اعاجاي-التاي تورابى   ›   اقپارات ايدىنى   ›   ءوز حابارلارىمىز

تاۋ ساعىنىشى

ءتىلشىمىز ءاننا اكىمقان قىزى حابارلايدى.

 زىمىراعان ۋاقىتتىڭ لەبىنەن ءسال تىنىستاپ وتكەن كۇندەرگە اقىرىن وي سالار بولساڭىز، بالالىق بال داۋرەن شاق ەڭ الدىمەن ەسكە ورالاتىنى انىق.

  ءيا، مەندەي اتاسىنىڭ تىزەسىن ات قىپ، اجەسىنىڭ قۇرتىن تاس قىپ ويناعان، تاۋدا وسكەن تاۋ قىزىنىڭ اڭ مەن قۇسقا تولى، جۋسان ءيسى اڭقىعان دارقان دالا، ايبارلى تاۋ كوركىن ساعىنا ەسكە العانى ارتىق ەتپەس دەپ بىلەم.

  ەگەر مەنەن بىرەۋ قايدا بارعىڭىز كەلەدى دەسە، ەش ەكىلەنبەستەن”تاۋ“ دەپ جاۋاپ بەرەر ەدىم، ويتكەنى ءار جولى تاۋعا شىققان سايىن بالالىق شاعىمداعى ءبىر توپ اۋىل بالالارىمەن بىرگە بۇلدىرگەن تەرىپ، بۇزاۋ قۋاتىن، وتىن تەرىپ، يىق اعاشپەن سۋ تاسىيتىن، جارىسا ىركىت ءپىسپ، تالاسا قارما جەيتىن كەزدەر ەرىكسىز كوز الدىمنان تىزبەكتەلە ءوتىپ جاتادى.

  شىركىن، ءار اپتانىڭ جۇماسىن كۇتەتىن سول باستاۋىش سىنىپ كەزدەرىندە، اتا-اپامىزدى كورگەنشە اڭساپ جاياۋ دەمەي تىكە تاۋ جولدارمەن ورمەلەي كەتە بارا جاتقان ءسابي بەينەمىز ءالى كۇنگە دەيىن سانامدا انىق ساقتالىپ قالىپتى. سوسىن انادايدا اق ۇيلەردىڭ توبەسى كورىسىمەن، جول بويعى جۇرەگىمىزدەگى قورقىنىش سەزىمى بىردەن سەيىلىپ، ورە استىندا راديونىڭ دىبىسىن قاتتى ساڭقىلداتا قويىپ وتىراتىن اتامنىڭ بەينەسى ءار دايىم تاۋ بولىپ ەلەستەۋشى ەدى ماعان...

مىنە وسىنداي تالاي عاسىرلاردىڭ ايعاعى بولعان، تالاي-تالاي نايزاعايلى نوسەرلەردى باسىنان وتكىزگەن، ويعا باتقان نۋ ورمانداردىڭ ارقا سۇيەر ازاماتى ىسپەتتى اقباس كيەلى شىڭدارعا شىعىپ تۇرىڭىزدار!! تابيعاتتى دا ايالاڭىزدار... دەپ جار سالعىم كەلەدى.

جاۋاپتى رەداكتور: جانار قاناپيا قىزى
  • بالالار مەرەكەسىن قارسى الدى
  • جۇڭگو عىلىم اكادەمياسىنىڭ 19-رەتكى اكادەميكتەر جينالىسى مەن جۇڭگو ينجەنەريالىق عىلىمدار اكادەمياسىنىڭ 14-رەتكى اكادەميكتەر جينالىسى سالتاناتپەن اشىلدى
  • قىزمەت اترەتىنەن: جۇزىنە كۇلكى ۇيىرىلگەن سۇيكىمدى بالاقايلار
  • التاي اۋىل شارۋاشىلىق-ساۋدا بانكەسى التاي قالاسىندا اشىلۋ سالتىن وتكىزدى