اعاجاي-التاي تورابى   ›   زاڭ-تارازى   ›   تارازى

ەڭ تومەنگى ەڭبەكاقى ۇستەمە جۇمىس ىستەۋ ارقىلى قولعا تيەتىن ەڭبەكاقىنى ءوز ىشىنە الا ما ؟

   ەلىمىز «ەڭبەك زاڭى» جانە ادام كۇشى بايلىعى جانە قوعامدىق قامتاماسىزداندىرۋ مينيسترلىگى جاريالاعان «ەڭبەكاقى تاراتۋدىڭ ۋاقىتتىق بەلگىلەمەسىندە»: ەڭبەكشى زاڭدا بەلگىلەنگەن قىزمەت ۋاقىتىندا قالىپتى قىزمەت ىستەۋ العى شارتىندا، جۇمىس ورنى جاعىنان بەرىلەتىن ەڭ تومەنگى ەڭبەكاقىدان يگىلىكتەنەدى. ەڭ تومەنگى ەڭبەكاقى نەگىزگى ەڭبەكاقى مەن سيلىق، جاردەم قاراجات جانە قوسىمشا قاراجاتتى ءوز ىشىنە الادى. الايدا، بەلگىلەنگەن ۋاقىتتان اسىرىپ ۇستەمە ەڭبەك ىستەۋدى قامتىمايدى. ەرەكشە ەڭبەك ىستەۋ شارت-جاعدايىنداعى كومەك قاراجات مەملەكەت بەلگىلەگەن قوعامدىق قامسىزداندىرۋ جانە قوسىمشا قاراجات يگىلىگىن قامتيدى. ەڭ تومەنگى ەڭبەكاقىدان قۇرام تاپقان سىرتقى كىرىس ءتۇرى ادام كۇشى بايلىعى جانە قوعامدىق قامتاماسىزداندىرۋ مينيسترلىگى تاراتقان «كاسپورىننىڭ ەڭ تومەنگى ەڭبەكاقىسى بەلگىلەمەسى» جانە «ەڭ تومەنگى ەڭبەكاقى قامسىزداندىرۋ ءتۇزىمىن اتقارۋ تۋرالى ۇقتىرۋىندا» انىق بەلگىلەنگەن. مۇندا: 1. بەلگىلەنگەن ۋاقىتىنان اسىرىپ ۇستەمە جۇمىس ىستەگەندەرگە ۇستەمە ەڭبەكاقى بەرىلەدى؛ 2. تۇسكى، كەشكى ۋاقىت، جوعارى، تومەن تەمپەراتۋرالى ورىن، قۇدىق استى، ۋلى گازدىڭ زيانى باسىم ورىن سياقتى ەرەكشە قىزمەت ورتاسىندا جۇمىس ىستەگەندەرگە كومەك قاراجات بەرىلەدى؛3. مەملەكەتتىڭ زاڭ جانە ساياساتتارىندا بەلگىلەنگەن جۇمىسشىنىڭ قامسىزداندىرۋ قوسىمشا قاراجاتى؛ 4.ادام ىستەتۋشى ورىن قوسىمشا ازىق-تۇلىك، تۇرارجاي قاتارلىلاردى ءبولىپ بەرۋ سىندى اقشالاي كىرىمگە جاتپايتىنداردى ەڭ تومەنگى ەڭبەكاقى قاراجاتىنا جاتقىزۋعا بولمايدى. جوعارىداعى بەلگىلەمەلەرگە نەگىزدەلگەندە، ەڭ تومەنگى ەڭبەكاقى ۇستەمە جۇمىس ىستەۋ ارقىلى قولعا تيەتىن ەڭبەكاقىنى قامتىمايدى.

جاۋاپتى رەداكتور: ايدوس بازارحان ۇلى
  • قولونەر بۇيىمدارى كورگىزبە باسەكەسى بولىپ ءوتتى
  • قوس مەرەكەنى قۋانىشپەن قارسى الدى
  • «مادەني مۇرا كۇنى» بايلانىسىمەن مادەني قيمىل ورىستەتىلدى
  • ەنەرگيانى ۇنەمدەۋ ۇگىت اپتالىعى باستالدى