اعاجاي-التاي تورابى   ›   اقپارات ايدىنى   ›   ءوز حابارلارىمىز

اقىل ايتار اعام كەلدى اۋىلعا

ٴتىلشىمىز قۇرمانگۇل جەڭسبەك قىزى حابارلايدى.

  ايماعىمىزداعى ٴار قايسى مەكەمە، ورىنداردان ”ۇلتتار ىنتىماعى بەرەكەلى شاڭىراعى” قيمىلىن ورىستەتكەن كادرلار نەگىزگى ساتىعا بارعاننان كەيىن، ٴار ۇلت بۇقاراسىمەن ەتەنە ارالاسىپ، ولاردىڭ ٴوندىرىس ـ تۇرمىسىنا كومەكتەسىپ، ولاردى اۋقاتتاندىرۋ جولىندا اقىل ـ كەڭەستەرىن اياعان جوق.

  5 – ايدىڭ 7 – كۇنى، ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى سەلبەسىپ ەمدەۋدى باسقارۋ ٴبولىمىنىڭ باستىعى ٴادىل ورازبەك ۇلىن، ٴبىز التاي قالاسى ٴابيتان قالاشىعى شىڭراۋ قىستاعىنىڭ تۇرعىنى سەرىك قاباش ۇلىنىڭ اۋلاسىنداعى كوكونىس تاقتاسىن تەگىستەپ جاتقان جەرىنەن جولىقتىردىق.

  ٴادىل مەن سەرىكتىڭ اعا ـ باۋىرلىق سۇيىسپەنشىلىگى ٴادىلدىڭ قىزمەتتەستەرى مەن سەرىكتىڭ اۋىلداستارىنىڭ تامسانا ـ تامسانا ايتاتىن اڭگىمەسىنە اينالعالى ٴبىراز ۋاقىت بولىپتى.

  5 - ايدىڭ باسىندا، ٴادىل ورازبەك ۇلى” ۇلتتار ىنتىماعىنىڭ بەرەكەلى شاڭىراعى” قىزمەتى قيمىلىنىڭ تالابى بويىنشا، تۋىسى سەرىكتىڭ ۇيىنە كەلەدى. باس ـ اياعى بەس ـ اق كۇندە، ٴادىل مەن سەرىك بىرگە تۋعان اعا ـ باۋىرداي ارالاسىپ، تۇرمىستا، تاماقتا، ۇيرەنۋدە، ەڭبەكتە بىرگە بولىپ، بەرەكەسىن بەكەمدەي تۇسەدى.

  وسى 5 كۇندە، ٴادىل باۋىرى سەرىككە پارتيا 19 ـ قۇرىلتايى مەن مەملەكەتتىك «ەكى ٴماجىلىس» رۋحىن جەتكىزۋ، پارتيا مەن ۇكىمەتتىڭ حالىققا ٴتيىمدى ساياساتتارىن ۇگىتتەۋدەن تىس، سەرىكتىڭ مال قوراسىنداعى قيدى ويىپ، قىستايعى جينالعان كوڭدى تازالاپ، تاسۋ، قىستان قالعان ٴشوپتى جيناپ، قورانىڭ توبەسىنە شىعارۋ، جىلى قورانىڭ تەرەزەسىندەگى شاعىلعان اينەكتەردى جاڭالاپ اۋىستىرۋ، كوكونىس ەگەتىن تاقتانىڭ توپىراعىن قاشاپ، تىندىرۋ، تاماق ىستەپ، بالا قاراۋ قاتارلى جۇمىستاردى بەلسەنە ىستەپ، سەرىككە بىرگە تۋعان اعاسىنداي كومەكتەسەدى.

  سەرىكتىڭ ٴوندىرىس ـ تۇرمىس جاعدايىن تاپتەشتەي ۇعىسقان ٴادىل سەرىكتىڭ بانكەگە قايتاراتىن 40 مىڭ يۋان قارىزى بار ەكەنىن بىلگەن سوڭ، سەرىككە اۆتوكولىگى مەن ٴبىر ٴبولىم مالىن ساتىپ، الدىمەن بانكەنىڭ قارىزىن قايتارۋدى ايتادى. بۇل اقىل العاشىندا سەرىكتىڭ يدەياسىنان بىردەن وتە قويمايدى.

  ٴادىل تىلشىگە : «سەرىكتىڭ وي ـ ساناسى اشىق، ەڭبەكشىل جىگىت ەكەن. وسى قىستاققا العاش كوشىپ كەلگەندە، 100 مىڭ يۋانعا ٴۇي ساتىپ الىپتى. بانكەدەگى 40 مىڭ يۋان قارىز سودان قالعانى ەكەن. مەن كۇندەلىكتى تۇرمىستا سەرىككە اۆتوكولىكتىڭ كوپ قاجەتى جوق ەكەنىن بايقاپ، وعان اۆتوكولىگىن ساتىپ جىبەرۋدى ايتتىم. ول العاشىندا اۆتوكولىگىن ساتقىسى كەلمەدى. مەن وعان ٴبىر اۆتوكولىكتىڭ ٴبىر جىلدىق شىعىمى 10 مىڭ يۋانعا جەتەقابىل ەكەنىن ەسەپتەپ بەرگەندە بارىپ ول يلاندى. سوسىن، ول مەنىڭ اقىلىمدى قۇپ كورىپ، كونوتوز كولىگىن 21 مىڭ يۋانعا ساتىپ، وعان مال ساتقان اقشاسىن قوسىپ، بانكەدەگى قارىزىن قايتارىپ تاستادى».-دەدى.

  سەرىك ٴوزى جاز ايلارىندا ٴابيتان قالاشىق سۋ ىستەرىن باسقارۋ پۋنكتىندە جۇمىس ىستەسە، جولداسى قىستاق شيپاگەرلىك قىزمەتىن اتقارىپ، ەكەۋى اجەپتاۋىر كىرىس كىرگىزەدى ەكەن.

  سەرىك تىلشىگە : «بۇرىن بانكەدەگى 40 مىڭ يۋان قارىزىم ارقاما ايازداي باتىپ جۇرەتىن. كەلىنشەگىم ەكەۋىمىز ٴوز جۇمىسمىزدان بوساي المايتىندىقتان، ازىن ـ اۋلاق مالىمىزدى جازدا باسقالارعا كوتەرتىپ، قىستا قولدا باعاتىنبىز. مالدىڭ جازعى باعىم اقىسى مەن قىسقى جەم ٴشوبىنىڭ وزىنە ٴبىر تالاي قارجى جۇمسالاتىن. ٴادىل اعام ەسەپتەپ كورسەتكەندە بارىپ، مالدان ماندىتىپ پايدا كورمەگەنىمدى جانە اۆتوكولىك مىنەمىن دەپ ورىنسىز شىعىن شىعارىپ جۇرگەنىمدى ٴبىراق اڭعاردىم. اۆتوكولىگىمدى جانە ٴبىر ٴبولىم مالىمدى ساتىپ، قارىزىمدى قايتارعاندا بارىپ، ەڭسەم كوتەرىلىپ قالعانداي سەزىندىم. ەندى تاپقان تابىسىمدى ۇنەمدەپ ىستەتىپ، سىلكىنىسكە ٴتوزىمدى بەيحۇت ٴۇي سالىپ الۋدىڭ جوسپارىن قۇرىپ وتىرمىن. ٴادىل اعامنىڭ كومەگى مەن اقىلىنا مىڭ مارتە راحىمەت».-دەدى.

  ٴادىل اعاسىنىڭ اقىل قوسۋىندا، سەرىك ٴوزىنىڭ الداعى اۋقاتتانۋ جوسپارىن قۇرىپ ۇلگىرىپتى. ول كەلەر جىلعا دەيىن سىلكىنىسكە ٴتوزىمدى بەيحۇت  ٴۇي سالىپ، ونان ارعى جىلى كەڭ دە جىلى قورا سالۋدى جوسپارلاعان جانە جاز ايلارىندا قالاشىقتىڭ سۋ ىستەرىن باسقارۋ پۋنكتىندە جۇمىس ىستەپ، قىستا مال بورداقىلاۋمەن اينالىسۋدى كوزدەپ وتىر ەكەن.

جاۋاپتى رەداكتور: قابىلقان ايتقابىل ۇلى
  • سەستىرالار مەرەكەسىن قۇتتىقتادى
  • «وتانىم جۇرەگىمدە» اتىنداعى وتانشىلدىق ءان جارىسى بولىپ ءوتتى
  • ”ۇلتتار ىنتىماعىنىڭ بەرەكەلى شاڭىراعى” قيمىلى بۇقارانى شاتتىققا بولەدى
  • شي جينپيڭ مەن اياۋلى اناسى