اعاجاي-التاي تورابى   ›   زاڭ-تارازى   ›   عىلىمي ماقالالار

باس نىسانانى امالياتتا ايگىلەۋدىڭ اتويشىسى بولامىن

اۆتونوميالى رايوندىق ولشەۋ - تەكسەرۋ، زەرتتەۋ اكادەمياسىنىڭ باستىعى تايىر سىراپىل

        پارتيانىڭ قامقورلىعى مەن باۋلىپ - تاربيەلەۋىندە پارتيالى باسشى كادر بولىپ تولىسىپ جەتىلدىم. مەن جۇڭگو كوممۋنيستىك پارتياسىنىڭ باسشىلىعى بولماسا شينجياڭنىڭ كوركەيىپ، دامۋىنىڭ، ءار ۇلت حالقىنىڭ باقىتتى تۇرمىسىنىڭ بولمايتىنىن قانىق بىلەمىن.
سوڭعى جىلدارى شەكارا ءىشى - سىرتىنداعى «ءۇش ءتۇرلى كۇش» وتاندى بولشەكتەۋدەي سۇرقيا ماقساتتارىنا جەتۋ ءۇشىن، «ۇلت»، «ءدىن» تونىن جامىلىپ، ۇلتتىق وشپەندىلىككە جەلىكتىرىپ، ۇلتتىق اپتىقپالىققا ايتاقتاپ، زورلىقتى كۇش، لاڭكەستىك دەلولارىن سان مارتە تۋدىرىپ، شينجياڭنىڭ تىنىش تا ىنتىماقتى تاماشا جاعدايىن ءبۇلدىردى. «ەكىبەتكەيلەر» استىرتىن تۇردە «ءۇش ءتۇرلى كۇشتىڭ» قولشوقپارى بولىپ، بىلىقپالىق تۋدىرىپ، وتاندى بولشەكتەۋ قاسكۇنەمدىگىنە سالىندى، «ەكىبەتكەيلەر» «ءۇش ءتۇرلى كۇشتەن» دە وتكەن سايقال، الاياق، ءتىپتى دە قۋ زالىم، ءتىپتى دە قورقىنىشتى، زاردابى ءتىپتى دە اۋىر، شارپيتىن اۋماعى ءتىپتى دە كەڭ، وتان تۇتاستىعى مەن قوعام ورنىقتىلىعىن بۇلدىرەتىن پەردە ارتىنداعى قارا قولدار. مۇندا مەن، ءسوزسىز، كەۋدە كەرە العا شىعىپ، جۇڭگو كوممۋنيستىك پارتياسى مەن ۇلى وتاننىڭ مەيىر - شاپاعاتىنا العىس ايتۋ ءۇنىمدى، مەملەكەت پەن حالىققا دەگەن ادالدىق ءۇنىمدى، «ءۇش ءتۇرلى كۇشپەن» باتىل كۇرەس جاسايتىن ادىلەت ءۇنىمدى اسقاقتاتامىن. بولشەكتەۋشىلىككە قارسى كۇرەس سىندى كەلەلى پرينسيپتىك ماسەلەدە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرەمىن، تياناقتاندىرامىن، «ورنىقتىلىق بارلىعىن باسىپ تۇسەدى» دەگەن يدەيادان قاي - قاشان دا باتىل اۋىتقىمايمىن، ەنجارلىققا سالىنبايمىن، بولشەكتەۋشىلىككە قارسى تۇرۋ كۇرەسىندە اتويشى جاۋىنگەر بولىپ، شەپتىڭ الدىندا ءجۇرىپ، «ءۇش ءتۇرلى كۇشپەن» ءۇزىلدى - كەسىلدى كۇرەس جاساۋعا سەرت بەرەمىن. كورىنىستە بويسۇنعانسىپ، كومەسكىدە قارسى شىعاتىن، «ءۇش ءتۇرلى كۇشپەن» ءتىل بىرىكتىرەتىن، اۋىز جالاساتىن «ەكىبەتكەيلەردى»، ءسوزسىز، تارتىپ شىعارىپ، زاڭ بويىنشا قاتاڭ جازالاۋعا، استە ىرقىنا جىبەرمەۋگە مۇمكىندىك جاسايمىن.
كەزەكتە ءار ۇلت كادر - جۇرتشىلىعى اۆتونوميالى رايوندىق پارتكومنىڭ پارمەندى باسشىلىعىندا، باس نىسانانى تىعىز ارقاۋ ەتىپ، جەلىلەس «كەشەندى شارالاردى» ويداعىداي اتقارىپ، كورنەكتى جەتىستىكتەرگە قول جەتكىزدى، وتان تۇتاستىعىن پارمەندى قورعادى، قوعام ورنىقتىلىعى مەن باياندى تىنىشتىقتى پارمەندى قورعادى. ۇلتتىق بولشەكتەۋشىلىككە قارسى تۇرۋ، وتان تۇتاستىعىن قورعاۋ − ءار ۇلت پارتيا مۇشەلەرى مەن كادرلاردىڭ ەڭ ماڭىزدى ساياسي جاۋاپكەرشىلىگى. مەن يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن قاي - قاشان دا وسكەلەڭ ءبىر اۋىزدىلىقتى ساقتايمىن، پارتيانىڭ قولباسشىلىعىنا بويسۇنامىن، جالپى جاعدايعا قىزمەت كورسەتەمىن، ءىشىم مەن سىرتىم بىردەي، ءسوزىم مەن ارەكەتىم بىركەلكى بولىپ، ءبىلۋ مەن ارەكەتتىڭ بىرلىگىن جۇزەگە اسىرامىن. ساياسي تۇرعىمدى بەكەمدەپ، ۇلكەن دۇرىس پەن ۇلكەن بۇرىس ماسەلەسىندە وي - سانامدى سەرگەك ۇستاپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن كۇشەيتىپ، اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىن باستاماشىلدىقپەن تياناقتاندىرامىن. پارتيا مۇشەسى رەتىندە، تۋىم ايقىن تۇردە پوزيتسيامدى ايقىن ءبىلدىرىپ، كوزقاراسىمدى ايقىنداپ، سەنىمىمدى باتىلدىقپەن ورتاعا قويامىن: مەن اتەيسپىن، تەك كوممۋنيزمگە عانا سەنەمىن. ءارقانداي ۋاقىتتا، ءارقانداي جەردە ۇلى وتانىمدى شىنايى مويىنداۋدان قاي - قاشان دا بۇلجىمايمىن، پارتيانى شىنايى مويىنداۋىم ماڭگى وزگەرمەيدى.
ىنتىماق، ورنىقتىلىق − قۇت، بولشەكتەۋشىلىك، بىلىقپالىق − جۇت. شينجياڭداعى ءار ۇلت حالقى تىعىز قارىم - قاتىناستاعى، ءبىر - بىرىنەن ايرىلا المايتىن تاعدىرلاس ورتاق تۇلعا، ءبىز، ءسوزسىز، «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتىپ، «بەستى شىنايى مويىنداۋدى» كۇشەيتىپ، ۇلتتار ىنتىماعىن كوز قاراشىعىمىزداي قورعاپ، ءومىرىمىزدى قاستەرلەگەندەي قاستەرلەپ، ۇلتتار ىنتىماعىن بۇلدىرەتىن بارلىق ءسوز - ارەكەت اتاۋلىمەن تۋىمىز ايقىن تۇردە باتىل كۇرەس جاساۋىمىز ءتيىس. مەكەمەنىڭ نەگىزگى باسشىسى رەتىندە، مەنىڭ ءوز باسىمنان ونەگە كورسەتۋ، ماڭىمداعى ىستەردەن باستاپ ىستەۋدەي بورىشىم جانە جاۋاپكەرشىلىگىم بار، سوندىقتان «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن ارقاۋ ەتىپ، جۇپ قۇراۋ، ۇنەمى حال - جاعداي ۇعىسۋ، ءوزارا ۇيرەنۋ، شىنايى سۇيەمەلدەۋ، ۇنەمى اۋىس - كۇيىس جاساۋداي قارىم - قاتىناس ورناتۋ تۇعىرىن بەلسەنە ورناتىپ، ۇلتتاردىڭ ءوزارا ارالاسۋىن، ىشتەسۋىن، توعىسۋىن جەبەيمىن.

جاۋاپتى رەداكتور: قابىلقان ايتقابىل ۇلى
  • جەمەنەي اۋدانى: تەگىن دەنساۋلىق ساقتاۋ جايلاۋعا كوشكەن مالشىلارمەن بىرگە
  • بۋىرشىننىڭ كوركەم ەكولوگيالىق ورتاسى
  • جەرگىلىكتى جاسىل-ءتۇستى جەمىس-جيدەكتەر الارمانداردىڭ قاجەتىن قامدادى
  • جابايى قوياندار كوبەيدى