • كوممۋنيستىك جاستار وداعى مەملەكەتتىك 18 - قۇرىلتايى بەيجيڭدە اشىلدى(1)
  • جەمەنەي اۋدانىنداعى بايىرعى جۇرت قالدىعى ادامدى قانشالىقتى قىزىقتىرادى؟
  • قاناس كورىنىس رايونى ساياحاتتىڭ قاۋىرت مەزگىلىنە ءوتتى
  • قابا اۋدانى «عىلىم -تەحنيكا جازى » قيمىلىن قانات جايدىردى