اعاجاي-التاي تورابى   ›   اقپارات ايدىنى   ›   ءوز حابارلارىمىز

اۆتوكولىك رەمونتتاپ كاسىپ كوزىن اشقان ەركىن

ٴتىلشىمىز قۇرمانگۇل جەڭىسبەك قىزى حابارلايدى.

  التاي قالاسى ٴابيتان قالاشىعى شىڭىراۋ قىستاعى قالاعا جاقىن قونىستانۋ ابزالدىلىعىنان تولىق پايدالانىپ، اۋىل ـ قىستاقتاعى ارتىق ەڭبەككۇشتەردىڭ ٴوز جەرىندە كاسىپتەنۋىن جەبەپ كەلەدى.

  شىڭىراۋ قىستاعىنىڭ تۇرعىنى ەركىن شونتاي ۇلى وسى قىستاقتان اۆتوكولىك رەمونتتاۋ ورنىن اشىپ كاسىپتەنگەنىنە مىنە 18 جىل بولعان. باستابىندا باسقالاردىڭ رەمونتحاناسىندا جۇمىس ىستەپ، تاجىريبە توپتاعاننان كەيىن، 2000 ـ جىلى ٴوز يەلىگىندەگى اۆتوكولىك رەمونتتاۋ ورنىن اشادى. العاشىندا، كاسىپ كولەمى اۆتوكولىك دوڭعالاعىن جاماپ ـ جاسقاۋمەن عانا شەكتەلسە، ۇزدىكسىز ۇيرەنىپ، كاسىپتىك قابىلەتىن جوعارىلاتقان ەرەكەڭ، كەيىن كاسىپ كولەمىن كەڭەيتىپ، جۇك تاسيتىن اۋىر تۇرپاتتى كولىكتەر مەن اۋىل ـ شارۋاشىلىق ماشينالارىن رەمونتتاۋ، تىركەلەمەرىنىڭ سىنعان جەرلەرىن دانەكەرلەۋ، اۆتول مايىن الماستىرۋ قاتارلى قىزمەت وتەۋ تۇرلەرىن قوسادى.

  ەركىن تىلشىگە : «قازىر ساۋدام كۇسەت. جالعىز ٴوزىم جەتىسە الماي قالامىن. شاكىرت تاربيەلەپ، كاسىپ كولەمىن جالعاستى كەڭەيتۋدى ويلايمىن، ٴبىراق، اۆتوكولىك رەمونتتاۋ كاسىبى ۇستى ـ باسىڭ ۇنەمى ماي ـ ماي بولىپ جۇرەتىن جاپالى كاسىپ بولعاندىقتان، بۇل كاسىپپەن شۇعىلدانۋدى تالدايتىن جاستار جوقتىڭ قاسى».-دەدى.

  ەرەكەڭنىڭ اۋىلدا «شوفەرلاردىڭ شۇعىل قۇتقارۋشىسى» دەگەن اتاعى بار. بۇعان سەبەپ، ەرەكەڭنىڭ ەلگەزەكتىگى مەن قايىرىمدىلىعى. ادەتتە، اۋىل كولەمىندەگى اۆتوكولىگىنىڭ دوڭعالاعى جارىلىپ نەمەسە كولىگىنەن باسقادا كىنارات شىعىپ، جارىم جولدا قالعان شوفەرلاردىڭ بارلىعى الدىمەن ەرەكەڭدى ەسكە الادى. رەمونتحاناعا جەتۋگە شاراسىز قالعان شوفەرلاردى ەرەكەڭ دالاعا تاستاپ كورگەن ەمەس. قايتا قولىنا كەلگەن كومەگىن كورسەتىپ، جولدا قالعان كولىكتى كىناراتتان ارىلتۋعا قۇلشىنىپ كەلەدى ەكەن.

  ەركىن تىلشىگە بىلاي دەدى: «شاعىن تۇرپاتتى تىركەمەلى اۆتوكولىگىم بار. وعان دوڭعالاق جاماۋ، جەل بەرۋ، دانەكەرلەۋ قاتارلى جۇمىستارعا ىستەتىلەتىن سايماندارىمدى سالىپ، ساقاداي سايلاپ قويامىن. ەگەر كىمدە ـ كىم جارىم جولدا قالىپ، كومەك سۇراسا جەتىپ بارۋعا دايارمىن. سوندىقتان، اۋىلداستارىم مەنى ‹شوفەرلاردىڭ شۇعىل قۇتقارۋشىسى› دەپ اتاپ كەتكەن».-دەيدى.

  ەرەكەڭنىڭ رەمونتحاناسى قاراپايىم دا شاعىن بولعانىمەن، ول قاجىرلىلىعى مەن ىسكەرلىگىنىڭ ارقاسىندا، اۋقاتتانىپ، اۋىلداستارىنا ۇلگى بولىپ وتىر. سونىمەن بىرگە، ەرەكەڭ ساپالى قىزمەت وتەپ، ۇيلەسىمدى اقى الۋ ارقىلى اۋىلداستارىنىڭ القاۋىنا بولەنىپ كەلەدى.

  جانات ۇسەن ۇلى ەرەكەڭنىڭ تۇراقتى قاريدارى. ول تىلشىگە: «ەركەڭ دانەكەرلەۋدى  مىقتى ۇستاتادى ٴارى باعاسى دا ارزان. مەنىڭ جۇك تاسىمالىمەن شۇعىلدانعانىما 8 جىل بولدى. ٴار جولى اۆتوكولىگىمەن كىنارات شىقسا بولدى وسىندا كەلىپ رەمونتتاتامىن».-دەدى.

جاۋاپتى رەداكتور: قابىلقان ايتقابىل ۇلى
  • جۇڭگو عىلىم اكادەمياسىنىڭ 19-رەتكى اكادەميكتەر جينالىسى مەن جۇڭگو ينجەنەريالىق عىلىمدار اكادەمياسىنىڭ 14-رەتكى اكادەميكتەر جينالىسى سالتاناتپەن اشىلدى
  • قىزمەت اترەتىنەن: جۇزىنە كۇلكى ۇيىرىلگەن سۇيكىمدى بالاقايلار
  • التاي اۋىل شارۋاشىلىق-ساۋدا بانكەسى التاي قالاسىندا اشىلۋ سالتىن وتكىزدى
  • چىن چۋانگو شينجياڭ جەمىس-جيدەك توپ سەرىكتەستىگىندە تەكسەرۋ-زەرتتەۋدە بولعاندا مىنالاردى باسا دارىپتەدى